مبعوث أمريكا إلى السودان: سنستخدم العقوبات بنظام " أسلوب في صندوق كبير"    حمّور زيادة يكتب: من الخرطوم إلى لاهاي    قيادي بالمؤتمر الشعبي يعلّق على"اتّفاق جوبا" ويحذّر    (ابناء باب سويقة في أختبار أهلي القرن)    عصار الكمر تبدع في تكريم عصام الدحيش    عبد الفضيل الماظ (1924) ومحمد أحمد الريح في يوليو 1971: دايراك يوم لقا بدميك اتوشح    الهلال يرفض السقوط.. والنصر يخدش كبرياء البطل    الجيش ينفذ عمليات إنزال جوي للإمدادات العسكرية بالفاشر    كيف دشن الطوفان نظاماً عالمياً بديلاً؟    محمد الشناوي: علي معلول لم يعد تونسياً .. والأهلي لا يخشى جمهور الترجي    مطالبة بتشديد الرقابة على المكملات الغذائية    تستفيد منها 50 دولة.. أبرز 5 معلومات عن الفيزا الخليجية الموحدة وموعد تطبيقها    السودان..الكشف عن أسباب انقلاب عربة قائد كتيبة البراء    حادث مروري بمنطقة الشواك يؤدي الي انقلاب عربة قائد كتيبة البراء المصباح أبوزيد    شاهد بالصورة والفيديو.. حسناء سودانية تخطف قلوب المتابعين وهي تستعرض جمالها ب(الكاكي) الخاص بالجيش وتعلن دعمها للقوات المسلحة ومتابعون: (التحية لأخوات نسيبة)    شاهد بالصورة والفيديو.. حسناء سودانية تخطف قلوب المتابعين وهي تستعرض جمالها ب(الكاكي) الخاص بالجيش وتعلن دعمها للقوات المسلحة ومتابعون: (التحية لأخوات نسيبة)    شاهد بالصورة والفيديو.. "المعاناة تولد الإبداع" بعد انقطاع الماء والكهرباء.. سوداني ينجح في استخراج مياه الشرب مستخدماً "العجلة" كموتور كهرباء    بالفيديو.. شاهد رد سوداني يعمل "راعي" في السعودية على أهل قريته عندما أرسلوا له يطلبون منه شراء حافلة "روزا" لهم    برشلونة يسابق الزمن لحسم خليفة تشافي    البرازيل تستضيف مونديال السيدات 2027    إسبانيا ترفض رسو سفينة تحمل أسلحة إلى إسرائيل    مدير الإدارة العامة للمرور يشيد بنافذتي المتمة والقضارف لضبطهما إجراءات ترخيص عدد (2) مركبة مسروقة    منتخبنا فاقد للصلاحية؟؟    قيادي سابق ببنك السودان يطالب بصندوق تعويضي لمنهوبات المصارف    شاهد بالصورة.. (سالي عثمان) قصة إعلامية ومذيعة سودانية حسناء أهلها من (مروي الباسا) وولدت في الجزيرة ودرست بمصر    آفاق الهجوم الروسي الجديد    كيف يتم تهريب محاصيل الجزيرة من تمبول إلي أسواق محلية حلفا الجديدة ؟!    شبكة إجرامية متخصصة في تزوير المستندات والمكاتبات الرسمية الخاصة بوزارة التجارة الخارجية    يوفنتوس يتوج بكأس إيطاليا للمرة ال15 في تاريخه على حساب أتالانتا    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    سعر الريال السعودي مقابل الجنيه السوداني في الموازي ليوم الأربعاء    وسط توترات بشأن رفح.. مسؤول أميركي يعتزم إجراء محادثات بالسعودية وإسرائيل    "تسونامي" الذكاء الاصطناعي يضرب الوظائف حول العالم.. ما وضع المنطقة العربية؟    "بسبب تزايد خطف النساء".. دعوى قضائية لإلغاء ترخيص شركتي "أوبر" و"كريم" في مصر    شاهد بالصورة.. حسناء السوشيال ميديا "لوشي" تنعي جوان الخطيب بعبارات مؤثرة: (حمودي دا حته من قلبي وياريت لو بتعرفوه زي ما أنا بعرفه ولا بتشوفوه بعيوني.. البعملو في السر مازي الظاهر ليكم)    حتي لا يصبح جوان الخطيبي قدوة    5 طرق للتخلص من "إدمان" الخلوي في السرير    انعقاد ورشة عمل لتأهيل القطاع الصناعي في السودان بالقاهرة    أسامه عبدالماجد: هدية الى جبريل و(القحاتة)    "المايونيز" وراء التسمم الجماعي بأحد مطاعم الرياض    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    باحث مصري: قصة موسى والبحر خاطئة والنبي إدريس هو أوزوريس    الفيلم السوداني وداعا جوليا يفتتح مهرجان مالمو للسينما في السويد    بنقرة واحدة صار بإمكانك تحويل أي نص إلى فيديو.. تعرف إلى Vidu    أصحاب هواتف آيفون يواجهون مشاكل مع حساب آبل    كيف يُسهم الشخير في فقدان الأسنان؟    هنيدي ومحمد رمضان ويوسف الشريف في عزاء والدة كريم عبد العزيز    أسترازينيكا تبدأ سحب لقاح كوفيد-19 عالمياً    تنكُر يوقع هارباً في قبضة الشرطة بفلوريدا – صورة    معتصم اقرع: حرمة الموت وحقوق الجسد الحي    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    بعد عام من تهجير السكان.. كيف تبدو الخرطوم؟!    العقاد والمسيح والحب    أمس حبيت راسك!    جريمة مروّعة تهزّ السودانيين والمصريين    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نتيجة المريخ نتيجة منطقية مع (التقشف) - او خلوا (بطة) تنفعكم
• البداية قلنا ليكم نشر في قوون يوم 01 - 07 - 2012

• كلمناكم..انتوا قعدتوا تغالطوا فينا ساكت...وتنططوا في عيونكم ...متل

الحوش الما فيه باب!!.

• قلنا ليكم (التقشف) دا صعب عليكم ...(نجيلتكم) ما بتستحملوا.

• نجيلة استاد المريخ امس ظهرت زي نجيلة دار الرياضة ام درمان ...ما عندها أي فرق.

• فاقدة سوايل.

• الاتنين (متقشفات).

• جمال الوالي عودكم على (القروش)...خرب طبعكم.

• قالوا ليك مدير دائرة الكورة في المريخ بدخل المباراة بي (دفتر الشيكات).

• كابتن المريخ بكون شايل ليه معاه (ربطة) قروش..اي لاعب يلعب ليه كورة

كويسة ..بحفزو وقتي.

• اتعودتوا على الحاجات دي.

• بلة جابر بقى لو ما لقى حافز على (عكسيتو) ما برفع الكورة.

• ولا بكذب ..دي شيء ما بجامل فيها.

• موسى الزومة اول حاجة عاوز ليه (نثرية) عشان يدخل يقطع ليه كورة.

• انتوا عارفين..ناس المريخ في مباراة القمة الاخيرة والتى انتصر الهلال

فيها بهدف عملوا شنو؟.

• ناس المريخ ما لقوا ليهم موضوع ..قاموا حفزوا اللاعب العندو كورة ضربت في القايم.

• عليكم الله ..دي سمعت بيها قبل كدا..في كورة القدم.

• أي مريخابي تناقشوا بعد المباراة كان بقول ليك نحن عندنا كورتين ضربت في القايم.

• لدرجة اننا نحن الهلالاب ...نسينا هدف بشة ..وقعدنا نتحدث في الكورة

الضربت في القايم.

• المريخاب ..اصلهم كدا ...ما عندهم موضوع.

• وغير كدا ..اي لاعب في المريخ اتعود على الفلوس ..بقوا ما بعملوا ليهم حاجة ساكت.

• أي حاجة بالورقة والقلم.

• شغالين في المريخ بالجرورة.

• المريخ عندهم زي الدكان الناصية.

• يشيلوا وجمال الوالي بدفع.

• جمال الوالي ما بقصر.

• كلتشي قالوا ليك لو ربط (كدارتو) عاوز ليه حافز.

• كلتشي ما بعمل حاجة ساكت.

• يا تدفعوا ليه ...يا كورتو كلها تمشي (الكشافات).

• كلتشي دا اسألوني منو نحن ...مجربنه.

• كلتشي مع البدفع.

• لو دفعت ليه (الكشافات) ما بقصر معاه.

• كلتشي دا اخر موسم ليه مع الهلال ..صلاح ادريس رفض يدفع ليه.

• عارفين كلتشي عمل شنو؟.

• كلتشي كورتو كلها بقت تمشي الكشافات.

• يشيل ويشوت في السما.

• نحن فترنا من الصنقيع.

• جاتنا (قطائع) عديل كدا.

• ونحن ما فاهمين حاجة.

• ما كنا قايلين كلتشي بعمل كدا ..عشان صلاح ادريس رفض يدفع ليه.

• هسع بقت اعرف.

• من اشوف كور كلتشي مشت (الكشافات) بعرف انو عاوز قروش.

• المعنى انا مفلس.

• كلتشي زي الحضري ...شغال بالتورتات.

• الحضري زمان قالوا ليك كان في المريخ أي (صدة) بي تورتة.

• ضربة الجزاء ..بتقاول عليها عديل.

• تذكروا الاهداف العكسية السجلوها ناس السعودي في الحضري ..اتسجلت ليه؟.

• عشان الحضري كان عندو متأخرات.

• لذلك الحضري اتغاتت معاهم ..بقى في أي مباراة داخل فيه هدف عكسي.

• هسع دحين (يس) دا اتبنوه.

• يس دا شوفوه.

• اسألوه ..يمكن يكون عندو (متأخرات).

• يمكن يكون عاوز قروش.

• بعدين (التقشف) دا ...ما بنعكس على النجيلة براها.

• التقشف دا بنعكس على النجيلة ..وعلى اللياقة ..وعلى المعنويات ...وعلى الاهداف.

• وعلى الحكام برضو.

• لعيبتكم ديل كلهم بقوا زي (السفرجية).

• كلهم بقوا ناس (بوفيه مفتوح) ساكت.

• والبوفيه المفتوح ..قلب (موية فول).

• البوفيه المفتوح ...قلب (عدس)...وسخينة.

• واجمل عدس ..واطيب عدس ..ما تقولوا لي ..ما تحكوا لي.

• زمان قالوا اذاعة استاد المريخ الداخلية كانت بتقدم اغاني المريخ

...واناشيد الزعيم.

• هسع قالوا ليك اذاعة استاد للمريخ قدمت قبل المباراة ...(اجمل عدس

..واطيب عدس ..ما تقولوا لي ..ما تحكوا لي).

• وبلة جابر من يسمع (الاغنية) دي ..نفسو بتطلع من اللعب.

• لعبو كلو ببقي (عدسي).

• عدسي ..عدسي.

• والله يا حليل (الشيات).

• يا حليل اللحمة بالفرم.

• خلاص الايام ديك انتهت...تاني يا بلة جابر ...(تقشف) شديد.

• ليمون بالجردل مافي تاني.

• الليمون تاني بالجك ..والفريق كلو بشرب من (الجك) دا.

• ايام (التكية) ديك ...انتهت.

• فريقكم دا كلو كدا بقى (قدر ظروفك).

• حارسكم يس دا مالو كورتو فكت كدا مع (التقشف) دا.

• دا حارس (تمهيدي).

• حارس (تقشفي) كدا.

• قالوا ليك ..اللاعب في المريخ وقت يسخن في المباراة بجي جاري على

الكنبة ...بدل ما يقول عاوز موية.

• اللاعب في المريخ اثناء المباراة بقول عاوز (سندوتش كبدة).

• كلتشي لمن يشوت ليه كورة سمحة ..بستغل الظرف ..وبجي يقول للمدرب عاوز لي (ضلعة).

• يس الظاهر عليه تقل في (الزلابية) بين الشوطين.

• هسع عليكم الله لو عندكم مجلس واعي ..وجهاز فني مقتدر ..بعمل العملو دا.

• لو مريخكم دا كلو فيه (عين واحدة) فاحصة ..بفكوا ايهاب زغبير ..وبخلوا (يس).

• يس دا عندي زي الموبايل التلاتين عشرة.

• تلاتين عشرة دي ...زي 3-2.

• هسع دي نتيجة تطلعوا بيها.

• يس دا زي الموبابلى القدر ما تدخل فيه شاحن موبايل ..ما بشحن.

• قدر ما تشحنو ..تلقى الموبايل خط واحد.

• يس دا قبل ما توقفوه كان تمضوه على كمبيالات.

• اصلو الزول دا ما توقفو ساكت.

• والله نحن فريقكم الجنوب افريقي دا لو لعبنا معاه بناشيء الهلال بنغلبو خمسة.

• الفريق الجنوب افريقي دا ..هو ذاتو ظاهر عليه (متقشف).

• لكن مع تقشفو دا جاب فيكم هدفين في خمسة دقائق.

• تقشق مع تقشف ...بيدي نتيجة 3- 2.

• دي نتيجة (تقشف).

• حليل (ضربات الجزاء)...حليل شية الجمر.

• حليل (حالات الطرد)...حليل (البسبوسة).

• حليل ايام هنانا.

• خلاص اتقشفتوا.

• بعدين تعالوا هنا.

• انتوا فاضين لي من (بطة).

• السنة كلها (بطة).

• بطة عملت.

• وبطة قلبت.

• حفزتوا (بطة)..ونسيتوا لي ناس بلة جابر.

• اها خلي (بطة) تأهلكم.

• همكم كلو في الهلال.

• قومتو الدنيا وما قعدتوها ..عشان في طباخة انسلخت من الهلال وانضمت

للمريخ...اسمها (بطة).

• كان هذا الامر ..عندكم (بطولة)...انجاز ..اعجاز.

• انسلاخ (بطة) كان عندكم انتصار اهم من التأهل الي مرحلة المجموعات في

بطولة الكونفدرالية.

• كتاباتكم..نصايحكم ..ارشاداتكم ..فرحتكم ...كلها كبتوها في انشقاق بطة

وانضماهها للمريخ.

• انتوا عارفين الاعلام السالب عمل كدا ليه؟.

• عشان التسجيلات الاخيرة ما طلعوا منها بي شيء.

• ما جابوا ليهم لاعب يعملوا بيه (ضجة).

• عشان كدا اتجهوا كليا نحو الطباخة (بطة).

• وهم في الاصل بتوع (بوفيه مفتوح).

• بطة اظهرت حقيقتكم ...الجماعة احتفلوا بي حلة كوارع...وعملوا ليهم

(هيصة) على لحمة رأس.

• ونسوا ان المريخ عنده مباراة هامة في دور الترضية.

• ركزوا مع (بطة)..ونسوا الحكم.

• الحكم وين تاني مع (التقشف) دا.

• في واحد قال لي بعد المباراة ..نجم المباراة منو؟.

• قلت ليه : (بطة).

• اها بطة طيرتكم من الكنوفدرالية.

• ملحوظة: آل بطلة آل.

هوامش

• الفريق المالي الذي لعب امام الهلال اقوى الف مرة من الفريق الجنوب

الافريقي الذي لعب امام المريخ.

• شكل المريخ منذ 10 سنوات ما اتغير.

• المريخ دا لو شطب موسى الزومة وبلة جابر ما بتطور.

• طول ما اطراف المريخ بالشكل ..ما تحلموا تمشوا لي قدام.

• باسكال (هدايا).

• باسكال في أي مباراة يثبت انه افشل محترف لعب في السودان.

• الغريب في الامر ..ان باسكال بعمل ليه حركة واحدة (خمة) كدا ..يخلى

الاستاد يصفق ليه المباراة كلها ..ومن بعد يرتكب في الثانية الف غلطة.

• أي هدف يتسجل في المريخ ..هو غلطة من باسكال ...وليس شطارة من المهاجم.

• باسكال دا اعتقد جابو (البوفيه المفتوح) ساكت.

• محترفكم دا ما جايبوه كورة.

• دا زول كوارع ساكت.

• كاريكا في أي مباراة يؤكد انه المهاجم الاخطر في السودان على الاطلاق.

• ليس بالنسبة للوطنيين فقط.

• بل بالنسبة لجميع المهاجمين ..الاجانب والوطنيين.

• كاريكا وصل لهذا المستوى الراقي ...بسبب انضباطه وسلوكه الرائع وعدم انانيته.

• لذلك مطلوب من مجلس الهلال ان يحفز هذا اللاعب سريعا.

• حفزوه كما حفزتم مهند وفييرا ومساوي.

• يستحق كاريكا التحفيز والتقدير.

• سادومبا رغم الهجوم الاعلامي العنيف الذي تعرض له ..انقذ الهلال وسجل

الهدف الثاني الذي لولاه لكان موقف الهلال في خطر.

• مع ذلك نقول ان قوة الفريق المالي تجعلنا نقول ان الهلال ربما يكون في

خطر اكثر من المريخ ..لأن الفريق الجنوب افريقي ما عندو أي حاجة.

• لكن فريق يصل لشباك المريخ مرتين في 5 دقايق ..وفي ارضه ووسط جمهوره

الداخل مجاني يبقى خطير.

• ليس هذا لأن الفريق الجنوب افريقي قويا ..وانما هذا لأن المريخ ضعيف.

• يس ..من هسع خلوه يشوف ليه شغلة غير كورة القدم.

• كورتي دي في التانية ما بتلعبو.

• والله يا حليل محمد كمال بي اصبعو المصاب.

• اقول ليكم حاجة.

• يس دا كتروا ليه (التورتة) قبل مباراة الرد.

• يمكن (التورتة) تجيب ليه رأسو.

• لكن مع باسكال دا رأسو ما بجي.

• في وجود كلتشي وسكواها والعجب واديكو ..الاقوان في المريخ بقى يسجلوه

ناس الشغيل والباشا.

• ما قلت ليكم المريخ في (تقشف).

• هو عليكم الله لو ما (تقشف) ..الشغيل بسجل ليه قون.

• اقوان (التقشف) ظاهرة.

• تاني لو دا (تقشكم) اقنعوا ساكت من (كلتشي).

• كلتشي دا مع (التقشف)..لعبوه (باك)..عشان تستفيدوا من (كشافاتو).

• كلتشي وموسي الزومة بقوا واحد.

• ما في أي فرق.

• اسوأ ما في مباراة الهلال وسيركل المالي خروج هيثم مصطفى حفظه الله ورعاه.

• يا غارزيتو يعني انت لو اشركت البرنس ..بطلعو.

• شغل دائرة الكورة واضح.

• واضح في التبديل.

• خليفة دا بدخل بدل يوسف محمد.

• خليفة يدخل بدل هيثم ما بتجي.

• ولا في علاقة في التبديل دا.

• تبديل اشتر.

• انت يا غارزيتو عاوز تدمر خليفة.

• تطلع هيثم مصطفى ..وتدخل بدلو خليفة.

• يا خليفة تاني ما تعمل كدا.

• يا خليفة تاني ما تضع نفسك في حتة بايخة كدا.

• الناس ديل ما يحرقوك ساكت.

• عاجل : هسه بطة ذنبها شنو؟

انقر هنا لقراءة الخبر من مصدره.