مسطول يحقق معاهو الضابط يسأله وين ساكن؟ قاله: مع أخوي. قال الضابط:وأخوك وين ساكن؟ قال ليهو : معاي. زعل الضابط وقال ليهو : أنتواالاثنين وين ساكنين؟ قال ليهو :مع بعض. ** مسطول شاف مسطول قاعد يضحك سألو : ليه بتضحك؟ قال ليهو :بقول لنفسي نكته أول مره أسمعها ** مساطيل عايزين يفجروا عمارة ختوا القنبلة في الدور الأول وهربوا للسطوح ** مسطول حكم عليهو بالإعدام، سألوه: شنو أخر شي تتمناه قبل تنفيذ الحكم؟ قال: أتمنى أن يكون هذا درس لي بالمستقبل . ** مسطول بالامتحان بغش الأستاذ قال ليهو :- من غشنا فليس منا قال المسطول :- من راقب الناس مات هماً ** مسطول بقول لصاحبه: ما عارف يأ أخوي عود الكبريت ده ما بولع ليه مع إنو لسه مولعو قبل شوية . ** واحد ماسك قنبلة ويجدعها من الإيد دى للايد دى ، لاقاهو واحد تانى قال ليهو : يا معلم حتنفجر فى وشك رد عليهو : ماتخاف معاي واحدة تاني . ** واحد كل يوم بيشوف شحاد جنب بيته ويديه10 جنية وظل الرجل على هذا الحال لمدة عام كامل وفي يوم قام الرجل وادا الشحاد 7 جنية فاستغرب الشحاد وقال يلا 7 جنية احسن من مافي وبعد شهر بقي يدي الرجل الشحاد 5 جنية فقط ايضا استغرب الشحاد وما قدر يمسك نفسه وسأل الرجل وقاله انه قعد لمدة سنة كاملة بيديه 10 جنية وبعدين نقصت وبقت 7 جنية والان 5جنية .. ليه ؟ فقال الرجل: في الأول كانوا أولادي صغار وكان الحال ميسور والان بنتي الكبيرة دخلت الجامعة ومصاريف الجامعة كثيرة وماأقدر عليها وبعد سنة دخل ولدي الثاني الجامعة وطبعا زادت المصاريف فسأله الشحاد : وكم عدد اولادك كلهم؟ قال الرجل:أربعة فقال الشحاد: ان شاء الله ناوي تدرسهم الأربعة على حسابي ** قالوا واحد بمشي الجامعة سبع سنوات بحمارو وفي السنة الثامنة ما حضر بالحمار قام الناس سالوا وين الحمار الليلة .. قال لهم الحمار اتخرج … ** واحد مسطول لقي حريقة قايمة في بيت دخل وبالقوة وطلع اربعة اشخاص لكن بعد داك الشرطة مسكتوا.. لانوا الاربعة طلعوا من الدفاع المدني .
