(بي لهفة لمن فارقتها الان بي شوق لمن انا معها اعنيك يا بلادي) قالوا سواقة العجلة ما بتتنسي وفيصل العجب ساق عجلة الهلال دي قبل كده الليلة حا يسوقها في الفاشر بالاحمر والاصفر والنجمة علشان الناس الانتظروه يجي يسجل في الهلال يقنعوا ناس الكاردينال ممكن الخندقاوي يقبض قبضة من اثر العجب يسجل ليهم لاعب من اثار العجب اما العجب فلن يلبس غير شعار المريخ ما ممكن يعرض جماهيرو للطلوع فوق الابراج والبكاء والعويل والاتحاب والاعتصام لانه جماهيرو وناديهو ما بظلموه يشطبوا زول قعد قرابة العشرين سنة عشرة مافي ده للناس المفكرة البرنس يرجع ليها بعد ايه علي كل حال ده ما موضوعنا موضوعنا عصر اليوم في دار الفاشر ناس بوية حا يكونوا موية مريخ السلاطين حالف يمين مش لو الحكم انحاز لو لعب عديل كده دق الهيد ونزل جوز وياهو الفاضل للحكام علي كل حال مبروك للاهلي شندي المركز الثاني كلام اتوفستر صاح انتوا قايلين الزول ده بطلع لسانو ساي اللسان ده لو طلع بيطلع بي حكم وحقائق قال الهلال عادي يبقي عادي مش الحمد لله ما قال بيعادي هسي الهلال بقحتو دي لو عادي الفرق التاني الا يسموه دوري الكرنتينة اتوفستر ده لو كان عمرو ستين سنة كان قال (عمرو الصفر ما بيطلع من اللحم) …………………………….. +18 هناك بعض الافلام والمطبوعات والمواقع تشترط في زوارها ان يكونوا بالغين لكن 18 الجديدة دي عدد السنوات التي مرت والحكام لا يحسبون ركلة جزاء لصالح المريخ حينما يلاعب الهلال رغم ان الذين سقطوا داخل 18 الهلال اكثر من ضحايا بشار الكابتن جعفر قاقرين اعترض علي ذلك متوقعا ان يعمل الاتحاد علي تجريد المريخ من صدارته…… ولقبه *لعل الجماهير كانت تعول كثيرا علي باسيرو بمبا في محور المريخ الا ان الفتي لم يقنع مدربه مما جعله يقدم طلبا باخلاء الخانة وفسخ العقد وهو حال مرتضي كبير ولعل السعودي سيكون ثالثهما مما يعني ان المريخ يحتاج الي محور مكتمل خصوصا بعد تثبيت امير كمال في قلب الدفاع…. ………………………….. *كلما رايت عنكبة تذكرت صلاح ولي الفنان وكلما رايت صلاح ولي تذكرت عنكبة ..حماس يحتاج الي مستثمر وحركة تريد موجه مع التاكيد لكليهما ان الاصل ما ببقي صورة …………………………. *العادي اظلم *لنا عودة بلا شك للجنة التعبئة المريخية وبادرتها الجميلة بعد ان التقيت بمعظم قادتها الاخوان عبد الوكيل ومرتضي وحافظ وسعادة اللواء عبد المنعم ولمست فيهم جدية كاملة في لقاء جامع لكل اطياف التشجيع المريخية متمنيا من الاخرين التقدم ايضا لنلتقي جميعا لاجل المريخ *تاكد غياب اكرم الهادي سليم لمدة طويلة عن المشاركة في المباريات وكنا قد طلبنا ان تعطي الفرصة للحراس الاحتياطيين خصوصا بعد ضمان النتائج ولكن لم يحصل ذلك… الثقة في حراسة المرمي تبنيها كثرة المشاركات فقط ………………………. قال الاتحاد العام ان القمة ستقام في موعدها… هل هناك تحركات لتاجيلها يبدو ذلك فان كل شيئ في السودان عندما يقولون لك انه سيكون في موعده فيعني انه سيؤجل …نحن لا نتحدث عن الانتخابات هنا ………………………… *الجميع يريد ان يسقط محمد سيد احمد وهو امر يحسب للجكومي لما كانت انتخابات الحصاحيصا بعد انتخابات الاتحاد العام مباشرة في المتابعة الاعلامية والاهتمام الجماهيري