من هنا وهناك هيثم صديق كامبوس طلع مريخابي الفلاحين قالوا لازم يكتلوا الصعايدة الصعايدة طلعوا الجبل الفلاحين بيكوركوا..اطلع يا هريدي واحد من الصعايدة يطلع ينطخ اطلع يا هريدي واحد اسمو هريدي يطلع ينطخ واحد قال لكبير الصعايدة يا كبير كده حا يكتلونا كلنا الكبير قال ليهو خلاص لما يقولوا اطلع يا هريدي خلي واحد من الاسمهم عوضين هو اللي يطلع طبعا دي غير نكتة الصعايدة اللي حاولوا ربط الكارفتة ومات معظمهم اختناقا وغير نكتة الصاعيدة اللي طلعوا الرشاش لواحد وقالوا ليه انت معانا والا معاهم قال ليهم انا معاكم طاااخ طخوه وقالوا بس نحن (معاهم) كامبوس امس قريت ليه تصريح طبعا كامبوس قال ما عندو دعوي بكورة بكرة جاي ياخدخمسة من مازيمبي ما عندو استعداد يتغلب قبل كده كامبوس قال انه الهلال الحالي خير من هلال 2009 وليه يا سعادة البيه قال لنه الهلال الحالي فيه الشغيل ووارغو اي والله بهكذا تصريح كنت قد اغلقت صحيفة الصيحة امس وانا اضحك كامبوس كان مريخابي ونحن مش عارفين كان متكيف من المريخ ونحن ولا جايبين خبر الاتنين الشطبهم المريخ هم نجوم كامبوس زيادة علي خليفة وعلي النور وبويا وبجري المدينة كامبوس ده ما حا يجيبها البر شفقان علي مباراة مازيمبي عايز يقيلوه ويرجع بلدو و هناك يشتكي الهلال في الفيفا كامبوس عايز كورة مازيمبي زي نكتة الزول الوقف في الشارع ونادي ليهو زول عليك الله يا ابو الشباب اقلع لي القميص ده…. سرعة يا خ…ايواااا يلا اقلع الداخلية…شيل الفنيلة…اسريييييع…يلا هاك القلم ده واعمل لي ضهري كاروهات…يلا عليك والديك…… اسريييع…يلا رقم لي المربعات…… ااااه…خلاص اهرش لي المربع رقم 4… شكرا يا ابو الشباب اتمني ان يشرب الصحفيون اليوم موية صدق..عشان نقرأ جريدة بكرة عالم النجوم ستكتب :الحكم يؤكد فوز الهلال المشاهد ستكتب:مساعد الحكم يؤكد جاهزيته لهزيمة المريخ الاسياد ستكتب: ماهمانا ناس التحكيم معانا ق اسبورت ستكتب: صلاح صالح يصدر قرارا بعدم احتساب اي هدف للمريخ قوون ستكتب :قون تسبق الجميع..طردللاعب مريخي في مباراة اليوم ولكم ان تتخيلو ا ما تكتبه الاقلام ………………………. *سيفوز المريخ في مباراة الغد ان رتق القد…. وقفة التحكيم هي من توقع كل نصر مريخي *اتوقع ان يشتكي الاتحاد المحلي للاتحاد العام من شغب الجمهور الهلالي *اظن ان مازيمبي سياتي بالاحتياطي بعد ان يري الهلال غدا *مباراة الغد تحت شعار:مامادو قينانو ما بتزادو ثنائية تراوري بتجيب الطراوة *لكن كامبوس طلع عاقل طلع عاقل مرتين المرة الاولي لما وقع عقد مع الهلال وهو عارف انه سيعفي قريبا اسرع اغتراب ومرة لما قال كورة المريخ غادي وبعيد *انتوا الحارس جمعة والا الناس دي جايبة سبت دودو ده يوم سبت يوم جمعة الاهلي شندي كان لجمعة جمعة جي طارو نحن عايزين المعز عايزين نشوف لسه بقدر يعمل ضربة جزاء وما تتحسبش والا كبر علي الركل ركل لبن اييييه يكا . لاعب هلالي عرف انه بكرة حا يلعب ضد المريخ . والجمعة الجاية ضد مازيمبي . قال ليهم وده كلوا في المجموعات . لسه يا حبيب . في زمالك . وفي كنغو مرتين . اريتنا بحظ كامبوس . شهر اغتراب ويرجع غنيان