من وهناك هيثم صديق العارف عزو ويحكي ان رجلا سمع ولده يهزج بطلع البدر علينا وهو يستحم بعد ان طلع من الحمام رقعوا علقة لم ياخذها النابي من لاعبي الهلال ما اخدها ايكانجا من بكري المدينة الولد استغرب للدقة الاب قال له بتقرأ القران في الحمام ليه الابن والام والابناء قالوا للاب ده ما قران ده نشيد فقال لهم والله بصلي بيه لي تلاتين سنة اب جاهل والجهلة كثار منهم من امسك قلم وصار صحافيا فاذا ما جاءوا له بفيديو مبتور ربط قميصا في وسطه واطلق البخور وهل جمال الوالي جاهل وهو من هو تعلما وتعليما ونجاحا ورئيس المريخ الكبير هل يظن الجاهلون ان غيرهم جاهل ام هي جاهلية اخر الزمن شوفوا غيرها دي بضحك عليكم الناس كمن قال له الاستاذ ولدك ده غبي ونادي الولد يا ولد شوفي انا في سنة خامسة موجود الود مشي وجاء وقال ليه انت في سنة خامسة مافي الاب ضرب ابنه وقال له شوفوا في فصل تاني وجمال الوالي عارف عزو لذلك هو مستريح وعلي من يصلي بطلع البدر علينا ان يراجع نفسه وان يترك الادعاء * خماسية الهولنديين في الاسبان كانت حارقة وتاريخية استمتعنا بها جدا واجتررنا كل الخماسيات التي شاهدناها فالخمسة كالهمسة ولو بخمسة قول احبك قلت لسلك دي ذكرتني بتاعة مازيمبي في استاد الهلال قال لي انا ذكرتني الجاية في الكنغو طبعا ديك بيكون عبد الماجد ود محمد عبد الماجد حاضرها الفاتت ما حضرها بعدها بزمن لامن مشينا لعرس محمد ناس اسبانيا قالوا الارض لفت بينا والعصير طشش بينا وكاسياس بقي زي المعز ………… *نتابع مباريات كاس العالم بصوت حاتم التاج نحن مشتركو قناة الخرطوم الدولية الدفعنا اكتر من تلتمية جنيه زيادة علي اشتراكنا الشهري حاتم التاج اخير من صمة الخشم لكن المستغربين ليه اننا كل مباراة بنحضرها من قناة ومراتالكورة الواحدة بنحضرها من كم قناة كنا فاكرنهم متعاقدين مع قناة اتبين لينا انهم شغالين لطش طيب لو بتلطشوا ما تخففوا القروش استاذنا مامون الطاهر والريشة ادونا احساس انه المباراة منقولة من كاس العالم في المكسيك 1986 نفس التعليق والكلام غايتو نحن منتظرين مارادونا يظهر مع الارجنتين حاتم التاج تعليقو زي الفي البلاي استيشن مكرر ومحفوظ وبعد ده بشيلوا قروش الاعلانات لكن في اعلان بيرة فك منهم جابوه لينا بضبانته اتاري الناس بره بتشرب علي عينك يا تاجر …………… *وهيثم مصطفي كتب خاتمته بيده ولا نظن انه سيرجع للهلال من جديد وان نتمني له ذلك الهلال سيكون محتاجا لمدرب في شهر اتناشر ………………………… اابتعث رئيس كينيا منتخب بلاده للبرازيل ليبغروا ويشدوا حيلهم نتوقع ابتعاث الهلال لبطولة سيكافا القادمة عسي يعودوا بها ………………… لم يعرف لاتجاهات بعد ومع ذلك تم القبض علي الغاني الذي جاء للهلال الزول ده لو عرف الشوارع بتعبكم ………………………….. احر التعازي للاخ الاستااذ حسن حمد في وفاة والدته جعل الله الجنة متقلبها ومثواها ولحسن واخوته حسن العزاء