من هنا وهناك هيثم صدبق معليش يابلد اما قبل لتومة المريخ ريهام هاشم الصفر اللصق منو الازرق ما بتفكا شوف ناس الهلال عازين بلنتي وجكة مازيمبي العنيد خلي الدفاع يتبكي والحكم اتخلع خايف يعيدو السكة *اما بعد:- وقد ينتصر جيش قوامه مئات الالاف من الجند فلا يذكر الا القائد من يعرف غير عنترة في كل حروب عبس وحروب العبث الجاهلية من يحفظ في معركة اليرموك الا خالدا بن الوليد ولا تذكر جطين الا ويذكر صلاح الدين الايوبي وهكذا لذلك نتاسف للبلد ان المريخ بعافية هذه الايام فوحده من يجلب لها الماثر والمدح والذكر الحسن ان غاب غابت عن البلاد البطولات والكؤوس واضحي الزمان للتجريب وقلت نسبة النجاح ثم تنعدم لذلك لا نابه لمباريات غير المريخ وان كان كاسها بره لان كؤوس بره لا يعرفها الا ابزرد نتاسف للبلد مع وعد ان يعود المريخ قريبا ليسعدها فنجم السعد ما بنعقب وكان الزير سالم لاهيا في خمارة قبل ان ياتيه خبر مقتل كليب فاذا به يخلد مع الخالدين ولاتذكر البسوس الا به ولا ينسب الا للسيف انه المريخ حامل جينات الفرسان وحامي الجنيات والنسوان فرح الامة القروحة ضد النسيان والخذلان يتتعتع ساعات ثم يهبا واقفا وراعفا وعارفا فمنيملك مثلما يملك فليخرج سهمه من نال مثلما نال فليرفع اصبعه من وجد كما وجد فليعلي هامته اما وانه لا احد فمعليش يا بلد قدر المريخ سعد وقدرك المريخ لذلك يبقي اعداد المريخ مهمة بلد مهمة وطنية …………..************************ * قريت امس جرايد الهلال جت بدون فط ابومنذر قريت ليه بقول ليكم بدون فط وجدت تفاؤل عجيب فايقنت ان الهلال لن ينهزم بالخمسة حاكم اي تفاؤل امام مازيمبي يعني ان الكورة ما بين الاتنين والاربعة عشان كده لما طلعت تلاتة ريخت اضاني قلت ممكن اسمع لي بوري عربات محتفلة اتذكرت المطرة والعاملاه في الشوارع قلت بيكون بيهنوا في بعض بالتلفون عندي صاحبي انتظرتو في التلفون لما جرسو يرننننننننننن الله يشفي جمعة ملص الكورة جمعة ملص 2 دي قناة ناقلة اديل كده زمان كان عندي صفحة اسمها جمعة جي طارو زهجت منها كل سنة جي طارو جي طارو لامن القصار طارو فريق مرشح اتهزم من المرابط اتنين يفوز كيف والسبب كلو من ناس الارصاد شابكننا في مطرة جاية وعارفين الهلال لاعب مع مازيمبي اي سيرة للمطرة والهلال لاعب مع مازيمبي دي نتيجتها والحالة الحكم خايف من السكة كالحكم الكيني والحكم خايف من الدقة كالحيمودي اها الموضوع انتهي والا لسه باقي ليهم امل الباقي ليهم عمل والشماعة منو المرة دي الهلال استنزف شماعاتو كلها سيرجو وكامبوس قالوا الهلال حايتعاقد مع النابي ويحملوا المسئولية ويعفيه الهلال ده مفروض يطلب العفو من الكاف كمل فرصو كلها خمسين سنة يحاول والشغيل ماعنده غير الفاول وجمعة في الشبكة يناول الكاردينال كج الهلال ..واحد رسل لي رسالة كده الهلال كج الكاردينال رديت ليه هسي في كج اكتر من الهلال في البلد دي ام درمان احتمال غرقت بسببو ياخي ده كج المريخ المريخ اتغلب في سيكافا لكن المريخ فرصتو قايمة وامجادوا في خزانتو نايمة الله لي السهاري و بكرة الجزء الثاني من الثلاثية