العتب مرفوع هيثم كابو حلم (جيان) عيش ..!! * قال اعلام الوصايفة ان رئيسهم أشرف الكاردينال دخل في صراع مع الترجي التونسي لضم المحترف الغاني بصفوف نادي العين الأماراتي اسامواه جيان ..!! * خبر رغبة الوصايفة في التعاقد مع جيان منشور في شهر سبتمبر الجاري لا أبريل الماضي .. لذا لا يمكن إعتباره من (أكاذيب أبريل) ذات التضخيم الفارغ والكلام الفاضي ..!! * طالما أننا أحياء نرزق سننتظر قدوم جيان للهلال بمبلغ لا يقل عن ستة مليون دولار ..!! * صدق الحبيب مزمل ابو القاسم عندما لخص أمس القضية برمتها بقوله : (اعلام الهلال دا يوم بكتل ليهو زول) ..!! * عزيزي مزمل: إذا كان جيان يمتلك عربة (رينج روفر) خصصها لأصدقائه بجانب عربتيه (البنتلي كوبي والنيسان) اللتين تساوي قيمتيهما حوالي (مليارين وتلتمية مليون جنيه سوداني)، لماذا لا يكون الكاردينال موضوعياً ومنطقياً ويتعاقد مع (عربة جيان الرينج روفر) المخصصة للأصدقاء..!؟ * إذا كان ثمن العربة (الرينج روفر) التي خصصها جيان للأصدقاء حوالي خمسين ألف درهم، فأعتقد أن ميزانية الهلال التي وضعها لجيان في (الرينج) روفر دا …!! * هنيئاً لسيمبو فالتعاقد مع (عربة جيان) يضمن لهم انتهاء رحلة العذاب مع (الأمجاد) ..!! * بمناسبة جيان : شكوى (فيتا) وصلت وين .. وعملتو في ملف فساد الكاف شنو ؟؟ * قصتكم عجيبة يا وصايفة ..(البقرأ تصريحات عماد الطيب عن الشكوى وحسم فوضى الكاف يقول "فيتا" حيفقد النقاط وعيسى حياتو حيفقد كرسيه واحتمال "حياتو") ..!! * أقرأ تصريحاتكم أصدق تأهلكم .. أشوفكم في المحلي استعجب ..!! * الوصايفة يستعدون لنصف نهائي الأبطال بمباريات اعدادية أمام الرميلة وجلاس وابوروف ..(وحقيقي تأهلكم أمرو محسوم وما عليكم خوف) ..!! * كورة ابو روف دي كان تخلوها بعد جيان يجي عشان تكون تحت شعار (جيان الهلال وابو روف سمع وشوف) ..!! * غايتو البقولو فيهو ناس الكاردينال دا لا سمعنا بيهو ولا شفناهو ..!! * طبعاً صفقة الوصايفة مع جيان دي مضمونة .. (ويا كردنة وريتونا) ..!! * يبدو أن الكاردينال قرر إدارة ملف التسجيلات الهلالية على طريقة (الكاميرا الخفية) ..!! * ميزة الوصايفة أنهم ملوك التخدير، يتحدثون عن شكاوي فالصو ويخدعون جمهورهم بالمغالطات والمفاجآت والتنظير، ورئيس النادي يحدثهم عن جيان في الاعلام ويعد العدة للتعاقد مع حزمة من (المواسير) ..!! * حلم (جيان) عيش ..!! * الوصايفة راغبين بشدة في ضم لاعب العين جيان ..و("العين" ما بتعلى على "الراغب") ..!! * الحديث عن رغبة الوصايفة في ضم جيان ماهو إلا (حب من طرف واحد) ..!! * سيبكم من جيان واحسموا موضوع ناس بكري ..!! * بكري المدينة دا لو سمع قصة جيان دي بضاعف سعرو ..!! * اعلام الكاردينال ينافس فرقة الأصدقاء هذه الأيام .. و(عروضكم غريبة ومفاجآتكم عجيبة) ..!! * (النظام يريد) وجيان في الطريق (هل من مزيد) ..!! * أمسكوا الخشب : (النظام يريد) تنفيذ إنقلاب جديد ..!! * (جيان) رقم واحد ..!! * الغاني جا .. (صفقاتكم معروفة يلا جيبوا العربية المكشوفة) ..!! * يا كردنة ما بتبالغ وأعرف الفارق .. (ومد رجلينك قدر اتوبونغ وأبقى مارق) ..!! * لو جبتو جيان انا ملتزم أقنع عصمت يرجع ليكم الشعار ..!! * انتوا يا الرشيد لو جبتوا جيان شاوروا محبي الكيان واعملوا الغاني شعار وأنسوا قصة الهلال ..!! * (جيان) قائم بذاته ..!! * اعلام الوصايفة يتكلم و(صاحب العقل يميز) ..!! * الله يكمل الكشف بجيان، ويكملكم بعقولكم ..!! * غايتو يا الرشيد حالتكم تحنن وقنابلكم تجنن ..!! * مازدا : (خليك محافظ على التلاتة ومافي حاجة نقولا ليك .. والله يغتي عليك) ..!! نقش أخير * من لم يمت باعلام الوصيف مات بغيره تتعدد الأسباب والموت واحد ..!!
