في السلك بابكر سلك جيل المدرجات 2015 *ايها الناس *مكاسب هذا الموسم بحمد الله كبيره وكتيره *لذا لابد بفضل الله من التتويج بالاميره السمراء *في هذه العجاله اتناول دور الجماهير في مسيرة المريخ الافريقيه *ايها الناس *ان ثقافة التشجيع عندنا تطورت *ودخلت الينا مفاهيم جديده واعيه جدا ومفيده *ففي مرات كثيره يكون المشجع خصما علي الفريق *يصمت ويتفرج ولا يخرج صوته الا في حالتين *الاولي عند احراز الهدف *والثانيه عند الاخفاق حيث يعلو صوته ولسانه يلهج بالشتيمه للجميع *الامر الذي يفقد اللاعب تركيزه *ويوتره ويزيده اخفاقا لتزداد لعنات الجماهير عليه *الآن وبفضل الثورة التوعويه الجماهيريه تغير الحال *ادرك المشجع ان دورة هو التشجيع المتواصل *وان النادي واللاعب يحتاج للمشجع عند المحن *وان الهدف يأتي ولو في الزمن المحتسب بدل الضائع *وان اللاعب بشر يصيب ويخطئ *ويحتاج للسند عند اتلشده *ايها الناس *ما يقوم به الاخوه في اولتراس الجوارح من ابداع بعده ابداع ادهشنا كثيرا *حتي ارتبط الجمهور بدخلات الاولتراس والتيفو والابداع *واولتراس اولمبيوس المبدع المتفاني *هذا الاولتراس الذي علم افراده المدرجات ان التواجد في الاستاد ليس للفرجه *ولكنه للتشجيع المتواصل والابداع الجماهيري *لذا نجد اغلبهم يديرون ظهورهم للملعب حتي لا ينشغلوا عن التشجيع *ولن انسي تونيدو الشجعان *زي موحد وايقاعات منضبطه وتشجيع متواتر لايعرف الصمت ابدا *ايها الناس *لجنة التعبئه الجماهيريه او القياده العامه *وتجمع الروابط الابي *ولن ننسي ساس الاساس *ساس منبع الناس والاحساس *كلها تنظيمات جماهيريه ادخلت الينا ثقافة تشجيعيه جديده ومفيده *التحيه لهم جميعا ولغيرهم ان كان قد سقط سهوا مني ذكرهم *والتحيه للشفوت في عموم السودان *فالتشجيع داخل الاستاد لم يقتصر علي المذكورين *ولكن كانت حناجر الشفوت منبع القوة تعمل تحت التنظيمات المذكوره *تجمعات جماهيريه غيرت مفهوم التشجيع *من عباراة كنا لا نحبها *مثل ماجابوا لينا بصات *الي واقع تحمل النفقات من جيوب اعضاء تلك التنظيمات الفتيه *تنظيمات تدفع وتجلب معينات التشجيع وتوزعها بالمجان علي المشجعين *ولن ننسي قروباتالواتساب والفيس واثرها علي المدرجات ودعمها اللامحدود *ولن ننسي روابط الشفوت بدول المهجر ووقفتها ماديا ومعنويا مع شفوت الاستاد *كيف لا ورابطة قطر استضافتالمعسكر الاعدادي ولم تقف دعوماتهم طيلة الموسم *ورابطة الامارات تتحفنا باعلام وتيفو ودعم مادي لا محدود *التحيه لكل شفوت الدنيا *ولن يفوتي الاشاده باولتراس الهلال *فالاخوه في اولتراس الهلال يساندون هلالهم بقوه وفتوه *يدعمون كيانهم من جيوبهم في فهم تشجيعي جديد *لايوالون الا الكيان *ولايقبضون دعما لامن مجلس ولامن معارضه *بل يعملون من اجل هلالهم *وكم كانت دخلتهم جميله ومبدعه يوم ان حملت بقية الجماهير الكراسي علي رؤوسها *فهم استقبلوا الامطار بمزيد من التشجيع والصبر وهلالهم خاسر *وبعد المباراه كان موقفهم جميل وبطولي *وعند سفر الهلال *زاروا المعسكر وطالبوا لاعبيهم بالتضحيه من اجل الشعار وقهر المستحيل *بل وانشدوا نشيدهم الرائع بمشاركة لاعبيهم *انه مفهوم التشجيع الجديد *الشباب ديل اخلوا فهم وثقافة علي التشجيع ادت لان يؤتي التشجيع اكله *لنستفيد من الارض والجمهور فعلا *تحيه خاصة للاخوه اولتراس الهلال *وزي ديل مابفقدوهم يا كردنه يا اخوي *ايها الناس *ابداعت الجوارح واولمبيوس وتورنيدو كتيره *وقيادة لجنة التعبئه وتضحيات تجمع الروابط لن تحصي *ودور الجماهير 2015 دور عظيم ويحتاج لاشاده *سنعود لتلك الابداعات والتضحيات والمفاهيم الجديده *سنعود لها بالتفصيل لانها ابداعات جيل لايقل عظمة عن جيل مانديلا *جيل المدرجات 2015 *المهم *قالوا سيخ الجوهره مرق بالبطاح لي بره *بيت ابوك يا روشا ان خرب الحق ليك منو شوال اسمنت *الشوال طار راح *الشوال لحق الهلال *بس الخوف مطرة يوم داك تكون بوظت الاسمنت وحجر *كان حجر الحق ليك سيخه يا روشا *لو القندران شال السيخ كلو *الحق ليك صيني من ناس الشركه الصينيه قبال فطومه تتاويهم في شمبات يا روشا *لو لصينيين كملو الحق ليك كرسي من الكراسي القلعوها جماهيرم يوم المطره *بمناسبة الكراسي *كراسيكم دي قاعده ساي ولا شنو ؟؟؟ *اول مره اشوف لي كرسي بنقلع اسرع من البنطلون *ايها الناس *قالوا ابو الهل كسب الشكوي *قالوا البلايلي الموقوف شارك في المباراة ضد الهلال *وقدم الهلال مستند للكاف عباره عن شريط فيديو *حيث ثبتت مشاركة البلايلي *الراجل للامانه شارك *لانو ظهر في الفيديو بصفق مع القون التاني *والصفقه دي في حد ذاتها مشاركة *ايها الناس *ريحة المطار فاحت شديد *وعودتنا ان شاء الله من الكنغو متاهلين مسألة وكت ليس الا *دعواتكم من علي البعد تصل باذن الله للاولاد في الكنغو *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *دايرين حكومه من اول تربينا * تفهمنا وتورينا *انو كب الكرشه في الشارع عيب علينا *وبوسخ بلدنا ويجيب الضبابين لينا *وانو جديع الفارغ من العربات في الشارع العام تصرف محسوب علينا *وانو بصق التمباك في سلم البنايات مامقبول لدينا *وانو سلوكياتنا الكتير منها ابدا ما مبرر لينا *اسي في وسخنا فرقنا شنو من المحليات يا والينا ؟؟؟ سلك كهربا ننساك كيف والكلب بدق يدا بيد لما يشوف تصرفنا في الشارع العام …قرب يطلع جواز ممغنط ويفحط …قال ديل ناس شنو ديل ياخ ….ضلافين الخروف لي اسي بجدعوها في الشارع ؟؟؟؟ والي لقاء سلك