في السلك بابكر سلك البديل الفكره أفيد من البديل اب فقره *مبارة جميله قدمها الزعيم بمشاركة اهلي شندي اللعاب *مباراة سلبياتها ارهاق بعض اللاعبين *مجرد ارهاق *ولكن ظهر فيها الفارق الكبير بين المريخ وبقية الانديه السودانيه *الزعيم اكبر بكتير من باقي الفرق مع احترامنا ليها *وعشان نحافظ علي هذا المستوي *يجب ان نتحسس موبايلاتنا *يجب ان نصر علي الاشتراك في تحويل الرصيد *فلو كان الفرد منا بيشرب قهوه واحده في اليوم بي خمسه جنيه *ماكتير عليهو لو عزم المريخ جبنه واحده في الشهر *تحويل مره واحده *وباقل الفئات خمسه جنيه فقط *بمكنا من المحافظه علي كوفي واوكرا وديديه وجمال سالم وجابسون *بخلينا نجدد لي امير *بدفع غرزه الي تجديد التعاقد *الناس دايره تضمن مصدر ايراد يكفينا شر التخفيضات *لان التخفيضات تعني الاستغناء عن المهارت والقيم الساميه التي نملكها *مابوصوكم يا شفوت *تحويل واحد في الشهر ولا حد يموت *المهم *كانت مباراه رائعه *لان الطرف التاني فيها كان رائعا *واروع مافيها ان ديديه اخرس الالسن التي تحارب غرزه وتردد انه سمسار *ديديه ابداع وامتاع *ولسه بمرور الايام واكتمال الانسجام حانشوف بدع من هذا الموهوب *ايها الناس *التحكيم حيرنا *المخالفات ضد كوفي التي لم يحتسبها التحكيم امس *اكتر من عشرين مخالفه *احترنا شديد *ماهو يا حكامنا ديل ما بعرفوا *يا بعرفوا وعندهم راي تاني ومحدد *ايها الناس *الاحساس بالظلم يولد الغبينه والضغينه فينا *موش فينا برانا *في اي زول حاسي بالظلم وعدم المساواه والخيار والفقوس *عليكم الله شفتوا آخر موديلات البلنتيات ؟؟ *المدافع خلف الكوره *الماهجم خلف المدافع *المهاجم يسقط المدافع ارضا *ويجري علي الكورة *ما يلحقها *تنطلق صافره بدون خجله لتعلن عن ضربة جزاء لصالح المهاجم *ده موديل لسه العالم ما سمع بيهو *دي خلوها *ضربة جزاء في الدورة الاولي لصالح النسور في الدقيقه سبعه *كأنو اللاعب الانضرب ده اسرائيلي *ولا فيها حاجه *وطلع الهلال فائز *وضربة جزاء في ختام الدورة الاولي مع كوفي *وكأنو ما حصل شئ *ديل اسي كم نقطه دخلن بدون وجه حق في رصيد الهلال ؟؟؟؟ *لو صحصح التحكيم الذي يخطئ ولا يظلم *لكان الهلال اليوم في احسن حالاته يسعي ليدخل منافسا للعب في الكونفدراليه *مع ضغط شديد من فرق الوسط عليه *ايها الناس *البحصل ده ما طبيعي *والحايحصل نتيجه للبحصل طبيعي جدا *فحقو نمسك عن الماطبيعي عشان ما يحصل الطبيعي ونبقي في ندامه *التصرف المشين الذي بدر من محترف مريخ كوستي *برغم من اننا نستنكره وندينه وبشده *الا انه في الآخر *تصرف غبينه ناجم عن الاحساس بالظلم الفادح *المهم *العقرب ينافس افريقيا علي جائزة افضل لاعب للعام 2015 *شفت كيف يا كردنه *ومنافس غلي لقب هداف البطوله *شفت كيف يا روشا *وعروض احترافيه كتيره في طريقها اليه *شفتي كيف يا فطومه *والحداشر محترف في كنبة الهلال يتنافسون في الفرجه علي العقرب *المهم *كردنه شال السيخ وهذا يضر بالهلال *وترك المواسير وهذا يضر بالهلال ايضا *فكان كردنه يخلي السيخ لينفع الهلال *ويشيل المواسير لينفع برضو الهلال *كردنه *السيخ سيخك نعم *لكن رجع السيخ وشيل المواسير *عشان خاطر عيون الجماهير *ايها الناس *استقال الوالي *واستقالة الوالي يجب ان نتعامل معها بواقعيه *لاوقت للبكاء علي اللبن المسكوب *والبكا ما بجيبوا ليا *حقو نتعامل بواقعيه ونشوف ندبر امرنا كيف *وخبراستقالة الوالي ليس بالجديد *جميعنا يعلم ان الاستقالات بامر من الوزير اخروها لي آخر الموسم *وآخر الموسم جا *خبر الاستقاله خبر الشوم *ولكن الدباره واجبه حتي لا نلطم الخدود ونشق الجيوب *بدل نشق الجيوب *ندخل ايدينا في الجيوب لندعم الكيان المحبوب *والجميع يسأل البديل منو ؟؟ *البديل مازول *البديل فكرة *فكرة تقودنا الي الامام *تستمر في مسيرة الوالي *تبدأ من حيث وقف *لأنو البديل لو زول قطعا سيذهب *ولكن الافكار تبقي مابقيت الحياه *يبقي نأتي بالبديل الفكره بدل البديل اب فقره *مع شكرنا الكتير واحتراماتنا الفائقه لما قدمه جمال *ولكن *استقالة جمال واقع *وشكر جمال لايعني البكاء علي رحيله *وانما يعني رفع الراية من بعده لندعم دربا سار عليه سنينا *والتفكير في الامر كواقع لايعني الوقوف ضد جمال او عدم الاعتراف بماقدمه *ولكن لن نلطم الخدود *ولن نشق الجيوب *ولن نقف مكتفين ايدينا *سنستمر *ونتمرد علي الواقع *ونتمرد علي التاريخ *وبداية خطوات استمرارنا *سنشكر الوالي في احتفال يليق بماقدمه *ونحترم له رغبته في الابتعاد *ونواصل المسير *وان كنا قد وصلنا بيم السقف افريقيا هذا العام *بالطبع سنسقف في العام القادم اذا تضافرت جهودنا *وسنقدم الدعوه للوالي في احتفالنا بنيل الاميره السمراء *لانه برغم استقالته قد شارك في المسيره *المسيره الظافره *ايها الناس *خبر الزين *خبر اسعدنا كثيرا *صعود مريخ نيالا للممتاز *محلك وبيتك ومطرحك يا زعيم نيالا *وياحلاتك يا ممتاز وفيك يقدل *مريخ السلاطين وزعيم نيالا ومريخ كوستي *مع الزعيم كده عندنا اربعه مريخ في الممتاز *بعد سنتين دايرين نشوفن سبعه *مريخ الحصاحيصا ومريخ بورتسودان ومريخ التبلدي *مريخ التبلدي ومريخ بورتسودان ومريخ الحصاحيصا مكانهم الحقيقي الممتاز *شدوا حيلكم يا شفوت الشرق وياشفوت الجزيره ويا شفوت عروس الرمال *ايها الناس *الاتحاد سكيتوهوا في موضوع الشكاوي *ولا مستنيين جمال يسكو ليكم ؟؟؟؟؟ *اجمل حاجه في الاستقاله ذهاب ناس كتار قاعدين ساكت *كان داخل المجلس *او حول المجلس *النوع البطير مكسيم الثيردباك داك *الناس البجيبوا تقارير طبيه وينكروها *راجعين ليكم *زول زول *دار دار *مكتب تنفيذي مكتب تنفيذي *اصبروا *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *محليات محافظاتك ما شغاله بينا *الخيران مليانه علينا *والباعوض ساكن عينينا *الضبان بالليل حافينا *وتعرف اجمل قصة يا والينا *واحد ممارض اخوهو قال لينا *في المستشفي الفراشه دي مابدوها لينا *قلنا ليهو الباعوض بدي الفراشه مساحه تدخل المستشفي يا اخينا ؟؟؟؟ سلك كهربا ننساك كيف والكلب لما يتذكر البطري زمان ببكي لما يشوف مستشفي الليله والي لقاء سلك
