نبض الصفوة امير عوض المسمار الكيني ★كما هو متوقع.. فقد فشلت نمور الورق في أول إختبار لقوتها و مدي جاهزيتها لهذا الموسم.. ★مسمار من (الوك الكيني).. أظهر حجم الأكذوبة الإعلامية الزرقاء.. ★و أهل الشرق حالفين قسم إلا يظهروا حقيقة (أحلام زلوط الزرقاء) التي بنت قصورا من الأوهام علي صدر صفحات الصحف.. و لعب (نمورها) مباريات الإدهاش داخل الأعمدة الزرقاء التي إتبعت إسلوب (البنشرجية) في نفخ الجسد الأزرق الخاوي.. ★لا دائم إلا وجه الله.. ★عام الرمادة.. ماشي في الزيادة.. ★منذ العام (1992) و قورماهيا الكيني يفتش علي تارو في فضيحة (2 – 12).. ★و أخيرا حلل قورماهيا قسم التار.. بمسمار من نار.. ★و نزلت الهزيمة كالدش البارد علي جمهور المخدوعين بهلال الأحلام.. ★فجيعة.. ★صدمة.. ★الناس فرحانة و تنطط في الوهم.. ★و قورماهيا البايخ صحاهم من احلي حلمة.. ★و الجماعة حردوا.. ★ههههه.. انسحبوا من الميداليات.. ★و التحانيس اشتغلت.. ★هاردلكم يا كباتن.. انتو جيتو التاني.. منو القال ليكم انو جيتو الطيش ★و اللعيبة مشو الغرفة حردانين.. ★قالوا نحن منسحبين.. ★و حنلعب كاس العدالة جوه غرفة اللاعبين.. ★و عملوا مهرجان صغنوني.. براهم جوه الغرفة.. ★و لعبوا تقسيمة شليل وينو.. ★و الناس بهناك منتظرين تتويج الطيش.. ★ناس قورماهيا نشفو من البرد.. ★كنكشو في محلهم من الانتظار.. ★لازم يتوجو الطيش حتي يجو للأول.. ★و اللجنة المنظمة بقت في الطريقة التمرق بيها الحردانين ديل.. ★و العراب اختفي في ظروف غامضة.. ★شينة في حقو.. ★بعد تعبو ده كلو و لسه الفضية متحمداهو.. ★بعد قال لي ناس البورت انو حيحتفل معاهم بالبطولة الافريقية.. ★بعد اتبرع و اتبرع و اتبرع.. ★بعد دفع في الهلولة الحاصلة دي دم قلبو و اشتري كاس السياحة بقروشو عشان يشيلو.. ★بصراحة الراجل احبط.. ★اتصدم.. يا حسرة.. ★نفسو اتقفلت من العشاء.. ★ما ممكن يقود ليهو فريق ما قادر يشيل كاس محلي مع فريق دولي.. ★جديدة دي.. ★فشل جديد.. ★الهلال اول فريق سوداني يفشل في انو يشيل كاس محلي مع فريق اجنبي.. ★اكتفي بالوصافة.. ★و حرد القيافة.. ★و بعدها الناس كلموا عمدة.. ★الزول الوحيد البعرف يتفاهم معاهم.. ★ما تقولو لي كيف.. ★عمده موش عندو مغلق؟ ★اكيد بتاع المغلق بعرف لغة المواسير.. ★و فعلا.. عمدة جاب مواسيرو للتتويج.. ★ما تبقوا بايخين.. ★ايوه.. التتويج بالمركز الطيش.. ★و اتصل بي كردنة و قال ليهو اشتكي قورماهيا يا ريس.. ★الوك بتاعهم من ابيي برضو.. ★و اتحاد كينيا (الفاسد) سجلو غلط.. ★و لا دائم الا وجه الله.. ★كدي ادوني ليمونه.. ★المقال ده جر مني.. ★زمان قلت ليكم نمور الورق الكبيرة حتمشي في درب الصغيرة.. ★اها.. الثغر و قورماهيا عملوا بيان بالعمل.. ★غسيل جاف.. ★سياحة فكرية.. ★و سقوط فزاعة المزارع.. ★احتجبت الاقمار.. و كل العناوين المثيرة راحت شمار في كباية شاي كيني.. ★الغريبة المذيع بتاع التلفزيون اشتغل ينفخ معاهم.. ★قال شيخ مكورو ساعد منتخب بلادو بالفوز ببطولة الشان 2013 ★بطل الشان في 2013 هو المنتخب الليبي.. ★شيخ مكورو ده وارد سوق ليبيا معناها.. ★و الزعلان كلموا.. ★و الحردان حنسوا.. ★دي بداية المناظر.. الفيلم لسه.. ★الثلاثاء عندنا حولية كادوقلي.. ★ما اظنها حتنتهي بي مسمار.. ★الغريبة ما شوفنا جملة تكتيكية واحدة للمدرب.. ★و لا لي مساعدو.. ★المساعد معذور.. ما عندو شهادات.. ★الخواجة ده شهر بيعمل في شنو.. ★ياكل و يشرب ساكت.. ★شغال بي بطنو.. ★ده بيصرف دولار مقابل شنو؟ ★انا بقترح اضافة مساوي للجهاز الفني.. ★اصلو ما قاعد يلعب.. ★حايم ساكت جوه المعسكر.. ★و عمرو الافتراضي في الملاعب انتهي.. ★خلوهو يساعد هيثم دفعتو في الشغل.. ★استفيدو منو بدل لايص كده ساكت بلا لعب.. ★لكن بيني و بينكم دفاعكم ده دفاع الادوار الاولية.. ★ناس اتير و عمار الدمازين بي سبب و بدون سبب يتوقعوا.. ★المهاجم يادوب دخلوهو.. ★اتير سمع زميل المهاجم قال ليهو (تعال يا الوك).. ★اتير براهو بقي يرجف.. ★حس بي مبادئ ملاريا.. ★و الاستاد بقي ليهو كلو حفر.. ★بقي يمشي خطوتين و يترتع منو ليهو.. ★و لما جات العكسية.. ★الجماعة راسهم كبس.. ★ما عرفو مكسيم واقف بي وين.. ★قونهم بي وين ما عرفوهو.. ★قالو احسن نخليها تعدي.. ★نقوم نلمسها تبقي هدف عكسي.. ★و المدافع الاول اعتمد علي التاني.. ★و التاني ده هو اتير الغرام.. ★لكن مشكلتهم الوك كان واقف في نصهم.. ★تاني ناصية من عمار الدمازين.. ★و اول شارع علي يدك اليمين من اتير.. ★و تووووف.. ★عينك ما تشوف الا الكورة في الشبكة.. ★و اتير واقع.. ★و مكسيم واقع.. ★و في واحد في المقصورة وقع من كرسيهو برضو.. ★اتصدم معاهم.. ★و يا الله يا الله قومو قعدهو في الكرسي.. ★و اشتغلوا يفوقو فيهو.. ★و لما فتح لقي قدامو البلنتي الوهمي.. ★بلنت الحكام.. ★و زولنا ننعش.. ★و ولاء الدين جاب قون.. ★قووووووووون.. ★لكن الحكم عاد البلنت.. ★ضميرو انبو.. ★و المره دي ولاء شاتها للحارس في رجلو.. ★كفتها زي حدية محمد عبدالماجد.. ★و كفت معاها كوم نجيلة.. ★النجيلة خشت قون.. ★و البلنت ضاع.. ★رووووب.. ★تاني زول المقصورة وقع.. ★و الناس اتلمو تااااني.. ★شمموهو بصلة.. من بصل كسلا.. ★فتح عيونو.. ★عاين للنتيجة.. ★و فووووو.. ★غادر المجموعة.. ★عرف انو الراكوبة ما بتتشكر في الخريف.. ★و عرف انو المريخاب غشوهو بي ولاء الدين الماسورة و جابو خالد الامير اللعاب.. ★أكل الطعم.. ★و فريقو أكل نيم. ★و يا عزيزي الهلال.. ★الوصافة تليق بك. ★نبضة أخيرة★ ★نختم مع المبدع (بيكو): حالتك يا الهلال شينة و كمان معكوسه.. قورماهيا الضعيف الليله داسك دوسه.. جوهرة الشرق نامت حلف ممغوسه.. و الجمهور عرف كذبة معسكر سوسه..
