نبض الصفوة امير عوض فيفا لقيمات ★نقول مبروك.. ★نبارك ليكم ياتو حاجة يا صفوة.. ★السنترلوك.. ★واللا الصدارة بجدارة.. ★نبدأ بي ولدنا الوك.. ★الجابتو الفيفا.. ★أيون.. ★خديجة وقعت من البلكونة.. ★و تاااااني وقعت من البلكونة.. ★موش قلتو الفيفا ما بترد.. ★و كنكشتو في كرت التطعيم.. ★كرت مقبول.. ★أها الفيفا ردت.. ★و الجماعة احتاروا.. ★و إنهاروا.. ★و التلفونات اتخابطت.. ★ده يضرب لي ده.. ★و بشلاقة اتصلوا علي تلاته تسعات.. ★و فتحو بلاغ ضد مجهول.. ★بلاغ تحت المادة (بهدلتونا و مرمطتونا).. ★و جأ في الحيثيات.. بأنو نحن عندنا الكرت.. و ناس المريخ شالو الديقتال.. ★ديقتال شنو كمان مع الصباح ده.. قصدي شالو اللاعب.. ★قلعوهو.. ★خطفوهو.. ★و مقبول قبض السراب.. و جاب لي كردنة كرت كورة الشراب.. ★الكرت ابو ستمية جنية جنوبي.. ★الغالي سعرو فيهو.. ★علشان كده التصريحات كانت قوية في عطبرة.. ★ألوك ولدنا.. بالقانون.. ★القانون واللا الكانون.. ★و علي سيرة الكانون.. ★الفيفا دي قطع شك ضاقت اللقيمات.. ★قرارها ده قرارلقيمات ظااااهر.. ★من شكلو.. ★كمان ما تقول البشارة جابها اسامة.. ★اسامة ده ذاتو ببالغ.. ★الناس تعبانين يحفروا في قصص و خزعبلات الدولارات.. ★و هو شغال يوزع في اللقيمات.. ★ما شغال بيهم الشغلة.. ★من نجاح لي نجاح.. ★يراقب في بطولة الشان.. ★و الجماعة هنا يصوروا في ورق ما عندو معني.. ★كل يوم وريقة بلا قيمة.. ★و اسامة من نجاح لي نجاح.. ★و لا هزوا فيهو شعرة.. ★و لا بقدروا.. ★لأنهم ما ببحثوا عن الحقيقة.. ★و لا قصدهم مصلحة عامة.. ★بس عايزين يحرقوا شخصية مريخية قوية.. ★و حلمانين يجيبوا محلو رمزي.. ★بتاع اتحاد القضارف.. ★أيوه.. بتاع (البصاق).. ★خلو مجدي بي كل علاتو.. و ماسكين في اسامة.. ★و مدعين المصلحة العامة.. ★زي ما ادعو انهم نادي الوطنية!! ★و ادعو انو الوك لاعبهم.. ★عايشين علي الادعاءات ساكت.. ★أبقوا العبوا في دوري الدعوات الطيبة.. ★لعبوا كرت الوك في الدوري ده.. ★و عينو رمزي امين خزينة لاتحاد الإدعاءات الفالصو.. ★بس اوعه تتهموهو بالفساد.. ★اتهموهو بالإدعائية ممكن.. ★حنصدقكم بدون تنشروا لينا الوريقات زي هسع.. ★و احتمال نحن عليكم.. ★نخلي الوك يجي يتصور معاكم.. ★أصلو جنكم صور.. ★اللاعب بتسجلوا علشان تتصورو معاهو.. ★بعد داك يلعب ما يلعب ما مهم.. ★المهم الإضاءة في الصورة تكون كويسة.. ★و قعدة الكسكتة.. ★و الابتسامة في نفس الحتة.. ★صالة ملاياتها ما اتغيرت من زمن بكري المدينة.. ★زي تشيرت اخونا داك.. ★توفير هائل للصابون.. ★غايتو داك لو ما غير التشيرت للان.. ★البرد بكون قرضو.. ★انا خايف يلبس فوقو سيوتر بس.. ★البتاع ده لو لصق كلمنا.. ★كان يوم اسود لما اشتريناهو ليك.. ★خلونا في موضوعنا الأساسي.. ★البرد خلاص قرب ينتهي.. ★و الكرت قاعد بدون سيدو.. ★لا سيدا لا سيدو.. ★مسعولين من الخير.. ★الخواجة طرد سيدا بالجد؟ ★قال ما عايزو يعني؟ ★نووو سيدا؟ ★الراجل ده بالغ.. ★حرام عليهو.. ★جدادة الخلاء الطردت جدادة البيت.. ★ليه يا كافالي؟ ★عمل ليك شنو هو؟ ★الزول ده ما قاعد سااااكت.. ★لا بوجه لا بصرح!! ★ليه تطردو؟ ★ليه تطرد سيدا.. و نحن ما لاقين سيدو؟ ★بالطريقة دي حتخرب بيتنا.. ★لكن عندي ليكم اقتراح.. ★مساهمة اخوية مني ليكم.. ★أعملو كرت لسيدا.. ★و حطوهو جنب كرت سيدو.. ★و بي كدة يبقي عندكم سيدا مساعد و سيدو صانع العاب.. ★و الكرت.. و لا صمة الخشم. ★نبضات أخيرة★ ★ثلاثية حمراء قانية.. ★لا فيها شق لا فيها طق.. ★حمرة عين.. ★عين نعسانه و فيها عنكبوته.. ★عنكبوتين.. ★و نعسان فنان.. ★و نصر أسعد الحبان.. ★مريخ جميل.. و ماشي للأجمل.. ★إرتفاع نسق الأداء.. ★و اللياقة في تحسن مطرد.. ★مباراة حلوة.. مع فريق بلعب كورة.. ★لا بتخندق.. لا برفس و يدفس.. ★مباراة مفتوحة.. ★النقطة السوداء فيها هي الملعب الردئ.. ★تحكيمها كان مميز.. ★حكم نزيه.. ★أخطاؤه قليلة.. و غير مؤثرة.. ★ساعدوه اللعيبة بالإنصراف للكورة.. ★المعلم.. نجما فوق العادة للمباراة.. ★مبروك علينا النعسان الفنان.. ★نيمار السودان.. ★و ثنائية العنكبوت.. ★هداف الممتاز و هداف التأهيلي.. ★صغار و لعابين.. ★عنكبة – النعسان – مجدي – شمس الفلاح – ابراهومه – الوك – اوكرا.. ★المستقبل للمريخ بلا منازع.. ★بعد خروج أوكرا.. و قبل دخول كوفي.. ★المريخ لعب دقائق بتشكيلة وطنية كاملة 100%.. ★قلت لي 2017 فيها شنو؟ ★بالشايفو من اولادنا الصغار ديل.. 2016 دي الله العليم تتمها.. ★بطفشوك ديل.. ★شوفت تسديدات عقروب؟ ★ده حالتو سدد بدون يحرز هدف.. ★لو جاب قون.. كان خديجة وقعت من البلكونة.. ★كفاية عليها وقعت قبيل.. ★إتزلطت معانا غايتو.. ★و لسه.. ★الضربة القادمة.. هي إعادة المتمرد.. ★بالفيفا.. و بلا لقيمات. ★نبضة أخيرة★ مبروووك.. صدارة و سنترلوك.
