????تغريده واتساب???? بقلم:معاذ ابومؤيد✍???? انطفاء نور جده اخر انوار الزمن الجميل ودروس الروح تروح لم يتوقع اكثر المتشائمين نهايه اسطوره الملاعب السعوديه واسطوره الجيل الحالي محمد نور بالشكل دا لاعب اجبر مدرج كامل علي الحضور لاعب قائد ميداني لكتيبه مش لاعب كره قدم ساحر كروي في وسط الميدان استطاع ان يعيد شفوت مدرجات اتحاد جده الي المدرجات اول لاعب يصنع جمهور مدرج كامل يهتف له لاعب كسر روتين العلاقات السودانيه السعوديه في عز الزعل والخلافات حضر تابين ايداهور حضر وحضرت معاه الفنون الكرويه عدد الدقايق اللعب فيها كانت لها زكرى في نفوس المريخاب الان واجب جميع الصفوه والروابط والمشجعين لرد الدين للاعب قامه يحترم المريخ وجماهيره يحترم السودان لافته معبره جميله لنور الملاعب كل من ارتداء شعار المريخ يستاهل الوقوف بجانبه يلا ياصفوه اقرب مباراه لافته للنجم المحبوب تخفف من كربتو وتخفف من الامو كم تمنيت ان يتعلم كابتن المريخ ولاعبي المريخ من نور الدقايق البسيطه اللعبها ادا فيها دور الكابتن والقائد علي اكمل وجه دقايق بسيطه لعب فيها بروح الشعار لكن منو البتعلم ومنو البشوف لاعبي الجيل الحالي بعيدين عن روح الشعار اصبح الهم الشاغل لغه المال فقط المال يغير من وجهه الكثيرين الشعار لايعني سوا الوان زي دعايه البوهيه نور انتقل من الاتحاد للنصر واثر ان يسير معه اللون الاصفر ولم يتنكر للاتحاد بعد انتقاله كل حوار يبدا بالاتحاد وينتهي عنده بكل احترام وادب لاعب بوزن من دهب بطولاته ومبارياته تشفع له ولتاريخيه ناسنا لو وقع او لعب في فريق تاني عينك واذنك ماتسمع الا الدراب المال عصب الحياه كمان مابعمي العيون للدرجه دي ومابخليك ناكر جميل روح القياده عندها شكل خاص هو اي زول ببقى قائد نحن ماشين بفهم الاقدميه والاقدميه دي الافي العسكريه علاقتها شنو بكره القدم اقدميه شنو البتقود ليها فريق كره قدم ياجماعه الكبتنيه دي عايز روح وعايز قبول وعايز تفاني ورجوله في الميدان وفي بعض الاحيان عايزه لغه مااي زول ببقى قائد وخاصه قياده الزعيم كابتنيه وارتداء شارع القياده في الزعيم مفروض يعملو ليه مقرر شفتنه ومقرر حضور المبارايات من المدرجات مع الصفوه ياناس المريخ اقعدو في الواطه وحلو مشكله القياده قياده الفريق وقياده النادي خاصه الاخيره دي القياده عايزنها بمواصفات ومقاييس الكرزمه والمال والحضور الفعال وقياده الفريق عايزن ليها زول حاسي بالكيان وفاهم قياده الميدان قصه الاقدميه دي انسوها مابتاكلنا عيش مجتمع المريخ دا مجتمع صفوي ومجتمع ناس تعرف منو البحب الكيان ومنو الشغال يحفر تحت تحت وقياده لقياده تفرق وناس السوق بيقولو الفرقه كبيره ونحن ماعايزين نقول زيهم والناس العايزه تبرطع علي قفى الجماهير وعامله النادي دا ورثه عندهم نقول ليهم المريخ مريخ الشعب وشعب المريخ هم الجمهور والشفوت ونهدي لنور غاب القمر الليله سافر مننا نتمني ليه الخير اينما حل ومن لايشكر الناس لايشكر شكرا محمد نور خارج النص الشكر للقلم القامه اسماعيل حسن (وكفى) شكر للثقه وشكر للاشاده الشكر ليك ياصاحب السعاده عمنا اسماعيل حسن ختاما اهل الشان في المريخ ارحمونا يرحمكم الله ونحن علي المدرج واتفرجنا في قياده نور ولو جينا نقارنها مع ناس راجي الضحك شرطنا في فرق بين قياده فريق وقياده مركبه ياكابتن زعيم السودان ولو الشغله اقدميه كانت الديناصورات عايشه لحدي اسه وقاعده وسطينا في المدرج اقدميه شنو الجاي تقول عليها عايزين قياده تيم ومجلس يليق بسمعه الزعيم قياده شايفه المدرجات شايته وين مش عائمين عكس التيار
