قلبت مديح * برغم ان الشفوت لهم رأي واضح في برنامج رضا * الا ان معظمهم كان حضورا امام شاشة التلفزيون القومي ظهر الجمعه * لا لان برامج القومي شيقه او لانها تعنيهم في شئ * فالتلفزيون القومي او تلفزيون السودان اصبح شأنه شأن السودان * ليهو ناسو واسيادو * لكن ما عندو مشاهدين * واذا قفل شهر * لا اظن ان هناك مواطنا بالذات من مواطني الداخل سيعرف ان تلفزيوننا او قل للدقة تلفزيونهم كان قافل شهر * فالقنوات والتنافس بينها جعل تلفزيون السودان زي راديو الحلاق * يرغي اليوم كلو ودول عارفو بقول في شنو ما في * ومرات لما سوداني يضغط علي رقم قناتنا علي رموت الديقيتال * يقرب يكتب ليهو في الشاشه * هل انت فعلا تريد تشغيل هذه القناة ام ان اصبعك الشليق ده قد ضغط خطأ * المهم * كان الشفوت حضورا امام شاشة القومي و لسان حالهم يقول * الليله رضا الا يطير * لان مدني قيت في الخاطر * و عشان في كم تسلل علي اهلي شندي دايرين يتأكدوا من صدق راية نيالا الهلالي في شأنها * نيالا الهلالي دي زي ابو زيد الهلالي * لكن ماببقوا لي بعض * المهم * الناس قاعده فاتحه خشومها * ويجينا ليك المديح * صلي الله عليك ياحبيب الله * مدح رسول الله مابناباهو لكن الفيكم اتعرفت * ولكن ليعلم الجميع * مدني قيت مابتتنسي * ومن شدة قيدتها * قناة النيل افردت لها مساحه * وقالت علي حد تعبيرها باللهجه المصريه * موش ممكن كده يا جماعه * الفرق الصغيرة مفروض تاخد حقها ميش تتظلم * الكورة بالطريقه دي ميش هاتتقدم في البلد * الدولة اللي عايزة تتأدم بكورتها * لازم لازم لازم ماتظلمش الفرق الصغيرة والمتوسطه * ده رأي المصريين في مدني قيت * ماتظلمش * طب يا مصري يا ابن النيل احنا اولنا ايه? * اولنا يخطئ ولا يظلم * يعني مايظلمش * البركه في المديح * وحكم كور الهلال بفاشر السلطان منوووووو??? * و زي ما قال قدوره المجنون ده بالذات لييييييييييه!!!! * ومعظم مباريات الهلال حكام من الخرطوم لييييييييه!!! * المهم * الجمعه الجايه لو ربنا احيانا * حضور امام شاشة القومي * طيروا يا رضا * والشين مابسمحو الفوتو شوب * وشناة مدني قيت لابنفع فيها مونتاج ولا انتاج ولاروج ولا رواجات * شنه من امها * عارفه روحه شينه ومابهمها * انسوا مدني كلها وتذكروا ضربة جزاء لصالح اهلي مدني * ركزوا وافتونا * صحيحه ولا يخطئ * ولا تقديريه * ولا زاوية النظر ما ساعدت?? * قلت لي الفرأ الزغيره يامصري!!! المهم * المديح مابناباهو لكن الفيكم انكشفت * ايها الناس * ان تنصروا الله ينصركم * اها * نجي لي شمارات والي الخرتوم * كان شفت يا والينا * نفسنا كتم علينا * نقول شنو الحاصل لينا * اتارينا غرقانين يا والينا * مع المطرة فشلتوا يا والينا * خرطوم اللاءات التلاته حسب ماقالوا لينا * لا مصارف * لا مغارف * لا في زول عارف يا والينا * غلبتكم * تدكوا وتشكوا وتوزعوا وتغلبكم تخرخروا وتدكوها لينا * قيمنا جا وماتخرخروا فينا * ايها الناس * قلت ليكم قبل كده * لو الفرق تسعين نقطه * بتحكيم زي الفي بالي بالك * التسعين بتروح في اسبوعين * ايها الناس * فالنسميها اخطاء تحكيم * نقاط تلك الاخطاء سته واربعين * يعني نقاط ابو كسكته خمسه * الليق الليق * بدون تعليق * لانو خمسه مابتلعب سنتر ليق * يبقي الروليت كالآتي * المريخ ثم الخرطوم الوطني ثم اخطاء التحكيم واهلي شندي في المركز الرابع ينافسه عليه مريخ السلاطين ويضمنه بالفوز علي الكسكته * غلبتكم عديل يا والينا * لا نحسب ان بتشفع ليكم لدينا * ولا كلام عن خطة عشرية بقنعنا يا والينا * ولا نعتقد بحسب الجهود المبذوله بنشف شوارعنا من طينا * فشلتوا عديييييل يا والينا * والموية كضبت الغطاس سلك كهربا ننساك كيف والكلب قايل الرصيف قيف وراقد يهوهو... اني انبح تحت المااااااااء اني اغرق اغرق اغرق خخخخخ غلبتكم والي لقاء سلك
