¶ وقالوا قروشي بس فيها ولا نطفيها !! ¶ دورة الممتاز انتهت بشرها ولا نقول بخيرها لأن السلبيات غطت علي الإيجابيات !! ¶ و … يا حبيبنا صلاح وطاقم لجنتك ايدام والنجوم حكام الممتاز والتأهيلي قبضوا حقهم. !؟. ¶ لو قبضوا كلمونا ولو ما قبضوا أدونا الخبر عشان نولع النار في التعبير نار بحطب السنط !! ¶ ناس النجومي اتوهطوا فوق الكرسي ووضعوا الخمسه فوق الاتنين خوفا من عطا المنام !! ¶ تذكروا من يعطيه المنان رب الناس تاني مافي زول يقدر عليه وياكل قروشه جهارا نهارا!! ¶ زمان لما اتحكروا ناس إيدام الدمازين الريس حدثنا قال حقوق الحكام قبل اطلاق صافرة البدايه حقوقك تصلك كاش داون علي بنكك وكتبنا ونشرنا وبشرنا الحكام وكل حكم عمل خدمة بنكك .. لكن !! ¶ لكن وا وا حسرتااا مشينا الصراف الالي ضحك قال صدقتوا كلام زولكم والكلام نوع من المخدر أخطر من الآيس الحذر منه البرهان !! ¶ ونست الحكام وراء البسمات دموع طالبوا بحقوق الدورة الاولي التي بلغت كم مليار وإلا… وإلا شنو؟ ¶ وإلا تعالوا لعبوها براكم ومعاكم عطا منانكم !! ¶ النار ولعت باكر يا خبر اليوم بغالي الفلوس وباكر بصبح بالمجاني !! ¶ اللهم اني قد بلغت وبالغت بوليغ فاشهد وما كل مدردم ليمون با تبودي !!! @== يا أهل قروبات الحكام حكايه متسلل وسارق وضربتو الكوره في يده او هو الضارب ما بتجيب حقها شوفوا حڨوقكم الضايعة مشت وين والمثل يقول حق وراه من يطالب به ان يضيع دعوا الخوف علي جنب وشعاركم ( بس حقوقنا وإلا تشوفوه براكم !!).
