إمتلأت مواقع التواصل الإجتماعي (تويتر) و (فيسبوك) بتعليقات المواطنين المصريين الساخرة وذلك فور إلقاء د.مرسي أول خطاب له بعد فوزه بالرئاسة وقد تباينت ردود أفعالهم تجاهه بين مؤيد ومعارض أو رافض للنقد مع بداية تولي مرسي للمنصب . هذه التعليقات التي تؤكد خفة دم المواطن المصري وقدرته على التنكيت حتى في مثل هذه المواقف الجادة أسمح لي أيها القارئ الكريم أن أورد لك بعضاً منها : - ليه بتتريقو على الريس علشان بيقول (أهلي وعشيرتي)؟ تحبوا نرجعهالكم (أيها الإخوة المواطنون؟) - بالراحة على الريّس يا جدعان ده جديد ولسه مُنتخب! - الناس بيطالبوا من أول الثورة بتطهير الجيش والشرطة والقضاء, وأول حاجة شكر فيها الريس مرسي الجيش والشرطة والقضاء! - أنا مش مصدق إن في ناس بتنتقد الريس بجد لأنه شكر في الشرطة والجيش والقضاء. المفروض عشان يبان ثوري يبرق ويقول لهم سأقضي عليكم جميعا. ارحمونا يا جدعان - انبسطت إن في كلمات اختفت من الخطاب زي» لم أكن أنتوي، وأبنائي، وإنه ليحز في نفسي».. بس يا ريت الخطاب الجاي بلاش عشيرتي دي عشان بتؤكد إنه من نسل عنترة . - مرسي ناقل من سيدنا أبو بكر الصديق : «وليت عليكم ولست بخيركم»، و «أعينوني». طيب ما تكمل زي ما قال أبو بكر: «و إذا أسأت فقوموني»؟ ولا دي مش حقنا؟ - على النعمة رئيس زي العسل أنا حبيتو والله العظيم. - ماجابش سيرة صلاحياته !! الخطاب خلص ؟؟ شكر الجيش و(التوك توك) والتاكسي الأبيض ومشي ؟ - هو ليه ما جابش سيرة الصلاحيات ، والإعلان المكمل ، والمعتقلين ،والحاجات المهمة الطبيعية يعني؟؟!! - الريس قال «سأكون على مسافة واحدة من الجميع».. بس إحنا عايزين نلغي جملة على مسافة واحدة دي. . . إحنا ورمنا من الجملة دي. - شوفوا ندالة ناس التلفزيون سابو مرسي من غير (سكرين) يقرأ منه وخلوه يقرأ من الورق ! - سيذكر التاريخ أن محمد مرسي أول رئيس مصري يقول « التوك توك». - والنبي تبتسم يا ريس - أعتقد إن أول مهام مرسي كرئيس جمهورية منتخب لازم تكون تغيير نضارته بنضارة «فريمليس». - صراحة مرسي مش عاطفي أبدا كرئيس, بس الحمد لله بيتكلم عربي كويس ?وبيقول كلام عادي كده زينا, مش أيها المواطنون, الله يمسيك في طرة يا حسني. - و حياتك يا ريس (اختصر) شوية وبطل (مط) وتطويل عشان احنا في الألفية التالتة وده مش خطاب لسعد باشا زغلول! - هو بيعيد كل كلمة مرتين ليه ؟! - الله يسامحك يا د. مرسي ?ضيعت ربع ساعة من الماتش علشان أشوفك.. - آمال صلاحيات الرئيس فين ؟! متكلمش عنها ليه؟ - الحاجة اللي كنت بحبها في مرسي, إنه بيتكلم من غير ورق ... ليه بقى لما فاز وبقي رئيس هيضايقني ويقرأ من ورقة , عايزة رئيس يكلم شعبو زي ما الأب بيكلم ولادو ... ولا انتم شوفتم أب بيكلم ولادو من ورقة !! كسرة : العبدلله شخصياً شايف (القراية من الورق) أحسن !! ولا مش كده يا جماعة؟ كسرة ثابتة : أخبار ملف خط هيثرو العند النائب العام شنو(ووو و ووو) ؟ تنبيه : الكسرة الثابتة بقت 3-1-3 معاكم لحدت 4-2-4 !!
