بأمرك يا حاكم المجلس وبأمر رعاع الجنجويد بأمر الطامه الكُبرى خراب البيت... ليه مالُم؟ ما شعب وقاعد حارس الثورة بنوم ويقوم يصلى يصوم في ظروف اصعب مما تتصوّر وبدل تحميه تقوم تتعالى عليه وآخر اليوم تفتح نيرانك احرق اكتل اكسح ما يفضل حي! ليه مالُم؟ ما بكره العيد ولا خلاص لازم تتكرر مأساة أخرى ونفس الأيام بي نفس طريقة اكسح امسح ولا قلوبكم أصلا مشتاقة إراقة دم؟ بس بكره العيد ما زي الأيام العادية الناس بتنوم فرحانة وتصبح على ثورة تصلى تسبح لي يوم اخر لي زفة عيد داخلين الناس مارقين هاشين باشين لكن انتو قبضتو العيدية ومهما كانت حلوة ما ظن بتكون غير "اصبع ضوه" يخس عليكم بلدنا عظيمة وما بتستاهل ماها شبهكم بعتوها خلاص وقبضتو تمنكم؟ رجعتو سريع وأنت ودقلو بالحرف الواحد نفذتوها أوامر السيسي وبن سلمان وأولاد زايد دافعين كم هللة وطالبين كم جثة؟ وكم بيت يصبح مأزوم دفعولكم كم يا ولاد الهرمة ورونا كمان لو بعتونا رخيص ما أصلا فوضى بلاد مأزوم لإنو الشعب بفوق الساسة وبفهم اكتر من قواد الحيرة لو كان فى أيد الشعب وسيلة ما كان بتغلبوا الحيلة... يخس عليكم ما نستاهل زى أخلاقكم بعتو التاريخ وعبثتوا كتير بالجغرافيا وحاليا حتى الحاضر والمستقبل فى كف عفريت فى كف أولاد بمبا وأولاد زايد وبن سلمان فى يد عفريت فى لحظة تفتًّح تلقى ولادك فى جبهة حرب بلادك مرهونة ارضك مبيوعة ومطرود من بيتك ووطنك.. ما زى بكره العيد لانو الناس لسه بتتالم فالفقد عظيم لكن مافيش من يفهم... احمد ابنعوف بغداد 4 يونيو 19 عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.