بسم الله الرحمن الرحيم في السلك طبعا بعد نقاط الشرق الجماعه بوزوا وتبقي لهم امل وحيد في الترجي حلمانين يشوفوا فينا يوم يتخيلوا ساااااي في كورتنا مع الترجي ويتغالطوا بتنتهي خمسه لا 00 بتنتهي سته وطبعا اتذكروا كورتهم مع الترجي البدت خمسه وانتهت خمسه بدت الساعه خمسه وانتهت اهدافها خمسه ما الخمسه المشي ترباس فيها يشرب خمسه تانيه خمسات الترجي كتااااااار المهم وقفوا عند عبارة خمسات الترجي كتاااااار لو ملاحظين الحقنه دايما خمسه سي سي في العضل عشان حاااااره والجماعه طبعا ماخدين سته حقن من الترجي سته في خمسه تلاتين سي سي بنج حصان يا كافي البلا ! المهم كل ترجي ياخدوا خمسه سي سي قال ليك في واحده من الخمسات واحد كان مقيل في البحر مبسوووووووووووووط جا راجع يغني سااااااي مرة اغاني وطنيه ومره اغاني عاطفيه ومره يقول شعر وهو في طريقو قابل جماعه زعلانين دايرين يطقوا قال ليهم المزعلكم شنو يا شباب ؟ قالوا ليهو يعني ماعارف الحصل ! قال ليهم والله كنت في البحر وماعارف الحصل قالوا ليهو ناس الترجي ادونا خمسه ضحك قالوا ليهو البضحك شنو ؟ قال ليهم البزعل شنو ؟ والجديد شنو ؟ متين الترجي ما اداكم خمسه ! قالوا ليهو حصل قال ليهم متين ؟ قالوا ليهو يوم ادانا سته قال ليهم انتوا طوالي خمسه سي سي من الترجي كوره ولا تطعيم ومشي في طريقو يغني البنسلين ياترجي نادوا الحكيم يا ترجي المهم قال ليك اللديتر في كورة الامل تاني دشر تقول لي العجب هكر يا ضفاري ! سيخوا اللديتر وشيلوا باغه مويه في الضهريه بس ابعدوها من اللديتر ما يلحقها باغة احمد حسن بتاع الاهلي القاهري اقول ليك ( جملون ) حوض السباحه بسقفوا فيهو تقول لي ترجي ! قدر ما نصحي الصباح نلقي ونش جديد في ارض الحضارات قلعة المريخ مره صحينا لقينا الونش واقف والكشافات الجديده بتتركب نمنا وصحينا لقينا الونش واقف والطابق التاني بتشطب اسي صحينا لقينا الونش واقف و ( جملون ) حوض السباحه مركب غايتوا الرايح ليهو ونش يفتشوا في ارض الحضارات مدينة الزعيم بالغت ياوالي كان يكون رمزك الانتخابي الونش تاني لو لاقاكم ونش في الشارع ماشي بشارع العرضه تيقنوا ان الطابق الثالث انتهي شايف الجماعه كلهم بباركوا للوالي الفوز الا خالتي لانها زغردت زمااااااااااان وكانت اول المهنئين جبت لي صابون فنيك ابو فيل يا ضفاري ! اليومين دي شايف الكلام كتر عن كاربوني ياناس كفايه العمله الطفشت كروجر ماتنقوا سااااي كاربوني يقول ماشين كويس يبقي ماشين كويس حتي ولو في ناس شايفين غير ذلك لانو ده شغل كاربوني ما شغل كابويات سااااااي اسي لو متابع مع الدكتور وقال ليك انت مستجيب للعلاج ومتحسن تقول ليهو لا ما مستجيب ولا متحسن ! دكتور انت ولا هو ؟ بطلوا تنظير وخلوا الراجل يشتغل يعني زول لعب كاس العالم ممثلا للبرازيل ما كينيا , ودرب اكبر الفرق في البرازيل منو البفهم احسن منو قطموووووووووووووووووووا يكفي كاربوني فخرا انه اعد تأهيل ميسي الافريقي اسيفن وارقو واخرج لاعبي المريخ من الصدمه والاحباط بعد فقد ايداهو انه عالم في التدريب وعلم النفس وبعرف شغلوا نقطونا بسكاتكم كورة الهلال والاسماعيلي بقت زي الصيام رمضان بكره ولا بعد بكره ! الغريبه السؤال ده سنوي بتكرر رمضان بكره ولا بعد بكره ويطلع بكره العيد بكره ولا بعد بكره ! بعد بكره حكام هجين وموعد المباراه عجين كان الاحد بجي وكان الجمعه بجي والمثل قال المتغطي بالايام عرياااااااااااااااااان بالمناسبه والله العظيم كاريكا جاب قون بنلتي كمان المره دي ما ضيعها ديمبا بقي كويس ولا الحاجه متضايقه ! دولار سايكولين والصباح تلقوهوا في التمرين د0 حاتم ادريس صفوه وخبير وماقاله في الزعيم عن وارقو ما تجهلوهوا وشوفوا وارقو في تونس البنسلين ياترجي وبعد الترجي حانسمع ده ما الترجي البنعرفوا بالمناسبه قلنا البقعد مع الوالي ما بقوم وسمعنا تحت تحت الوالي قابل موبوتو في الخليج موبوتو بتاع مازيمبي مازيمبي بتاع الخمسه الخمسه بتاعت ادفن يا عابدين المهم قال ليك موبوتو كان شايل معاهو كاس افريقيا ووضع الكاس في الكنبه القاعد فيها الوالي يعني كاس افريقيا قعد مع الوالي وتاني مابقوم جهزوا العربات وارجوا الكاس في مطار المريخ الدولي اقصد الخرطوم الدولي جمال قال بجي وفي المطار نغني البنسلين يا ترجي ترجي والبحب الترجي والامل عطبره كلهم في السطاشر مكرر كونفدراليه قلبي علي الامل قلبي علي الامل دي ما اسم فيلم جد جد سلك كهربا ننسااااااااااااااااااااااااااااااااااااااااااااك ! معقوله ! والي لقاء سلك babikir maki [[email protected]]
