بسم الله الرحمن الرحيم في السلك هجومنا يوم الترجي كانت تنقصه اشياء كتيره اولها القوه الجسديه والروح المعنويه والاصرار افتقدنا ايداهو حينها وافتقناهو اكتر في عكسية العجب التي صداها الحارس وافتقدناهو في تهديفة لااسانا التي عادت من القائم وافتقدناهو في تهديفة وارقو التي عادت من القائم الثاني وافتقدناهو في اي كره هوائيه في المناطق الدفاعيه التونسيه وافتقدناهو ودفاع تونس يرتاح ( نفسو ما قام ) عندها ادركت ان ايداهو قد مات في 23/4/2010 لم يمت في 7/3/2010 يا دوب ايداهو مااااااااااااااااااااات انرامو يشبهه قوي مثله وغيور ولكن يجب علينا الانتظار حتي يونيو ان كنا محظوظين نجد ان حواء الكره الافريقيه قد ولدت اندراوس آخر قبل ان نرحل الجثمان كان علينا ان نستنسخ منه اندراوس آخر ولكن حواء السودان ولدت ايداهور سوداني اصلي لن نفصح عنه الا بعد توقيعه في الكشف الاحمر ايداهو ( لفت ) و (رايت ) و ( هد ) دفار وعصار وعفاص وبشبهنا وارقو والسعودي لايعرفان للقتال شأن والملاعب الافريقيه تحب القتال والكلام واضح بعض الصحف المريخيه كان لها دور في الهزيمه منذ تأهل الزعيم لملاقات الترجي والاعلام المضاد يتحدث عن قوة الترجي وصفوهوا بانه برشلونه وللاسف تبعتهم بعض الاقلام المريخيه الامر الذي ادي للانهيار وسط اللاعبين في بداية المباراه وبمرور الوقت ايقن اللاعبون بان الترجي كضبه كبيره والسبب الآخر هو حمي البدايه التي يصاب بها لاعبين بعينهم طوالي عشان كده هذا النوع من اللاعبين يجب ان يستبعدوا من اي رحله خارجيه الا اذا تخلوا عن حمي البدايه يعني المسافر معانا منهم يجيب كرت خلو المنطقه من الحمي الصفراء وكرت خلو قلبه من حمي البدايه بالنظر لمستوي الزعيم ومقارنته مع مستوي الترجي نجد ان النتيجه ليس من المستحيل تعويضها بالخرطوم انهزمنا في مالي بالثلاثه وتأهلنا بالخرطوم وغيرنا انهزم من ناساروا ( النكره ) بالثلاثه وعوضها بالخرطوم ايا كانت اسباب التعويض المهم عوضها هزمنا اهلي القاهر بالخرطوم بالثلاثه وكانت اول ثلاثيه يتعرض لها اهلي القاهره وفزنا علي كانون ياوندي بالاربعه وفزنا علي الاتحاد الليبي بالاربعه وعلي النجم الساحلي التونسي والترجي ليس باعظم منهم في شئ جمال الانتصارات يكون عندما تاتي في زمن يظنه الناس مستحيلا جماهير الترجي كانت سببا مهما في الانهيار مع حمي البدايات وعلي جماهير الترجي ان تقتنع بان الصفوه اشرس وزئيرها اقوي وانها ستجلب النصر في ارض الحضارات لناس الحضارات الدور دور الصفوه منذ الآن يا كرنديس مادايرين صفافير والحان دايرين هتافات قويه من حناجر حمراء وبعدها اتركوا الباقي علي كاربوني الشاطر الحرب علي كاربوني اتمني ان يكون سببها الاقتناع بعدم جدوي كاربوني بس ما يكون عندها اسباب تحت تحت انا شخصيا اري ان كاربوني افضل مدرب علي اقل تقدير سيطر علي مباراه خارج ارضه وهو مهزوم بالثلاثه ونصف لاعبيه منهار كاربوني الذي يضطر للعب بالسعودي مهاجم صريح واساسي يجب ان نقول عليه مدرب شاطر قال لي خليفه مطرود وما حايلعب كورة الاسماعيلي قلت ليهو غيروا 18 بي 23 وقولوا المطرود اسامه التعاون اصلكم متعودين تدقسوا الاسماعيلي من زمن 2 و12 كاربوني كعب وارقو كعب النفطي كعب غاسيروكا كعب كعبين عشان جابهم الوالي وده السبب الخفي وكت كده كلهم كعبين وايداهو زاتو كعب والطابق التاني كعب وحوض السباحه كعب وتنظيم سيكافا كعب والاستاد كعب كعب عالي ! كعب بالكا ! ياناس المعارضه عندها ادب والعندو مع الوالي سبب يواحهو بيهو بس لاتبخسوا الناس الاشياء الجميله كاربوني الكعب ده لو دخلت كورة لاسانا وتهديفة بله واحتسب الحكم ضربتي الجزاء لصالح الزعيم كان برضو بقي كعب ؟ الناس البتقول المدرب كعب حقو يجيبوا مدرب ويدقوا صدورهم يدفعوا ليهو ويهدوهو للمريخ يا ناس لعبنا بالاخضر لو لاحظتوا فيهو حاجات بالابيض والملعب راداس عرفتوا سبب الهزيمه شنو ؟ نفس الملعب الاتغلب فيهو الزول بالابيض سته وفي شوط واحد دي حالتها ( شخوت ) ساااااي يجهز طمبل وكليتشي والترجي للكونفدراليه يمشي المولد قفل بدري والسمسميه رااااااااااااااااقده داير حمص سلك كهربا ننساك كيف بس ! والي لقاء سلك babikir maki [[email protected]]