بسم الله الرحمن الرحيم في السلك • الصفوه • اعظم جمهور • بقوا زي فرفور • يرددوا • المشكله • شنو المشكله • تطلع من افريقيا للابطال مامشكله • تطير من الكونفدراليه مامشكله • تتعادل مع الاتحاد مامشكله • تتغلب من الامل مامشكله • تفقد الممتاز لسنين عجاف عددا مامشكله • المشكله يا مريخ • ريدتك بقت هي المشكله • معقوله • توصلوا الصفوه لدرجة تقنعها بان حب الزعيم مشكله ! • كل يوم صفحه جديده • وصلح جديد • ويعود اللاعبون للتلاعب بنا • كملنا مع هذا الجيل مليون دفتر • صفحات جديده • ولا جديد • الهزيمه ليست مستحيله في عالم الكره • لكن ان لاتحرك الهزيمه ساكنا تكون كارثه • طيب شنو المشكله ؟ • جمال مشي وبقيت المشكله • يبقي جمال ماكان هو المشكله • كروجر مشي و عاد وبقيت المشكله • يبقي كروجر ما المشكله • اتوفستر ورادان ومشكله • كلهم مشوا وبقيت المشكله • يبقي شنو المشكله ؟ • هل ريدت الزعيم هي المشكله ؟ • طبعا ابدا • لايمكن ان يكون الانتماء لقلعة البطولات مشكله • طيب وين المشكله ؟ • ايها الناس • خلال السنوات السبع العجاف في اداريين بعينهم قاعدين في مناصبهم • وخلالها في لاعبين بعينهم قاعدين في مناصبهم • وخلالها في اعضاء دوائر مساعده قاعدين في دوائرهم • يبقي في الناس ديل المشكله • طيب كيف نحل المشكله ؟ • اولا ادب الاستقاله يجب ان يسود • فشل المجلس في بذر الروح او قل المحافظه علي الروح التي وجدوها • يا اخوانا الناس ديل لما مسكوا لقوا المريخ محتفظ بالممتاز ثلاثه سوات علي التوالي • ده للمعلوميه • ثانيا • لاعب لا ( توجعه ) خسارت الممتاز علي التوالي لهذه المده بجي منو متين ؟ • ونحنا دايرين بيهو شنو ؟ • ماسكنوا لليوم الاسود ؟ • وهل توجد ايام اسود من التي عشناها مع هذا الجيل من الاداريين واللاعبين ؟ • ياناس • الصفوه تنتظر التحقيق في معسكر الاسماعيليه • والمجلس يمعن في الاستفزاز باسناد رئاسة بعثة عطبره لهاشم الزبير • ياناس المجلس • شهر حداشر بعيد جدا للجمعيه العموميه • استقالات جماعيه فوريه • كلكم • ولا واحد ما يقعد • ولا واحد ما يترشح للمجلس الجديد • ثانيا • لاعب قاعد في المريخ وتتسرب البطولات بين يديه ساهله ما بلزمنا • لو كان بلعبها بي لسانو • تاني ما بنصب علي لاعب • كفانا • طواااااااااالي • سفاري في طريق العوده • محمد كمال احتياطي طيلة السنوات • لا يلعب الا للضروره • ويخفق • يتم شطب الاساسيين ويبقي محمد كمال • قلق يوم في السما • ويوم في الواطه • طواااااااالي • لاسنا جا • لاسانا قافل تلفونو • وارقو اتأخر • النفطي نفسياتو • بن ضيف الله بعيد عن اللعب التنافسي • مرابط تقيل • بخف بعد شويه • يخف متين ؟ • لما ننزل الدوري المحلي ؟ • ياناس • قدامي اللاعبين هم السبب في موت الروح • اللاعب الجديد عندما يجد مثل هذا التراخي والاستهتار من الكبار شنو البخليهو يتفاني • ياناس • عجب كم سنه مارفع كاس الممتاز ؟ • معقوله ! • اسي عليكم الله لو يختف كأس الممتاز ويجري بيهو بخليهو السنين دي كلها ؟ • لكن الاصرار من وين ؟ • ربنا اعطي فيصل الموهبه • ولكن لحكمه يعلمها هو حرمه من الاصرار وصفات القائد ( الحار ) الذي يغتدي به الآخرون • يا فيصل عمر المريخ ماشاف تهاون من لاعب الا من جيلك يافيصل • يبقي شوف ياعجب • يا تتواجد في المريخ بالصفات التي تتطلبها المرحله • يا تبتعد حتي يحفظ لك التاريخ انك كنت لاعب فنان • لكن بالطريقه دي التاريخ حايسجل ان الزعيم في عهدك فقد اي شئ • فكر وقرر • الموهبه وحدها لاتشفع • المرحوم سامي كان من احرف الناس • ولكنه كان من اعنف الناس ايضا • وتقتله الهزيمه • الالفه لو صعب باقي الفصل بعمل حسابوا يا فيصل • سامعني يا عجب ! • ثالثا • يجب ذهاب جميع المحترفين • ثلاثي تاريخ الكره التونسيه لا يملك ما يقدمه • قدموا كل العندهم في بلدهم زماااااااااااااااااااااااان • من زمن بو رقيبه رقبتو كانت قصيره • لاسانا يجب ان يختانا • محترف لا يضيف افضل منه وطني يرجي منه • والكلام كتير • لكن خلاصة الموضوع في مشكله • وحل المشكله يكمن في الآتي • استقالات جماعيه للمجلس وتتبعه دوائره المساعده وتحرير خطابات شكر لهم • شطب بالجمله • بدون عاطفه • العمل علي ايجاد لاعبين يشبهون المريخ ولا يرضون بالحقاره • معقوله ياناس • حقاره من الاتحادات • ويجبرونا علي اللعب في ترعة مدني • وكمان جاتنا حقارة القنوات • كورتنا لا تنقل • في قنوات الهلال الاتنين • القوميه والرياضيه • نعمل قنوات برانا يعني ! • لو كان لمجلسنا الهمام شخصيه قويه كان اجبر جميع القنوات علي التعامل معنا بحياديه او المقاطعه • والصفوه لو قاطعت القنوات خسرانه القنوات • شخصيه قويه بالتأكيد تملكك قناة قوميه • قالوا واحد ماشي في الشارع • البوليس وقفوا • قال ليهو بطاقتك الشخصيه • الزول اتربك وقال شنو ؟ • البوليس قال ليهو بطاقتك • الزول صنقع ودنقر وقال للبوليس • هي وينها الشخصيه البسوا ليها بطاقه • حتي اطفالنا انقطع في قلوبهم الصغيره العشم • احر ندم لما ينقطع العشم • سامعني ياعجب ! سلك كهربا بالطريقه دي تبقي ذكراك ابد الدهر والي لقاء سلك babikir maki [[email protected]]
