بسم الله الرحمن الرحيم في السلك • شفتوا كورة امس ؟ • شفتوا الكاميرا كانت خجلانه كيف ؟ • طول الوقت مدنقره • ترفع راسها لي شنو ؟ • اذا رفعت راسها بظهر حجم الجمهور الحقيقي • جمهور خجول • حتي الشرطه • جات بوكسيين بس • ولا دفار ماجاء • يجوا كتار لي شنو ؟ • الجمهور كلو كم نفر • سواري بحصانين كان كفايه • مشيت العياده مع خالتي • لما جينا راجعين • وجوار الاستاد خالتي قالت لي الليله تمرين مافي ولا شنو عربات مافي ؟ • قلت ليها مافي • قالت لي ومولعين الكشافات ليه ؟ • خالتي ليها حق • مدام الناس الوجدناهم في العياده اكتر بثلاثه اضعاف من الناس الدخلوا الكوره • المهم رجعنا البيت • لقيت الكوره بدت واسلام بتتفرج • اسلام قالت لي الليله الكوره برضو بدون جمهور ؟ • قلت ليها ابدا , دي كوره بدون احساس يابتي • قالت لي بكون فيها دخل ؟ • قلت ليها قالوا الدخل بلغ اربعه وعشرين الف جنيه • ضحكت • وقالت لي الدخل كيلو ضان مابجيب ؟ • قلت ليها ابدا , اربعه وعشرين بالجديد • قالت لي كان كده كان اخير للمورده تلعب بالنهار في دار الرياضه امدرمان • منها تسخن مع الجماعه ديل ومنها تتضمن دخل روادالدار المضمون • قلت ليها يمكن المورده مادايره تسخن مع الجماعه ديل • اربعه وعشرين الف بس ؟ • قال موج قال • طلعتوا تيمم ساي • يعني دخل كورتنا تلاته اضعاف دخل كورتكم ؟ • سخلي وسخلك دخلو السلخانه • بتاع السلخانه قال سخلك ده فاضي • مافيهو شئ • المهم • البسمع فصاحة سيد محمد صالح في الاستوديوهات التحليليه يقول سيد كان مسك عصايه يغلب بيها • طلع منظراتي سااااي • شفتوا هاني • حارس المورده • كوره ضعيفه • فكاها • جاء منها الهدف الثاني • وزعل • والله زعل • بالمناسبه • المورده زمان كان حارسها دوكه • لاحظوا • الدقيقه سبعه اتير ساكواها كان مفروض ينال انذار • الحكم طنش • الدقيقه واحد وسبعين ديمبا يستاهل كرت • والمعز محجوب طنش • اقصد المعز احمد • المعز محجوب ده القون • الدقيقه اتنين وسبعين مدافع الهلال يعيد الكره للمعز الذي يمسكها بيده • الحكم طنش • والقناه طنشت • ماعادتها • قناة الفريق الواحد • الدقيقه سبعه وعشرين • مخالفه واضحه من عمر بخيت مع لاعب المورده خارج الخط في الجزء الخاص بالمورده • الحكم طنش • والهلال هدف • وطلعت بره • في تلاته مباريات عمر بخيت وعلاء الدين يوسف ماخدين اربعه كروت صفر • نعم اللعب النظيف • احفظوا احصائيات الحكام والقناه كويس • بجي يوم يغالطونا • المهم • انا اسكن جوار ارض الحضارات من حسن حظي • هلالابي لما ساكواهور اضاع ضربة الجزاء اتصل علي وقال • كوره ساكواها دي قالوا مشت في راس بيتك ياسلك نزلها ليهم • قلت ليهو ساكواها ده مابنزلها ليهو الا اتير • تهي تهي تهي • وطبعا التلفون قطع • تيت تيت تيت • احمد عادل عملها • وبرضو نزلها ليهو المعز • جناين انتوا • البقعد معاكم في الكتشينه تنزلوهوا • نزلوا • سيد محمد صالح • شابكنا افتكر انو التكتيكات ضعيفه والمدربين مابهتموا بالشق الدفاعي وده سبب تدهور الكوره السودانيه • طيب سبب تدهور الكوره الموردابيه شنو يا ابو السيد !!!!! • الصفوه الرائع صاحب الرقم 0922857114 ارسل رساله قال فيها • المريخ جهز ساكواها .....وادارة الهلال جهزت شكواها ....عشان تلاته نقاط لو شالوها شكواها بتبقي سكواها • جبتوا الكلام لي روحكم • تاني اشتكوا • بالمناسبه تسخاني عامل كيف في ليبيا ؟ • بمناسبة تسخاني دي • فيلكس لو لعبوهوا كورة امس كان جاب كم قون كده • لكن ماعارف الزول ده مابلعبوهو ليه • المهم • ايها الشفوت • استعدوا • المعركه الافريقيه • انها مباراة الجماهير في موسم الجماهير • زئييييييييييييييييييييييييييييييير سلك كهربا لن ننسااااااك ياهداف افريقيا , كمان دي انكروها !!! والي لقاء سلك babikir maki [[email protected]]
