بسم الله الرحمن الرحيم في السلك ساكواها ده بس مايسمع ليهو بي هلال طواااالي يتم الشغل والغريبه لو في كورة الهلال الكوره جاتو من الحضري قون قون مافيها نقاش الحكايه دي سواها يوم اتير جلاها الكوره جات من الحضري ضربت في كراع اتير ورجعت ليهو المعز يهرج لي اسي اها امس جاتو من الحضري قون هلال كادوقلي ماشافها دخلت بي وين لكن الحضري الشكوي فيهو مضمونه سجلناهو حارس مرمي يطلع صانع لعب ومساعد مدرب وحارس مرمي ومشغل جماهير ومثبت كمان دي شكوي مضمونه العندو تلاته مليون يجري علي الاتحاد جري والعندو غبينه من الحضري وماعندو تلاته مليون يكسر (بكسر السين ) يشتري بضاعه بالشئ الفلاني بي شيك ويفكها بالكاش بتلاته مليون اتكسري او اتصلوا بي شركة تساهيل شوفوها يمكن تكون بتسدد رسوم الشكوي وتقسطها ليكم ياناس بصمات البدري كل يوم تتضح اكثر شكل الفريق اصبح يتطور ماشاء الله يوميا الانسجام طابع الايام دي عليكم الله موش مولد وفات بله ! شخصيا اعتقد ان الفريق يضم مواهب جيده ونادره كان ينقصها التوظيف السليم والانضباط يا وله يا بدري ارط علي كده الهي ينصرك يارب ايسكوتي ايسكوتي ميش الحضري لعبها تاني لسكواها وسكواها سواها ؟ ايه يا بت ؟ هي شغله يعني ولا شغله ؟ طب والله العظيم تلاته يامه الحاجه المهم هناك خانات ماشاء الله هيبه وجبره حراسة المرمي ولب اثصد باسكال والشغيل الشخصيه يفلق ويداوي وراجل بقدل في حدود مملكته كضاب ابو الشا يا شفت العين بصيره والرجل ماشاء الله طويله العندو شك يقرب البدري شغال صاح والدليل آلولو النمره الكامله بما فيها نقاط الجماعه ايها الناس قابلت الاستاذ فاضلابي ليلا وهو خارج من صحيفة المريخ قلت ليهو الجماعه شدت مافرحانين دايرين يجنوا قال لي جماعتك ديل زي ديك المسلميه يعوعي وبصلتو في النار اتبصلي مصعب عجب الزمن القادم لو استطاع ان يحافظ علي هذا المستوي جاب ليهو قون يشبه مصعب المبدع لكن راجي رد ليهو الجميل بي باص جميل تتذكروا باص مصعب لي راجي يوم كاس السودان الباصات دي ديون ولازم تسدد لادايره وزير ولادايره لجنه العندو بسدد الباشا قل مردوده قليلا ولكنها ظاهره طبيعيه ياناس ايداهور رجع بعد الاعاره شراره والباشا رجع بعد الاعاره شراره ووارقو راجع بكره لي بعد الاعاره بالمناسبه صاحب الرقم 0912270571 ارسل رساله قال فيها ان انيمبا قد تأهل ونحنا ما محتاجين لي وارقو الآن ويقترح اعارة وارقو لي انيمبا لي شهر اطناشر ياحبيبي مالك علي ناس اتير ديل يادوب جداد لنج وارقو في انيمبا شطب الاربعه مدافعين والاربعه الاحتياطي اسي الاحتياطي ذنبو شنو يا محمد عبد الماجد !!!!!!! اسي لو اعرناهو لي انيمبا ناس خليفه ديل بدخلوا في (الكشه ) ولا بعتبروهم مولفين توليف ؟؟؟؟ لكن اسامه التعاون خاشي خاشي اها واحد بتاع بحر قاعد جمب البحر جا واحد قعد جمبو الزول القعد ده بسف وبسف فوق كمان طلع الكيس ودنكل السفه ورفع الشلوفه الفوق بايد ماكيها شديد قربت تصل عينو وخته السفه بالايد التانيه صاحبنا بتاع البحر قال ليهو سفه ولا بطاريه ياخ فاتح ليها الكبوت ده قدر ده ساكواهور اخوتي الاستقرار الفني ثم الاستقرار ملحوظه لابد من الاشاده بمستوي حارس هلال كادوقلي الفني واخلاقه الرفيعه وروحه السمحه نتمني لك التوفيق يا كابتن كل الاهله اخدوا المعلوم فضل لينا الهلال الاحمر سلك كهربا ننساك كيف والتيم بدأ يظهر علي حقيقتو !!!! والي لقاء سلك babikir maki [[email protected]]