بسم الله الرحمن الرحيم في السلك • ان كنا فعلا نريد محاربة الفساد في هذا البلد • علينا ان نعمل علي تغيير حال التحكيم عندنا • ماممكن • حكم يحصر اتحاد مدني في نصف ملعبه باحتساب مخالفات لاوجود لها • نفس الحكم • يؤشر لاستمرار اللعب وتكون المخالفه علي لاعب الاتحاد زي حادث الحركه • واضحه ومافيها شك • كيف نسعي لتتطور مستوانا الكروي وحال تحكيمنا مخجل • سقط لاعب من الاتحاد علي الارض • اللعب مستمر • سقط كاريكا ومازال لاعب الاتحاد علي الارض • الحكم يهرول تجاه كاريكا • ويمد له اليد • يد بيضاء او قل زرقاء مابتفرق كتير • ويساعده علي النهوض • ولاعب اتحاد مدني وكت مافي زول عبرو • قام براهو • الهدف الوحيد • شوفوهوا في تاني • وشوفوا لاعب الاتحاد علي الارض قبل ان تتلعب رأسيه • ده رماهو زلزال اليابان • ايها الناس • مثل هذه الطريقه هي التي تقود للحديث عن حكم موريشيوص • تغطيه لاشياء كثيره • انا شخصيا • اذا خيروني بماذا نبدأ في حربنا علي الفساد • بقول نبدأ بحال التحكيم • علي الاقل ناس الفرق المظلومه يشعروا بعداله ومساواه • ايها الناس • ده الحال في مدني القريبه • تونس البعيده ديك كيف ؟؟؟؟ • احمد هرمنا ....يا احمد هرمنا • خاشي الكوره يا اخوي ؟؟؟؟؟ • ياناس • قولوا معاي • اللهم انصر الحق اينما كان واهزم المحسوبيه ورد حقوق المظلومين يا رب العالمين • المهم • الشاف كورتنا ضد حي العرب وكورتنا ضد المورده • بعرف انو البدري عندو راي في الباشا • وفي توظيف الباشا • ياباشا خليك عند حسن ظن الراجل ده • نتطور للامام • ولو مشينا كده • حانصل لمرحلة المريخ بالحضري وبعد داك بمن حضر • الحضري واي عشره معاهو • تخيلوا • المعلق يبحث عن الاعذار للعرض الجنائزي • ويقول الفريق الساعي للنصر بكون كده • قصدوا بكون مضطرب ومامركز • والاستوديو التحليلي يلوم في لاعبي الاتحاد مدني لسقوطهم علي الارض بسبب او بدون سبب علي حد تعبيرهم • تخيلوا • ناس لليوم بتكلموا بمنطق كنا ناقصين • عندنا ناس غايبين • فريق حله يا كافي البلا • مره كده شفت ليك الافريقي التونسي • عندهم زول اسمو العواض • العواض ده بعوض طوااااااااالي • غايتو قالوا تحت تحت الزول ده اساسي في كورة الرد • ياناس • كلكم شفتوا كورة الاهلي الخرطوم • وشفتوا كورة اتحاد مدني • الله يسألكم الفصاحه في شنو ؟؟؟؟؟ • بالمناسبه • مذا حدث في موضوع الحجاره الجات طايره من خارج الاستاد الي داخل الاستاد يوم كورتنا ؟؟؟؟ • نحن في انتظار النتيجه • صدقوني • حايخرج علينا الناس الراجين قرارهم • حايجونا بكلام عن الوطنيه • والوقوف مع االوطن • ليس من اجل الوطن • ولكن عشان نحنا خرجنا • وهم دايرين كل البلد تقيف مع الجماعه • الغريبه لما نكون نحنا البنمثل ما بنسمع من المسئولين كلام عن الوطن • اللهم لانسألك رد القضاء ولكن نسألك اللطف فيه • الكيل بمكيالين يجعل الناس تشعر بعدم العداله • والاحساس بعدم العداله يقود الناس لميادين التحرير • ولما يصلوا هناك تاني مابنفع اي تراجع عن اي قرار • برضو لسه بسأل • لاعب اتحاد مدني قبل لعب الراسيه الرماهو شنو ؟؟؟؟ • انس ولا ؟؟؟؟؟؟؟؟ • يارماهو زول • يبقي الحكم قصر • يارماهو شيطان • وربك موجود • نكته لذيذه • قالوا فيلكس اسقط الكوره لبشه بمهاره عاليه منه • فليكس ياناس لاعب في المرمي • تسقيط شنو ومهارة شنو • بتغشوا روحكم بس • وحانشوف الشطب فيهو فليكس السقط الكوره ولا لأ • فكونا ياخ • ايها الناس • هرمنا سلك كهربا ننساك كيف ؟؟؟؟ والي لقاء سلك babikir maki [[email protected]]
