مثل إنقاذي " أشتم شعبك وقول ليهو .. أنتو شذاذ افاق وشماسة " حكمة الأربعاء : "العيشة قدر الأضان .. يمكن تكون أصغر شوية ..." (1) اتحاد المخابز: لا اتجاه لزيادة أسعار الخبز ؟؟ أسمع كلامك أصدقك أشوف الكيس بقا فيهو 3 عيشات بي (1) جنيه أستعجب .. (2) والي الخرطوم: الدقيق خط أحمر؟؟ كدي خلينا من خط الأحمر ده الأستاذ في المدرسة بعملوا للطلبة حقنو .. أصلوا خطوطكم الحمراء دي طلعت اي كلام، وبقينا عاذرنكم .. يعني ذي ما بقولوا " السكران في زمة الواعي ". أها خط هيثرو ده كيف ... ولو أدينا درجة حرارة كم ممكن يحصل درجة إحمراركم دي .. (3) نصائح (ملغومة) قبل الدخول للعش... ليلة الدخلة...هواجس (المعركة الحربية)..!! هذا عنوان كبير في إحدى الصحف .. مع الإحترام والتقدير للمادة ولكن في ظل الأجواء والتصاعد الكبير في الأسعار .. تجد هذا العنوان يتصدر صحفنا.. ولا يفتح الله عليهم بكلمة في ما يحدث لطلاب جامعة الخرطوم التي تعذرت على الإنقاذ الدخول إليها بشهادات سودانية فدخلوها بالبمبان .. ياخي حقوا نبطل شغل في الصحافة .. إذا كانت تخاطبنا بهذا العنوان .. (4) نائب الرئيس: الاحتجاجات لن تسقط الحكومة .. وأشار نائب الرئيس الى أن (85%) من المشاركين في الاحتجاجات الأخيرة (أجانب). أول مرة أعرف جامعة الخرطوم أتحولت لي جامعة أفريقيا العالمية . وأول مرة أعرف أنو مدينة ود نوباوي تم فصلها بموجب إتفاقية " أم صفقاً عراض" التي وقعت مع حركة تحرير ود نوباوي .. وأول مرة أعرف أنو مدينة شمبات تم إستقلالها عن السودان في العام 2012م شهر 7 تحديداً. أجانب أجانب .. نحنا مالنا .. انتو قولوا قولكم ونحنا بنقول قولنا والفيصل الشارع .. الله يستر .. ما تطالبوا الأممالمتحدة بحماية المدنيين التابعين ليكم .. وتقوموا تعملوا لينا حركاتكم ديك وتشكو لينا جامعة الخرطوموشمبات ود نوباوي .. وشندي والقضارف وكسلا وبورسودان .. عند مجلس الأمن أصلوا الدول دي لسه حديثة الولادة . يا أخوانا البقنع الديك منو ؟؟؟ (5) أعتقد بأن الجميع قد شاهد حلقة الإتجاه المعاكس " بين القراي وعبد العاطي"، وتلاحظون فيها التفاوت الكبير بين مواقف الرجلين.. فقد كان القراي مرتباً يناقش الأمور بكل شفافية عكس خلالها واقع المواطن. في الطرف الآخر ما زال ربيع يتحرى الإستفزاز لمشاعر غالبية شعبنا .. الملفت في الحلقة أنه القراي لم يكن الضيف في مواجهة عبد العاطي، فقد ذكر فيصل القاسم أنه قد تم إعتقال كمال عمر ليمنع من الحديث في الجزيرة .. ومع ذلك فقد وفق القراي في مقارعة حجة الإنقاذ عبر عبد العاطي.. قصة (1800) دولار دي ما وقعت لي يا عبد العاطي .. كدي وقعا لي عليك الله !! (6) الوطني: ما تثيره المعارضة زوابع سياسية !! أعتقد بأن الزوابع مع تباشير الخريف سوف تتحول إلى رعدية.. وتضرب الذين سرقوا قوت الشعب .. ومزقوا الوطن الواحد وأحالوا حياة المواطنين إلى جحيم لا يطاق ... (7) سؤال موضوعي ... شنو يعني خلايا نائمة ؟؟ اننا في وقت يحتاج إلى تفصيل أكثر ودقة في المصطلحات .. طيب جهاز الأمن مفروض يكون صاحي عشان يشوف الخلايا دي نائمة مالا ... شغلتو شنو .. ولا بس بعتقل الطلاب والمواطنين في الأحياء .. اسي أنا أخطط لإغتيال مسؤلين حكوميين لي شنو يعني .. ما أمشي السلخانة وأصبح الخرفان والعجول .. مش أفضل لي من القصص الميتة دي .. (8) في شمبات حليل مجلسنا ... الأمن والشرطة حارسنااااا .. موقف بايخ جداً : لماذا لا يعترف أهل الإنقاذ بالفشل طيلة 23 سنة.. موقف بائخ .. اكتر من الفات: يستخدون الرصاص الحي في التظاهرات ويقولون أنها محدودة .. طيب لماذا تكفل الشعب تكلفة رصاصة حية مقدرها (كم دولار) في حاجة فارغة ... وبمبان .. وإستعداد .. وحوافز إستعداد .. أوعا تقولوا عشان حماية الممتلكات والمواطنين .. Hatem Elgimabi [[email protected]] ////////////////
