المصيبة إن بعض أهل المريخ مش مقدرين النعمة اللي بين إيديهم اللي إسمها المريخ ، الكيان العظيم ، النادي الكبير ، التاريخ ، الحاضر ، المستقبل، مش قاردين لغاية دلوقت يفمهوا إن النادي أكبر من كل القرف اللي بيحصل ده ، ويكفينا بهدلة الحضري ومرمطته للمريخ علشان نفهم إن الكيان نفسه في خطر ، ومش حا أقول مهدد بالتلاشي لأنها زعلت مني ناس كتير ، مع إن مضمون اللي كتبته وقتها كان ناقوس خطر ، أو جرس إنذار ليعرف أهل المريخ ، إن كل من هب ودب زي العم عصام الحضري ممكن ببساطة أوي أوي يكون (سيد المريخ) ، وكلنا عارفين حكايته مع النادي اللي أعطاه الشهرة والإسم نادي الأهلي المصري ، إزاي بدت ، وإزاي إنتهت ، علي الأقل ناخد منهم العظة ونفهم إن اللاعب اللي مايحترمش ناديه مالوش مكان في النادي مهما كان إسمه وتاريخه وأهميته كلاعب وتأثيره علي الفريق . بالمناسبة ماعلقتش علي إختيار جمال الوالي الرئيس الأكثر شعبية في الوطن العربي ، من أحد برامج التهريج المعروفة بإحدي القنوات العربية ، لأسباب كتيرة منها إني مافهمتش معايير الإختيار إيه ، ويعني إيه الرئيس الأكتر شعبية؟ وليه مش الرئيس الأفضل ؟ والمعيار الأهم هل هو رئيس مجلس إدارة النادي حاليا؟ والسؤال نفسه للشخصية اللي إحتلت المركز الثاني منصور البلوي هل هو رئيس إتحاد جدة حاليا؟ اللي أعرفه إن البلوي إبتعد عن رئاسة النادي من سنين مش سنة ولا إتنين؟ يبقي الصح إن جمال الوالي والبلوي مالهمش مكان في مسابقة الرئيس الأشهر ، لأن الإتنين إرتبطا بصفة الرئيس ( السابق) ، وكان الأولي رئيس (عامل) ، بمعني إيه ؟ يكون هو الرئيس حاليا ، ماعلينا سيبونا مع العم عصام وأنا جبت سيرة جمال ليه؟ لأن حكاية الحضري كلها من الأول لغاية ماغادر في سرية لبلده أمس تضعه في قائمة الرئيس الأسوأ ، وقلنا كتير في الموضوع ده مش عايز أعيده واللي يهمني دلوقت إن الحضري ( فص ملح وداب) راح فين ؟ بعد سؤال وبحث عرفت إنه راح علي القاهرة وفي سرية كمان ، طب إيه اللي حصل ، قال لك إيه زعلان ، زعلان من إيه؟ مش طردوه ، مين دول ؟ حد يقدر؟ لا فيه اللي يقدر ، مييييين؟ تخيل اللي طرده موظف في فندق ، ياعم قول كلام غير ده ، الحضري اللي غلطاته عندهم مغفورة واللي العمل اللي ماحدش عمله من تأسيس المريخ ، ومافيش حد يقدر يحاسبه يطرده موظف في فندق؟ ده ياعم اللاعب الوحيد اللي بيعتذر له كل المريخ ، وبيقبله في أي وقت وبأي وضع ، ياعم ده اللاعب الوحيد في العالم اللي بياخد أجازة ويسافر من غير ماياخد إذن ، وده اللاعب الوحيد ياعم اللي في العالم اللي ممكن يكدب عشانه مجلس إدارة مسؤول عن محاسبته ، تقول لي يطرده موظف ؟ ياعم ده أنا لو مش شايفها مش هي أقول ده ممكن ينقل الموظف ده الصعيد ، هو في صعيد في السودان ؟ آه فيه مش في موبايل إنترنت تلات دقايق بخمسة وعشرين قرش يبقي فيه صعيد في السودان بس ماأعرفش فين بصراحة . إنت فاكر مسرحية عادل إمام اللي بيكون شايل فيه كيس خيار ، آه فاكرها (شاهد ماشافش حاجة ) ، مش في الحتة دي بيقول ( كل واحد ياخد خرررررررراية واحدة بس) ، أهو ده اللي بيقولوا دلوقت الحضري لمجلس المريخ ( كل واحد ياخد خرررررراية واحدة بس ، إحشوه ، خللوه) ، إنت عارف إيه اللي عاجبني في مهزلة الحضري دي ، إيه ؟ موظف الفندق اللي عمل اللي ماقدرش المريخ كله يعمله ، ده أنا لو في يدي سلطة أديه وسام إبن السودان البار ، مش حفظ كرامتنا اللي مرمطها الحضري ، وكل واحد ياخد خرررررررراية واحدة بس . hassan faroog [[email protected]]
