بسم الله الرحمن الرحيم في السلك *كبسور حيرنا *اذا جاورتو يشتكيك *اذا رحلت من جمبو يشتكيك *اذا شغلتو يشتكيك *اذا اشتغلت معاهو برضو يشتكيك *اذا ناسبتو يشتكيك *اذا ناسبك يشتكيك *لو ابيت تديهو برضو يشكيك *امس سمعنا بانو كبسور اشتكي الدكتور *ومع اسعار الدمغات المرتفعه دي *ومع زيادة رسوم التقاضي *كبسور حايفلس *بدل يخت حجر الاساس حايخت دمغة ضريبه في البلاغ الجديد *في ناس كده *فاطين سطر *بجننوا النيابات جن *النيابات بتوقفهم من الجيه *النيابات مافاضيه ليهم *وده الحايحصل لي كبسور *معقوله يا كبسور تشتكي الدكتور ؟؟؟؟؟ *الشكوي الجديده صدقوني حاتكون في الثريا *يا الثريا جاك كبسور *الله تاني تلاتين عشره ما تفضوا ليهو *تدوهوا يشتكيكم *ما تدوهوا يشتكيكم *دي شبكة شنو دي ياربي !!!! *الزول الوحيد البشتكيهم كل يوم هو عصمت *ولان عصمت علي حق زايغين منو *وفطومه اختي اعترفت يملكية عصمت للشعار *وقالت كردنه يجيب شعار فيهو الخريطه *يوزعوا مجاني *وبعدين يبيعوا *مجاني ليه *خلوهوا يبيعوا علنا *عشان عصمت يوري ليك كبسور الشكيه القويه *ايها الناس *العلامة التجاريه المسجله باسم عصمت *تمنع الثريا والثري من الاعلان بها وعليها *ولو الثريا دايرة تفلس *كدي التعلن في شعار عصمت *كمان عصومي بلعب !!! *وروشا بقي يهدد بانو في ناس دايرين عنوان عصمت *اديهم يا روشا العنوان *وشيك علي بياض كمان *لانو عصمت مامعروف داير كم *بس الشيك يكون طويل شويه *لانو عدد الاصفار التي يردها عصمت مقابلا لشعاره *تفوق صفر الواقع الهلالي واصفار الخيال *ومحامي كردنه الاشتكي بكري *يوم في جريدة روشا سويدي *ويوم سويسري *ويوم انجليزي *انجليزي يا مرسي !!! *يكونش قريب كلارك يا روشا ؟؟؟؟؟ *بس ياروشا في حاجه ما تكون فاتت علي كردنه *قولوا للمحامي بكري ما رجع لينا البدله *عشان الحته مهمه في القضيه *وكان اتأخرتوا للاحد *قولوا ليهو وكمان بكري شوف قوة عينو *جاب فينا قون كمان *جري بي سمبو المسكين *لقاهو ما معسكر *موش كان الاماراتيه مانعنين دخول المشكوك في ايبولتهم !!! *ويصف روشا روابطهم في السعوديه بانهم اوهام في اوهام *يا روابط الهلال بالسعوديه يا وهم *بتتوهموا بتقولوا في شنو ؟؟؟ *سته انفار خلف قطعة قماش وعاملين فيها روابط وامارات كمان ؟؟؟؟؟ *والله يا روشا *كردنه ده تباروهوا يجي يوم تلقوا قطعة القماش وراها مافي ولا زول *الخوف قطعة القماش زاتها تشتت *ايها الناس *انكر كردنه حكاية تبرعو بي واحد وخمسين مليار للجوهره *وانكر حوارة مع الجوهره *الزول ده بدا ينط *لجنة التسيير جهزوها سريع يا فطومه يا اختي *عشان ما يجيبوا ناطق تاني *معقوله يا كبسور تشتكي الدكتور !!!! *ايها الناس *لو عصمت رسل صور من شهادات الملكيه بتاعت العلامه التجاريه لي ناس الثريا *تفتكروا ناس الثريا تاني بمسكلوا في الموضوع ده ؟؟ *واحد قال لي عصمت مفكر فيها *داير يحذرهم اول *عشان بعدين مايقولوا ما كنا عارفين *معقوله *تشتكي الدكتور يا كبسور *يا عماد حسين *الهلال لو عندو قضيه *قضيتو مع عصمت يا حبيب *رشا قال بحذر عصمت من استفزاز جماهير الهلال *القال حقي غلب ياروشا *وعصمت ماقال شئ غير حقي *الشعار شعارو *كان تظهروا كان تضاروا *شعارو *الجاب الاستفزاز شنو ؟؟؟ *البستفز جماهير الهلال هو حملهم علي وهم ملكية الشعار للنادي *الشعار بالقانون بتاع عصمت *هكذا قالت المحكمه العليا بالبلاد *المهم *ماشين شندي ولا لسه بترجفوا ؟؟؟؟ *كردنه دحين ماداير يشتكي القرعه ؟؟؟ *البرد جا *الهلالاب يرجفوا *البرد مشي *الهلالاب يرجفوا *يبقي السبب ما البرد *السبب الجرد يا روشا *ماشين شندي *ولا الطالب البخاف من الجلد ما بنجلد اول واحد ؟؟؟؟ *ردفوا ياروشا *الموسم ده جلدو كتير شديد *ايها الناس *كبسور يشتكي الدكتور ؟؟؟؟ *لاحولة ولا قوة الا بالله *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *مضيعين زمننا من بدري في قصة الروب *من سرق الروب *الامه يقول انا سرقوا ؟؟انا ما سرقوا .هذا سرقوا *الاتحادي يقول انا سرقو؟ انا ما سرقوا ...هذا سرقو *اليساري يقول انا سرقوا ؟؟ انا ما سرقو ...هذا سرقو *الوطني يقول انا ؟؟انا سرقو ؟؟؟انا ما سرقو ...هذا سرقو *الشعبي يضحك في الاول ويقول ..انا سرقو ؟ هذا افتراء ....انا بالطبع ماسرقو هذا سرقو *الاتحاد الاشتراكي يقول مين سرقو ..انا ما سرقو ...هذا سرقو *منبر العدل يقول انا فصلو ؟؟اقصد سرقو ؟؟انا ما سرقو ....هذا سرقو *وترجع تاني للامه ويعود الموال يا والينا *عشان نعرف من سرق الروب الهيلنا *ضيعنا روبنا من ايدينا *وين الروب يا والينا سلك كهربا ننساك كيف والروب ضايع والشباب صايع والحرامي بايع والي لقاء سلك
