وَب عليِ خطيبي جكس صحبتي يوم عرس صاحبتي(خالده)عرفت خطيبي(هيثم)على صديقه روحي(سحر)قامت جرت الاخيرة نور كبير لخطيبي،لقيته بعد اسبوعين مرتمي في احضان صديقتي(سحر) يجيها دائماَ في الجامعة ويمشي معها على النيل والمطاعم السياحية ... قلت الامر عادي،سافرت صاحبتي(سحر)لمدة اسبوعين الى(الشكينبة)عملت ليهو(توصيلة) من(شيوخ)الشكينبة،وبعد شهرين لقيت صديقتي(سحر)عروس لخطيبي(هيثم) ما زعلت لان الامر عندي عادي بل كنت(كاتماهو في سري)والدنيا بالاصل دايرة( صبر) وكل مافي الامر(نتمي ليها السعادة ) . وبعد ستة شهور من الزواج البت بقت(حامل) وطلع خطيبي القديم(هيثم) (فنجري بوق)والزول بقى(ماكنة)بس(مافي اي شيء)كلها(خداعXخداع)جات بعدين صحبتي(سحر)تعتذر ليا(وندمانه على الشيء الحصل)قلت ليها(كل شيء قسمة)وديه( قسمتك)ردت على(والفي في بطني) قلت ليها(ربنا اللي بيجيبه كل خير) وقالت ليا صبحتي(سحر)دايره اجمد الجامعة السنة ديه،وبعد انتهاء مرحلة الانجاب بعود ليها . وانا(جكست)واحد تاني وداير اتزوجو بعد عامين(من الحب)وصحبتي(سحر)تمت قرايتها،وبعدين بقت تبحث عن(شغل)عشان تربي(الشافع دا)و(هيثم) مرة ثانية وثالثة ورابعة عمل عمليتو مع بنات(تانيات)انانيات ذي صحبتي(سحر)وتتوالي المسلسل زاتو،وانا كنت اتزوجت وسافرت مع زوجي الى ارض العم سام بسلام والله انا ما (ندمانه). صحبتي(سحر)بقت هايمه على وجهها من شغل الى شغل عشان تربي ولدها،وهي لسع صغيرة ماعرفت في الحياة اي حاجة وتقول في نفسها ( اعمل شنو؟؟) . طيب يا اعزائي القراء صحبتي(سحر)تعمل شنو ؟؟ ملحوظه: هذه صورة من صور كذب وصيد القلوب لابناء الزمن دا من مواليد زمن الانقاذ(والعرس مالعب) د. احمد محمد عثمان ادريس