كتب د. محمد البدوي عن التمباك قال: حديث طريف مع زميلة، كتبت لي عن مآسي العماري الممتاز في المجتمع السوداني، فقلت من الأفضل أن تُطرح القضية على الملأ لتعميم المعرفة عن مساوئ هذه الآفة التي ألمت بأهل السودان وصار يتعاطاها الرجال والنساء صغارا وكبارا. - هل هناك احصائيات ودراسات علمية جديدة عن أضراره الصحية عدا سرطان اللثة المعروف؟ - ما هي إحصائيات الأضرار الاقتصادية التي يسببها هذا الطاعون في إطار العمل المهني – من خمول، الخ مقارنة بآفة القات باليمن؟ - ما هي الأوجه الخفية التي يجب أن ينتبه لها أرباب الأسر؟ الكل على علم بأن العماري أفيون الشعب (إن صحّ التعبير) فساعدونا لجمع بنك معلومات عن العماري وأضراره الاقتصادية بالبلد - الخ. وهذه رد على قصيدتيه في ذم التمباك يمين لو عارف إنت الكيف كت سفيت مليون سفة دون تسويف فسجائرالدخان ده كيفو مخيف وامراضو معروفة بدون تعريف وما سمعنا بالعماري جابلو نزيف ولاشكل خطورة بس تهديف من يدنكل سفة كاربة حريف طويل مليان ماهو نحيف يهدف جوة توش تهديف خت الكورة في الواطة وأرجع من سعوطنا ورا وما تدخل بين السفة والشفة والقشرة وده أكبرحزب في السودان وقول يا لطيف فودعماري لاهو سجار ولاهوالقات يجيب خبرة ده تمباك وارد الفاشريعدل الكيف تسفو يمين محل ما تقيف في القاعات وفي السهلا وفي المسرح وعند القيف ده شغلو نضيف وسعوط كارب جنب الضيف وجبنة مدنكلة وتكييف وحقة ظريفة كريم نيفيا ماتخريف تخت سفة تعدل الكيف بعد شايا تقيل وخفيف وتتمدد معلق في ضراعك سيف منو الزيك عاد في الكيف تجيك الدنيا بي تشريف منقادة هي المحتاجة للتشريف وتشتهر بدون تعريف تخلف كراع في كراع وتسرح هناك في الطيف وريحة اللوبي ودعاش النيل في عز الصيف تقول لي شنو وتقول لي منو كدي أقيف مرة عند القيف ودنكل سفة مظبوطة بلا تطفيف ولايهمك شيخ خفر لاعمدة هناك في الريف وتتحكروسط جدول فوق لبقة تحت نخلة وتسرح تحاحي الطيف منو الزيك يدنكل سفة من حقة ويعدل الكيف ومنو القدرك يهز ضرعاتوفي الضل الوريف أقيف لسع وأقيف وأسمع ده ودعماري أصلي صناعة السودان ما بيشبه قات اليمن ولاتمباك باكستان ما زي وارد الدخان من الصين واليابان يازول هوي أبعد من سماء تمباكنا ابقه حريف شوف ناسك شوف ساستك ارعى بي قيدك اوعك قدام سعوطنا تقيف قبل ما تجيك قذيفة سفة فوق راسك تقول ملتوف تلخبط بدلتك تغير نظرتك في الخوف تشوف الدنيا مقلوبة والحيكومة راكبة الطوف وتشوف السفة زي دانة وتبلع دانة جوه الجوف
