بقيت تبخل عليّ بالشوف ؟!! بقيت تنكر عليّ هواي وبس تملاني حيرة وخوف؟! أخاف من يوم تطول غيبتك وأخاف من نار تحرق الجوف بريدك.. ريده مفضوحه وريدك لي.. ما معروف أفتش عن هواي جواك وأداقش زي ضرير مكفوف تخلي القسوة إنت متين؟ وتصبح بيّ حاني عطوف تكون أقرب من الشريان يقولوا عليك أمين وولوف ونبقى على الزمن واحد حبيب عاشق، حبيب ملهوف لاهزمتنا لحظة يأس، لا قدرت علينا ظروف عشان الدنيا لحظة صدق ونحن كمان عليها ضيوف تعال خليني أفرح بيك، وخلي سحابك يسقي جروف زمن عطشانة راجيه الغيم، تغازل في الليالي طيوف.. وتبقى البينا نشوة ريد، يسوقنا حنين.. وبيها نطوف تلويح : لايهزم الفِراق.. إلا الإشتياق.. وآه من الشوق لو تعرفونه!! أستاقوا ملء قلوبكم..