مع السلامة يا نجمي الهوى والعتبى لي قلبي الانكوى بعد القتو تاني ما بنرجع سوا لو إضاعفت آلامي وانتا الدوا لوضماني قبر وانتا الروح والهوا إنتا في لحظة غرورك بكلمة تايهة جرحتني من الصادق المهدي إلى بكري عديل: لوفي الكلمة انا غلطان ياما انت خطيت وغلطتا يا ما قلتا كلام جرحني ويا ما قلتا ويا ماقلتا كم ادميت بكلمة فؤادي علشان خاطرك استحملتا عشان بهواك بشوفها رقيقة كلمات جارحة بيها نطقتا شوك الكداد ضع علامة صاح أمام رقم الإجابة: - قال الرئيس البشير في خطابه الأخير مخاطبًا الأمريكان: «لا نريد جزرتكم لأنها زاتا عفنة ومسمومة ولا نخشى عصاكم».. اختر أجمل تعليق: «أ» الحمد لله إننا ماضُقنا الجزرة المسمومة، هسع كان السودان كلو في عنبر الباطنية. « » «ب» ما تخافو الله يا أوباما جزرة معفنة ومسمومة كمان، الجماعة ديل ما مآآآآقصرو معاكم إنتو بالزات « » «ج» كلام البشير دا والله يفسدو التعليق، أحسن نخليه ساي « » 2- مذكرة الإتحاديين الأخيرة لرئيس الحزب دعت مولانا الميرغني لاتخاذ قرار تأريخي بسحب وزراء الإتحادي من الحكومة.. أجمل تعليق على ذلك هو: «أ» أحسن تخلوهم، كان «لاويتوهم» بعد الترطيبة دي بشتتو طوالي علي المؤتمر الوطني « » «ب» دخول الحكومة مازي الخروج منها « ». «ج» ما قلتو دخلتو الحكومة دي عشان تعملو الوفاق الوطني، يعني خلاص هسع أنجزتو المهمة.« » «د» والله «الجماعة» ديل كان انسحبتو كان ما انسحبتو كلو عندهم واحد مركبُم دي أصلو متعودين إسوقوها براهم ، والداير يتْردف وراهم بردُفو والماداير بخلوهو. 3- أمين حسن عمر مرة قال أبو القدح دا والله تاني ما يعضي أي زول، هو زاتو سنونو اتكسرت وإسّاقطت في إشارة للمؤتمر الشعبي... التعليق المناسب هو: «أ » هو لما سنونو إتكسرت وبقى مابعضي الجرسة والكبكبة شنو. « » «ب» طيب المشكلة شنو أكِلوهو جلي بس. « » «ج» والله أبو القدح بتاعكم دا باللثة يعضي. « » «د» طيب لما أصلو سنونو راقدة صلتة وما منو خوف، السنوسني دا في كوبر شغال سجّان. « ».