كامل ادريس يلتقي نائب الأمين العام للأمم المتحدة بنيويورك    شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين    محرز يسجل أسرع هدف في كأس أفريقيا    شاهد بالفيديو.. جنود بالدعم السريع قاموا بقتل زوجة قائد ميداني يتبع لهم و"شفشفوا" أثاث منزله الذي قام بسرقته قبل أن يهلك    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي)    السودان يردّ على جامعة الدول العربية    وزير الداخلية التركي يكشف تفاصيل اختفاء طائرة رئيس أركان الجيش الليبي    البرهان يزور تركيا بدعوة من أردوغان    المريخ يحقق الرمونتادا أمام موسانزي ويتقدم في الترتيب    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    تقارير: الميليشيا تحشد مقاتلين في تخوم بلدتين    جنوب إفريقيا ومصر يحققان الفوز    مجلس التسيير يجتمع أمس ويصدر عددا من القرارات    شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة    شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية)    سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا)    شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية)    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    ريال مدريد يزيد الضغط على برشلونة.. ومبابي يعادل رقم رونالدو    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    تونس.. سعيد يصدر عفوا رئاسيا عن 2014 سجينا    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لو (الوالي) فات..كهربتكم دي إلا تجروا ليها (سلك) من نادي (النسور)
قوون نشر في قوون يوم 02 - 12 - 2012

قبل ايام قرأت خبرا يقول : ان جمال الوالي رفض دفع فاتورة كهرباء نادي المريخ . بعد ان تم قطعها بواسطة الهئية القومية للكهرباء ، في مطالبة مالية بلغت 29 مليون جنيه..واعلن جمال الوالي للذين تحدثوا معه (حسب الخبر) عن فاتورة الكهرباء (المقطوعة).. من انه سوف يدفع فقط 15 مليون جنيه. على ان يدفع بقية الاعضاء المبلغ المبتقي 14 مليون جنيه لكن لا احد استجاب ، مما جعل رواد نادي المريخ يتواجدون في الظلام لاربعة ايام.

14 مليون جنيه فقط ..(قطعت) رأسهم.

وقرأت ايضا ان روابط المريخ ..وجماهيره ..سوف تعمل نفرة من اجل (فاتورة الكهرباء).

نفرة عشان يدفعوا (الفاتورة)...عليكم الله شفتوا الجماعة ديل حالتهم بقت صعبة كيف؟.

بيني ..وبينكم ..(الكلام دا ما يطلع من العمود دا)..فاتورة الكهرباء بعد دمجها مع فاتورة الموية ..بقت صعبة عديل كدا.

بقت زي امتحان الفيزياء.

عليكم الله هسع في داعي يدمجوا فاتورة الكهرباء مع فاتورة الموية في (البرد) دا.

بعدين المضوع دا من ناحية (اخلاقية) ساكت ما بصح.

مفروض فاتورة الكهرباء تكون ..براها ..وفاتورة الموية تكون براها.

نحن (اللخبطة) دي ..ما بنريدها.

والخلط دا في الجامعات ما كنا ناسو.

الغريب في الامر ان (قطع) الكهرباء من نادي المريخ ، لم اعلق عليه وقتها ...وكاد ان يفوت علينا موضوع زي دا في ظل احداث الهلال الملتهبة.

كنا مشغولين في روحنا دي.

بقينا في (رقبتنا).

غايتو البرير دا شغلنا من جنس حاجات ...(سينما) بس ..ما بتتكرر.

زي دي والله نلقاها في حالاتنا العادية ..إلا نسيركم بيها يا مريخاب.

كمان نحن بنلعب.

نحن أي حاجة عندنا بي نظام ..كان ترضوا ..كان تغضبوا.

اول حاجة ..وتحليلا للخبر ..يوضح مضمون هذا الخبر ...لماذا استقال جمال الوالي عن رئاسة نادي المريخ؟..او لماذا عزم على الاستقالة ؟..ورفض كل الرجاءات والتوسلات.

عاوزين جمال الوالي يدفع ليكم (الفاتورة)..عشان تجوا تلبعوا الكوتشينة ، والضمنة في النادي ، وتصرحوا الصباح في الجرايد.

فاتورة...ما قادرين تدفعوها.

الفصاحة ليكم على شنو؟.

معقولة ..المريخ النادي الكبير ..بكل جماهيريته ..ورجال مجلس ادارته ..ودعم الدولة له..وروابطه في الخليج واوربا ..ناديه في الظلام اربعة يام متواصلة.

هسع ما عارف الحاصل عليهم شنو؟...دفعوا ..وإلا لى هسع الكهرباء مقطوعة؟.

يعني كأس السودان ..دخل نادي المريخ في (الضلمة) دي.

ضيعتوا لينا (كأس السودان) ساكت ..لو عارفين كهرباء ما عندكم ..يمين ما كنا بنفرط في الكأس.

والله جمال الوالي ليه حق يستقيل ما دام ..ناس المريخ ديل (فاتورة) الكهرباء بدفعّوها ليه.

طيب (همد) على شنو؟..وجمال الكيماوي فوق كم؟.

وين ناس همد ؟..وعصام الحاج؟....والزول الدائما بتلقى صورتو في الصفحة الاولى ..(ما عارف اسمو منو؟).

لكن (صورو) في الجرايد ......اكتر من صور فيصل العجب.

انتوا يا جماعة جمال الوالي دا ما تستنفذوا في الحاجات الصغيرة دي ...جمال الوالي دا خلوها للتسجيلات ...والطابق التاني ...وحوض السباحة.

خلوها للحاجات الكبيرة.

دي أي عضو مفروض يقوم بيها...الموضوع في منتهى البساطة ..ما محتاج لى جمال الوالي.

فواتير الكهرباء ..(والجلاكسات)...واللاب توبات دي ، والله مفروض تخلوها لي ناس (همد).

معقولة ..بس.

جمال الوالي لو قال عاوز يستقيل ساكت ...الكهرباء تقطع من نادي المريخ ..طيب لو استقال عديل كدا ..تعملوا شنو؟.

تاني (فطور) ناس موسي الزومة في تلتلة.

البوفيه المفتوح ..شطب.

العشاء (شيلن).

خلاص خلصنا يا جماعة ..ورونا عرض اكتافكم.

(نيّة) الاستقالة ساكت ..جهجهتكم الجهجهة دي ...وقت يستقيل عديل كدا ..ح تعملوا شنو؟.

الموضوع ح يكون صعب شديد.

وانتوا ما بتتحملوا (التقشف) دا.

اتعودتوا على (الترطيبات).

والديلفري.

وعليك الله حوّل لي رصيد في الرقم دا.

فجأة الحاجات دي ح تنقطع منكم.

الكهرباء ذاتها ح تقطع.

الموية الباردة تاني في مشكلة.

غايتو جنس (حالة).

الحالة (ج).

الشافكم مشيتوا (بنك الثواب)..ما كضب.

شكلكم قرتبو شديد.

ديوان الزكاة حالتكم دي ..ما بقبلها.

المواصفات ما منطبقة عليكم.

المحيرني ..وما قادر (امخمخها) في رأسي ..جمال الوالي لو فات من المريخ ..الحضري دا البقعدو شنو؟.

الحضري في السن دي ..ما بقعد ليكم بدون قروش.

الزول دا خلاص في (النهايات)..بقى زي عمر الشريف ..عاوز يلقط اكبر قدر من القروش ..ويتخارج.

نظرو كعب ..وما عندو قوة تحمل.

وانتوا يا ناس المريخ لو جمال الوالي استقال ..حق (امجاد) تاني ح يكون في مشكلة.

امجاد وين؟.

تاني بصات الوالي دي ..شايفنها..تشمعوا فيها زي الما حصل حاجة.

مشكلتكم مشكلة.

كيف ما يكون في مشكلة ؟..وانتوا فاتورة الكهرباء ..ما قادرين توفروها.

في واحد في الاثناء دي ..(نطة) لي في التلفون ..قال لي ..انت تعال هنا ..ناس المريخ الي الان لم يوقعوا العقد مع المدرب التونسي محمد عثمان الكوكي ليه؟.

قروشهم ناقصة وإلا ..راجين (دلالة) الجمعة القادمة.

قلت ليه ..يوقعوا كيف العقد مع الكوكي في (الضلمة) دي.

الناس ديل (كهربتهم) قاطعة .....وشغلهم واقف ..وما قادرين يقولوا لي الكوكي ..نمشي نوقع العقد في أي حتة تانية غير نادي المريخ.

بعدين العقود دي فيها تصوير مستندات ..وصور ...يعني ما معقولة يعملوها في (ضلمة).

والضلمة ذاته فأل ما كويس.

قالوا ليك ..(والكلام دا ما يطلع من العمود دا)...فيصل العجب بقى يجي النادي الساعة سبعة مساء ..بي بطاريتو.

بطارية العجب (7) حجار...عشان يشوف كويس.

زي الزول الراكب ليه (قطر).

او زي ايام الخريف ....(البطارية) ما بتفارق يدك...الكهرباء يمكن تقطع في أي لحظة.

هسع في (الشتاء) دا ..والكهرباء المستقرة ..فيصل العجب ..بقى يجي نادي المريخ بالبطارية.

اما وارغو ..فهو اتقطع خالص من النادي.

عارفين ليه؟.

وارغو بخاف من (الضلمة).

بمناسبة (الضلمة) دي.

ناس المريخ قالوا اعادوا قيد سعيد السعودي ..وموسي الزومة.

الشغل دا شغل (ضلمة).

شفتوا كيف؟.

بمنطقها ليكم هسع دي ..ما تستغربوا ساكت.

ناس موسي الزومة ديل وسعيد السعودي لو كان في (نور) ما بعّيدوا تسجيلهم.

الزومة (كشافات)..وسعيد السعودي البطلعها وهي ماشي للقون.

تقول فراني ...العيشة يدخلوها ..ويطلعوها من الفرن.

سعيد السعودي امام ليوبار عمل العملية دي ...الكورة داخلة المرمى طلعها ليك.

يا كابتن انت في الجوازات.

اعادة قيد الزومة وسعيد ..ما بتتعمل بالنهار.

ولا بنجاملكم في الموضوع دا.

نحن واضحين معاكم لي اخر نفس.

التسجيل دا ..تسجيل (ضلمة) يا جماعة.

ما تغالطوا ساكت.

موسي الزومة ..موسي الزومة يا جماعة ..انتوا جنيتوا وإلا شنو؟.

موسي الزومة دا ..قالوا ناس المريخ كانوا عاوزين يحولوه لمريخ الفاشر ..مريخ الفاشر اشترط يجبوا مع موسي الزومة (الطابق التاني).

نفسي اعرف ..حافز التسجيل الدفعو منو في المريخ بعد استقالة جمال الوالي ...وانتوا (فاتورة الكهرباء) ساكت مجهجهاكم.

الفاتورة قاطعة رأسكم.

الدفع قروش اعادة القيد منو؟.

سعيد السعودي دا شكلو اعاد تسجيلو بي (شيك).

اما موسي الزومة ..فهى من فرحتنا وسعادتنا ..نحن الهلالاب بهذه الخطوة ..نطالب هاشم ملاح بدفع حافز تسجيل موسي الزومة في المريخ.

ما تقعد تصرح لينا ساكت يا هاشم ملاح.

اعمل ليك حاجة كويسة ...وادفع لي موسي الزومة حافز تسجيلو في المريخ.

قدم للهلالاب الخدمة دي.

عشان موسي الزومة دا لو طلع من المريخ ...ومشي لعب في نادي تاني ..نحن بتجينا صدمة.

موسي الزومة دا في المريخ ..اهم لينا من سادومبا في الهلال.

موسي الزومة ..دربو مرق.

بلة جابر ما اعيد تسجيلو في المريخ امس ليه؟.

عارفين السبب.

بلة جابر رفض عربية (اتوس).

بلة جابر قال عاوز حقو (كاش)...اتوسات وجلاكسات ولاب توبات ما بتنفع معاه.

انتوا فاكرنو (حكم).

بلة جابر مفتح ...لو ما قبض (كاش) ..ما بعيد تسجيلو في المريخ ..خاصة وان جمال الوالي ماشي.

وما في حاجة مضمونة تاني في المريخ.

لا شيك ..ولا كلمة.

اقبض اولا يا اخوى.

الزمن دا ما في حاجة مضمونة..والزول دا ماشي ..ماشي.

المريخ دا تاني ح يرجع لي (حنك) ..انت ود النادي ...ونحن عشمانين فيك خير.

والقروش ..ما مهمة ..القروش بتجي وتفوت.

الكلام الكنتو بتقولوه زمان لي ناس هيثم الرشيد وعبدالمجيد جعفر.

الكلام دا ناس بلة جابر والشغيل ما بقسم معاهم.

البوفيه المفتوح قفل.

وحكاية تزعل يدوك قروش ..تضحك يدوك قروش ..المدرب يتكلم معاك ساكت يدوك قروش ..دي انتهت.

تاني بس شوفوا ليكم (دكانة) في العرضة جنوب ...وخلوا سيد الدكان يشوف ليه (كراسة) جديدة ..ويفتح ليكم حساب باسم نادي المريخ.

ح تلقوا الكراسة في اخر الشهر ..كلها (طحنية) وحجار معسل.

ما في كاش تاني.

الشغل بالجرورة بس.

وحكاية الكهرباء دي ذاتها ...نحن بنحلها ليكم.

شوفوا ليكم (سلك)...وجروا ليكم كهرباء من نادي النسور.

نادي النسور بعيد من نادي المريخ...لكن ما في نادي بقبل يديكم كهرباء في المنطقة دي غير النسور.

نادي ام بدة ..كهربتو على قدرو.

عشان كدا انتوا احسن ليكم من الاول كدا ..تشوفوا نادي (النسور).

بعدين انتوا الكهرباء العادية دي ما بتنفع معاكم.

انتوا اتعودتوا على كهربة الحكومة دي ..وقعدتوا تستهلكوا.

هسع كهربة نادي النسور ..كهربة حكومة ...يعني ما في مشكلة.

كنا بنقول ليكم علاقتكم كويسة مع ناس الهلال الايامات دي ...شوفوا ناس الهلال بيدوكم كهربة.

لكن كمان كهربة الهلال ما بتنفع معاكم.

عشان كهربة الهلال كهربة ما حكومية.

كهربة بي عرق جبينا.

والامين البرير دا شكلو كدا بتاع (ترشيد).

الحاجات دي نحن بننقشها من قولة تيت.

المريخ دا بعد جمال الوالي ح يكون كيف؟.

اقفلوا ضلفة ..واشتغلوا بي ضلفة واحدة.

غايتو انا قدر ما فكرت جاي وجاي ..وقلت حال المريخ بعد استقالة جمال الوالي ح يكون كيف؟...الموضوع ما وقع لي.

اصلو ما استوعبت الحكاية.

الموضوع ما وقع لي اصلو.

المريخ بعد جمال الوالي حالتو بتكون صعبة شديد.

تاني خدمة تحويل الرصيد ..ح دور في العرضة جنوب.

حوافز المباريات تاني ...(كلمة شكر) عصماء من همد.

ح تشبعوا كلام ساكت يا ناس بلة جابر.

عشان كدا كلتشي احسن ليه يمشي الصين.

يا زول المريخ دا بدون جمال الوالي ما بنقعد.

ولا تغشوا نفسكم ساكت.

المريخ دا بدون جمال الوالي (صحفيين) ما بقعدوا فيه..خلى اللاعبين.

الجمهور ذاتو تاني بحوّل العرضة شمال.

حالتكم ح تكون صعبة.

كهرباء ما عندكم.

يعني عادي جدا ...تاني تشوف ..عصام الحاج ..عربيتو قاطعة في شارع (الوادي) واقف في طرف الشارع بي جالونو.

زي الحكاية دي تاني ح نشوفو طوالها في المريخ.

بلة جابر تاني ح يلعب ليكم قدر قروشكم.

يعني من اول 5 دقائق في المباراة ..بلة جابر برفع ايدو في المباراة وبطالب بالتغيير.

الحاجات دي اسألوني منها انا.

نحن عارفين المواضيع دي.

المريخ دا شاربنو شراب.

تاني ضربة جزاء مافي.

حالة طرد مافي.

جلاكسات مافي.

لاب توبات مافي.

تاني بس تلعبوا كورتكم.

حاجات زي دي ما تعشموا فيها.

اول انتوا فاكرين ضربات الجزاء دي من حرفنة لاعبي المريخ.

انتوا لا عندكم سادومبا ..لا عندكم مهند الطاهر ..عشان يعلموا معاكم ضربات جزاء.

عشان كدا...ضربات الجزاء دي احسن من هسع تقنعوا منها.

ادربوا على الضربات الثابتة.

دي اكتر حاجة يمكن ان تعشموا فيها.

لا ..لا... بعد جمال الوالي حالتكم ح تبقى صعبة.

لا في نادي صديق ..ولا في تحويل رصيد ..ولا في الدخل مقابل النقاط.

ما في حاجة زي دي.

ناس عصام الحضري ديل ..تاني ح يشتغلوا (مسكولات) ساكت.

ما في لاعب في المريخ بكون عندو رصيد.

الحاجات دي خلاص انتهت.

حليل ايام الرز باللبن.

والباسطة بعد التمرين.

حليل ايام ...غسل العربية يا ولد ..ووقفها لي في النادي.

يا فيصل العجب ..ألحق اعتزل الان قبل ما جمال الوالي يفوت.

على الاقل في بدايات استقالة جمال الوالي يمكن يجبوا ليك في ماتش الاعتزال فريق (انبي).

لو جمال الوالي فات ..لا ح تلقى تكريم ...ولا حافز اعتزال ..ولا حتى شكرا.

احسن ليك ..اتخارج الان.

خليك حريف.

المريخ دا ماشي على وضع صعب.

وانت بعد السن دي ..ما بتستحمل (البهدلة) الماشي على المريخ دا.

اعتزل مع جمال الوالي ...عشان الناس تقول والله فرق كبير بين المريخ وهو بقيادة العجب ..والمريخ وهو بقيادة السعودي.

تسجيلات الضلمة دي ما فيها خير.

ملحوظة : الموضوع دا لسع فيه اجزاء تانية...بس خلوا (الاستقالة) تكتمل.

هوامش

الهلال ح يدخل التسجيلات حسب كلام الامين البرير بعد 5 ايام من انطلقة التسجيلات.

يعني قبل 15 يوم من انتهاء التسجيلات.

واظن ان الفترة سوف تكون ضيقة على الهلال.

خاصة فيما يخص تسجيلات الاجانب.

لو يوسف محمد ح يتسمر مع الهلال موسم تاني ..يبقى نحن الله يشوفنا.

يوسف محمد قاعد في الهلال غصبا عن الجميع.

ويوسف محمد هو (مصاب) قاعد يلعب.

والله حيرتنا يا يوسف.

الغموض مازال يكتنف مصير تسجيلات الهلال.

واعتقد ان السرية افضل في التسجيلات.

لكن نخشى ان تكون التسجيلات في النهاية دون طموحات الجماهير.

اذا احسن الامين البرير التسجيلات سوف يكتسب دفعة قوية من الجماهير.

يحتاج الامين البرير الي جماهير الهلال من خلال النجاح في التسجيلات.

صالح الامين هو المدافع الافضل في السودان ..اذ شطب او اعير صالح الامين ..يبقى كل تسجيلات الهلال صفر على الشمال.

عبده جابر ..هو مهاجم المستقبل ..من الافضل شطب الطاهر حماد ..من شطب عبده جابر اللاعب الصغير في السن.

اذا كان غارزيتو (مشخصن) الاشياء في تقريره الفني ..من الافضل الابتعاد من ذلك التقرير.

بعدين غارزيتو دا نظرو ما كويس ...يمكن يقول ليكم اشطبوا مساوي ...وهو يكون قاصد معتز رابح.

الزول دا قاعد يلخبط ..بشهادة لاعبي الهلال.

عاجل : ناس المريخ تسجيلاتهم تسجيلات (ضلمة) ساكت...عشان كدا نوموا قفا.

انقر هنا لقراءة الخبر من مصدره.