وظهور اسم مازيمبي طوالي لمع اسم كامبوس وظهر المعز في المباريات وخليفة دخل التشكيلة مازيمبي وكامبوس والمعز وخليفة والهلال ؟؟؟ الخمسة دي كيف تاني !!! اخوتي الاهلة كملت المعدودة ونحتفظ لكم بالسرير التاني المفرش في الحوش بااااااااااااارد ما تنسوا البطانية فبرغم سخانة الجو وسخانة الجيب لكن بتجيب ليها برد قريب الصباح النابي عرفها وعرف انو الحظ فتر الحظ ما بقدر يواصل في المجموعات قومتوا نفس الحظ ذاتو يا محمد عبدالماجد النابي بي زوغتو دي ذكرني من سيربح المليون الزول يصل لي رقم ما بطال يقولوا ليهو تواصل ولا تقيف هنا يضربها بي قانون عصفور في اليد وينزل هنا والنابي دي العملها لانو المرحلة كملت فيها وسائل المساعدة الاستعانة بصديق «حكم » وحذف اجابتين او طرد لاعبين والاعتماد على الجمهور بقت مرحلة تانية تتوقف على الفهم فاهم تجاوب ما فاهم تتخارج تتخارج للسرير التاني في الحوش برد شدييييييييييييييييييييييييد ايها الناس سيدا شرف البلد البلد نورت من امس بالتأكيد ستتأدب الكرة وتعود لرشدها ويعاد ترتيب الروليت فتعود عربة الفرملة لي فرملتها وفرمالتها ايها الناس نعم انتصرنا بالنقعة ولكن لسه بدري على المريخ الذي نعرفه المريخ الذي كان يلعب في الابيض ونيالا وكوستي في نفس التوقيت وينتصر في المباريات الثلاث بعد اداء مدهش نعم كانت هناك مبادئ روح عند اللاعبين ولكن نخاف ان تكون مجرد عرض لانهم عودونا التراجع بعد التقدم لذا ننادي بإعلان انتهاء الفرصة لاي زول وجد الفرصة وضيعها والما جا منو ما بجي منو وصدقوني كلو منو والمنو لابد منو اتوكلوا على الله اها نجي لي شمارات والي الخرتوم كان شفت يا والينا عندنا زول قريبا لينا ساكن في بيت المرحوم ابوهو يا والينا مربي ليهو كلب قدر العجل يخوف فينا كان جمب البيت ساكت جينا يسكنا ويضحك الناس علينا فيها يعضينا وفيها يخربشنا ساي ما يعضينا وفيها يهبلنا يا والينا كان بالشارع الوراني مشينا يشم ريحتنا وينبح فينا نرجف ساااااكت كملت الفينا كلب لا بفرز مرة عجوز ولا بعفي جداً لينا الزول البمشي بي شارعنا تاني ما بجينا تلقى الحلة جارية يا والينا كبارها وصغارها تقول لاعبين حرينا قولة هوووووووو يا والينا تفرتق شملنا كان اتلمينا البتغدي يحشر اللقمة بي شطتها في خشم شافعاً برضع يا والينا والبحلق ياها الصلعة تجهر عينينا والناس الداقة السيستم تدق الفللي ويقع السيستم في ركابينا الشافع البحبي يقوم جاري والزول الجاري يبرك يحبي يا والينا ولو الحلة جاها حرامي الكلب براهو بحللو لينا هووووو لخبطت الدنيا علينا قام زول من كبار الحلة من اخيار اهالينا قابل سيد الكلب البخلع فينا قال ليهو ابوك عليهو رحمة الله كان سيد كرماً فينا ما بقفل بابو بدور الضيوف ويمرق يكوسنا وينده لينا كان اتغدينا ما بفكنا يحلف طلاق علينا ويحلف نبيت كان اتعشينا تجي انت يا ولدي تربي كلباً طول اليوم يساسك فينا سيد الكلب ضحك يا والينا وقال ليهو ابوي لو حضر الزمن ده والله وتا الله وبالله كان ربى ليهو أسد يا أخينا سلك كهربا ننساك كيف والظروف تجبرك لما الضيف يقالدك تدفروا لي بره والى لقاء سلك
