سودارس : السيستم قفل يا ريس

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

السيستم قفل يا ريس

قوون نشر في قوون يوم 22 - 07 - 2013

• عندنا زول في الحلة ...كان عندو (مركب)...الكلام دا قبل ثقافة (البنطونات) التى سادت ثم بادت ثم جاءت بعدها (الكباري).
• الزول العندو (مركب) دا ..كان اهم زول في الحلة.
• كنا بنعاين لي (مركبو)..زي ما بتعاين الناس الان في (ميسي).
• اعجاب شديد بالمركب ..فقد كنا نعطيها تقدير كبير.
• صاحب المركب طبعا لاقى (التقديرات) دي ...كان كلو يوم بكون معزوم فطور في حتة.
• ما في زول كان بقدر يقول ليه حاجة.
• اي زول يجي من الخرطوم – اول حاجة كان بعملها – هو ان يضرب لصاحب المركب دي ..عشان ينتظرو في المشرع.
• اول حاجة تضمن (المركب) بعد كدا تقطع تذاكرك.
• الحكمة كانت بتقول عندنا في ذلك الوقت ...اضمن (المركب) اول.
• لو ما ضمنت المركب ...ما تجازف ساكت.
• مرة (قبل ثقافة السيستم قفل) الشغالين بيها الناس الايامات دي..سافرت البلد.
• غلطتي كانت متمثلة في اني سافرت قبل ما ااكد حجز (المركب).
• مشيت اتشريت ليك في البحر ...(5) ساعات.
• اخر حاجة كدا ... شفت ليك صاحب المركب في الضفة الغربية...قعدت أأشر ليه.
• يا زول ارمي المركب...يا زول ..تعال.
• عارفين صاحب المركب في ذلك الزمن البعيد قال لي شنو؟.
• قال لي (السيستم) قفل.
• قلت الزول (الفقري) دا ...حكاية (السيستم قفل) دي جابها من وين؟.
• والله بتاع المركب طلع (مثقف) عديل كدا.
• طلع بتاع (فيفا) وانا ما عارف.
• الزول دا قدر ما حنستو ...واترجيت فيه...عشان يرمي المركب رفض يجيني في الضفة الشرقية.
• كان مصر اصرار شديد على حكاية (السيستم قفل).
• قلت ليه : سيستم شنو البقفل من اربعة – والله (شداد) يسمعك ..إلا يقطع ليك (اضنيك) ديل.
• امشى بلا (سيستم قفل) معاك – انت السيستم بتعرف ليه شنو؟...عشان تقفلو لنا في الوقت دا.
• سيستم هو وإلا زريبة.
• مركب هي وإلا صاروخ ..البتعمل ليها (سيستم) دي.
• اي واحد ..عمل ليه طبلية ...وإلا سوى ليه موبايل ...قال (السيستم قفل).
• يقفلوك ان شاءالله في (بستلة).
• طبعا زمان ..زمان كانن الحبوبات ديل ..تقول ليهن اي جملة ..يتمنها ليك شتيمة.
• تقول لي حبوبتك ...يا حاجة الشمس شرقت ..تقول ليك تشرق مصارنك في بلد نضمها عجمي.
• يا حاجة مالك علينا.
• يا حاجة ...الكهربة قطعت.
• طوالي تقول ليك ..يقطعوك في قزازة.
• الليلة (الملوخية) دي مسيخة.
• تمسخ عيشتك.
• بس الحبوبات زمان كانن شغالت كدا – اصلا ما بدنك فرصة.
• عشان كدا الجيل الجديد دا هسع جاب (الفيس بوك).
• دوروا ليك (فسبكة)...لمن عيونهم حمرت.
• هسع علاقة دي بي دي شنو؟.
• عندنا قريبنا اليوم كلو (مفسبك).
• من كترت (الفسبكة)....لمن بقى (صيني).
• بقى زي (السكسكانية).
• الزول دا تلاقى في (الطابونة)...تلقى عيونو (مشخطة) زي حمار الوادي.
• او زي كراس الرسم البياني.
• ما بتفهم منو اي حاجة.
• حاجة تانية في حكاية (السيستم دا).
• الليلة (السيستم) الشابكنا بيه من الصباح دا شنو؟.
• عندنا زول في الحلة عندو (دكان)...وبركب ليه (قدرة فول)..زي الترتيب.
• ما فيها اي (ترثيب).
• فول – فول ..يغني عليه (سرور).
• ما فيه اي كلمة.
• عشان كدا الزول دا كان زي بتاع المركب ..فاكيها في نفسو.
• في الفطر ...لو جيتو تمانية صباحا ما بتلقى (موية فول).
• يقول ليك اخر (موية فول) شالها عمك عباس قبل شوية.
• في رمضان ...الزول دا فولو بكمل من اربعة.
• اربعة وخمسة ..لو جيتو بقول ليك (السيستم) قفل.
• طبعا بعد ما يقول ليك (السيستم) قفل ما بتقدر تقول ليه اي حاجة.
• اصلو النظام دا (الفوالة) ذاتهم دخلوه ..وبقوا يشتغلوا بيه عادي.
• غايتو يا البرير (سستمته) الجو كلو.
• اي واحد بقى بدون حرج يقول ليك (السيستم) قفل.
• وما بتقدر تقول اي حاجة.
• خاصة ان اي سيستم بقفل ..بتلقى قدامو واحد زي (محمد سيد احمد) شايل تصريحاتو وحايم.
• ما بديك فرصة.
• في ناس صعبين كدا زي (محمد سيد احمد)...يقفلوا السيستم ويقعدوا.
• ما بتفاهموا وقت (السيستم) قفل.
• احكي ليك حاجة – عندها علاقة بالموضوع دا.
• موضوع (السيستم) دا ..بشرح ليكم مناسبتو بعدين.
• اصبروا بس.
• الليلة ح (اسستم) ليكم الدنيا كلها.
• عندنا واحد ...(عامل فيها شاب)...رغم من انو اتجاوز محطة الشباب دي بي (قرن) إلا شوية.
• لكن زولكم لسع عامل فيها شاب ...بدخل (فيس بوك)..وبتابع اخبار نانسي عجرم ..زي الما حصل حاجة.
• الزول دا فجأة كدا – شعر ان سنوات العمر مشت.
• قام عمل شنو؟.
• قال عاوز يعرس.
• قبل جاي ..وقبل جاي ...ما لقى غير بنت عمو.
• اصلو بنات العم بجوهن في عوزة زي دي.
• الواحد فيكم ما يخلي ليه جامعة ما يجكس فيها.
• ما يخلي ليه حديقة (حبيبي مفلس)...ما يمشى عليها.
• وقت يجي للعرس ..يطلع دفترو القديم ..ويقعد يفتش في بنات عمو.
• يلقى ليه بنت عم مطرفة كدا ...يقول عاوز يعرسها.
• المهم ..(هسع دا ما موضوعنا).
• زولكم دا ..قال عاوز يعرس ..ومشى يطلب يد بنت اعمو.
• من منو؟.
• من عمو؟.
• يعني تفتكروا ح يطلب بنت اعمو من (الكونغرس) الامريكي.
• وإلا من (اللجنة الشعبية).
• انتوا مالكم لمن تكونوا صايمين بتكونوا ما مركزين ..وبتلخبطوا في (الفهم) كدا.
• زول مشى يطلب يد بنت اعمو.
• الطبيعي يطلبها من عمو.
• خلاص يا ابوالشباب ..عليك الله اطلع لينا من الحتة دي ..ما تدور لينا فيها كتير.
• اليوم حار ...وعندنا الف حاجة.
• زولكم مشى لي عمو ..اتقعد ليك في الكرسي ..زي ما الناس بتتقعد وقت يكونوا عاوزين يخطبو.
• خجل الدينا كلو قاعد في الكرسي.
• عمو قال ليه : ان شاءالله خير.
• قال ليه : خير علي حسن.
• خير علي حسن دا منو؟.
• في شنو يا ود اخوي.
• في الحقيقة انا.
• حقيقة شنو؟.
• انت في (الاتجاه المعاكس)...ما تتكلم يا ود الناس ..انا عندي موبايل في الشاحن ..وما فاضي ليك.
• ابدا – بس انا في الحتة دي زي عاوز اقول ...
• عاوز تقول شنو يا ود اخوى ...انت في (ركن نقاش)...اتكلم ..عامل كدا زي (تلاتة في اربعة).
• يا عمي ..زي في احساس ايدولجي كدا.
• ايدولجي شنو يا ود اخوى ...انت عاوز تجيب لينا (الجبهة الثورية)...اتكلم الحاصل شنو؟.
• زي ما تقول كدا.
• اقول شنو؟...يا ولدي.
• من هذا القول المنبثق في الانعكاس الداخلي.
• يعكسوها ليك في (الكشافات) ان شاءالله ...في زول مات.
• ابدا يا عمي.
• في زول دخل ليه في قندران قام (7) حتت زي (عقد الجلاد).
• ابدا.
• طيب طلعوكم من البيت.
• ابدا.
• طلع ليك مرض كعب.
• ابدا.
• الحكومة قلعت منكم الحواشة.
• ابدا.
• ابوك طلع متزوج في امك.
• ابدا.
• طيب في شنو يا ود اخوى ..طيارة وقعت ؟.
• ابدا.
• الحاصل شنو؟...انا ما عندي اعصاب للحاجات دي.
• يا عمي انا والله عاوز اقول ليك.
• عاوز تقول شنو؟...(قفلوا البلف).
• لا.
• طيب مالك يا ود اخوى.
• يا عمي انا حقيقة كدا وبدون مقدمات ...طالب يد بنتك (هدي).
• طيب وقت طالب يد بنتي (هدي)...الجرجرة ليك شنو؟..ما تدخل في الموضوع طوالي.
• اها رأيك شنو يا عمي؟.
• والله يا ود اخوي ..انت مافيك كلمة ..بس للاسف الشديد.
• للاسف الشديد ...ليه؟.
• والله يا ود اخوي ..في الحقيقة انا.
• حقيقة شنو يا عمي؟.
• زي في الحتة دي ..انا بنبثق.
• تبنثق شنو يا عمي وانت في العمر دا ...انت عاوز تعمل لي كلام المثقفين دا.
• والله زي الفكرة اللوجستية لمنطق الاشياء هنا.
• لوجستية حقت شنو يا عمي ...انا طالب يد بنتك ...ما طالب اعمل لي حزب...ولا عاوز اعمل لي (حركة مسلحة).
• الفكرة ما كدا ..لكن من هذا المنطلق الداخلي.
• منطلق شنو؟...في زول مات.
• ابدا.
• عمتي جاتها حاجة.
• ابدا.
• طيارة وقعت.
• ابدا.
• حوشتك اتحرقت.
• ابدا.
• دخل فيكم قندران.
• ابدا.
• طيب في شنو يا عمي.
• والله حقيقة كدا ..وبدون مقدمات وفي خصوص طلبك ليد بنتي ..اقول ليك بكل صراحة (السيستم قفل).
• هو السيستم وصل هنا كمان.
• زولكم لقط (خجلو) واتخارج زي (حمام الوادي يا راحل).
• نهايتو كدا.
• يا جماعة ..انا عاوز اقول لي الامين البرير (السيستم قفل).
• يعني البتسوى في (سيدي بيه) يبتلقى في (الاستئنافات).
• شكلها كدا المرة دي قفلة نهائية.
• عشان كدا ...ما في امل.
• الدكتور كمال شداد ..ذاتو للاسف الشديد نقول ليه : (السيستم قفل).
• الحكاية ما مبشرة.
• ملحوظة : والله انا من جابو (السيستم) دا نفسو مرقت.
هوامش
• الامين البرير مسكين ..فترتو كلها كانت من المفوضية للاستئنافات للوزير.
• الزول دا ما خلوه يشتغل.
• اتعرض لمعارضة (خفية).
• واتعرض لهجوم اعلامي كبير.
• والدولة ما دعمتو إلا ب (اتوبونج).
• دعمهم زيهم طلع.
• وكلو يوم استقالات ..وطعون ..ومشاكل.
• وكلها محسوبة على الهلال.
• عدم استقرار رهيب.
• السيستم ذاتو في حد ذاتو قفل.
• سيدي بيه دا (السيستم) قفل ليه مرتين.
• في يناير الماضي ..قفل السيستم.
• جابوه في يونيو ..برضو قفل.
• لذلك ..نحن نتعاطف مع الامين البرير ..ونحسب انه اتعرض للكثير من المشاكل والعقاب.
• واتجاوز الكثير منها...بما في ذلك قضية الحمودي.
• قوانين ولوائح الرياضة في السودان ..قوانين هشة ..لا تدعم الاستقرار.
• الهلال جعلوه (منطقة صراعات وخلافات).
• من المستفيد من هذه الاشياء.
• الغريبة في ظل هذه الاوضاع العاصفة التى تحدث في الهلال ...نجد ان هناك استقرار تام في المريخ..ودعم مستمر.
• ديل جابوا ليهم (17) لورد.
• لوري (لورادات).
• ونحن شغالين معانا ب (السيسي).
• الله يكون في العون.
• كمال شداد ..اخر الرجال المحترمين ..هو ايضا يصفونه الان.
• دا كلام يا جماعة.
• عاجل : لو ما اتغير (السيستم)...البلف ما بفتح.

انقر هنا لقراءة الخبر من مصدره.