ما لقينا جديد لأنو مافي جديد ياهو نفس الحال تبدو الجدية على باسكال وضفر وعلاء اوليفيه جدية ممزوجة بالاستعجال بله يا هو بله اما الجانب الشمال غاندي وفيصل موسى ما ممكن يكون ده شمال نعتمد عليه أفريقياً مسكنة في الاداء وتوهان ولكن تراوري فحدث ولا حرج جماهير المريخ تطلق الصافرات كلما اضاع على المريخ هجمة صافرات الاستهجان على استهتار السيد تراوري ولو تعامل تراوري بجدية مع كل الكرات التي اضاعها بالاستهتار لاحرز المريخ على الاقل ثلثها اهدافاً وده لا اتخيل ان يكون رأس حربة نعتمد عليه ليتفانى ويضحي من اجل الشعار ومهما كانت امكانياته فسلبيات ادائه اخرجته من قلوب الجماهير ودي طبيعتو ولو كانت تعجبنا مقدراته يبقى نكلم ناسنا يلعبوا على اساس انهم عشرة ايها الناس نريد الجديد في المريخ ويعلم المجلس ان الجديد يكون في التخلص من الراكد والما جادي والمالي الحيشان علينا ولنأتي بجديد مبشر وغيور وجادي وبي كده نكون قد بنينا فريقاً قوياً يعيدنا الى سابق عهدنا نحنا فريق ما هين فريق لديه بطولة قارية يبقى العودة ساهلة جداً لمنصات التتويج بالنسبة لينا صعبة جدا بالنسبة للناس الما عندهم بطولة قارية لانو ببساطة لو قلت لي زول بديك بونية بقول ليك اديت منو بونية قبل كده ؟؟؟ ونحنا قبل كده ادينا مانديلا بونية المهم لابد من الجديد والجديد لا يكون الا بالتجديد والجديد الثورة ثورة تقتلع كل اسباب الكسل والوهن والاستهتار ايها الناس الزول الجبناهو من بره ده الذي اشركناهو في المباراة في الشوط التاني مهما كانت امكاناته وبصرف النظر عنها هل هو في عمر يستطيع ان يقدم لنا خدمات جيدة تدعمنا أفريقياً ؟؟؟ ام نقوم بالاستغناء عنه آخر العام ليأتي غيره ؟؟؟ ولماذا لا نجلب لاعب موهوب وصغير حتى نستفيد منه ميدانياً وتسويقياً ؟؟؟ الجديد الثورة يا والي أيها الناس لدينا في المحور باسكال وعلاء وباسيرو ولا اعتقد ان هناك فريقاً يملك محاور اقوى من ديل ولدينا اوليفيه كمقاتل وشرس وضفر في الدفاع كفدائي والباشا «أحياناً» راجي اذا سمع الكلام ابنوا على كده بلاش لف ودوران المهم شعار الانتخابات في مصر بالسيسي تعود مصر لمجدها بالسيسي نمضي خطوة للامام بالسيسي واليوم قالوا حايجربوا السيسي وانا اخاف ان يستبدل المصريون السيسي بالدرب تبقى انبهلت انبهلت شديد المهم امس ودع المريخ واحداً من خيرة رجاله شجاعاً وجريئاً ومحباً للمريخ حتى الثمالة تعلمنا منه قوة الارادة وقوة الحب في المريخ انه القطب الكبير ماجد عكود له ألف رحمة تنزل عليه ولنا الصبر وحسن العزاء اها نجي لي شمارات والي الخرتوم كان شفت يا والينا ما بنشتغل بي ناس ما شغالين بينا كده بس سلك كهربا ننساك كيف ولما نسونا نسينا ليك أساميهم ذاتها والى لقاء سلك
