تمت إعارة أكرم الهادي وحتى ولو تم شطب أكرم الهادي الموقف واحد نحتاج لحارس مرمى حارس يشتغل طوالي يكون حارس بطولات أو على الأقل يكون حارس مطمئن وبنحتاج لحارس تاني يشتغل عند الضرورة ويتطور وبنحتاج لحارس يذكرنا بريمة نربيهو من اسي الرأي عندي عشان نستفيد من الخانات و نحقق الفائدة حالياً مع الاستفادة المستقبلية نجيب حارس واحد ونستفيد من إشراك حارس الرديف مصطفى وهو في خانته بالرديف والحارس الواحد اكيد كلو زول لديه ترشيحات شخصياً أرى أن مرتضى أمل عطبرة يحقق لنا الفائدة حالياً فله خبراته الطويلة ولسه عمرو في العشرينات او قل اواخرها وفنياً جيد وسلوكياً يمكنكم البحث عن سيرته في امبدة حيث يسكن او في الوسط الرياضي او نجيب حارس مرمى مريخ كوستي اعملوا ليهو اختبارات نزيهة وقرروا ويمكن ان يسأل البعض لماذا افصح انا عن اسماء من ارشحهم لحراسة المرمى دون ان اخاف تدخل الآخرين لضمهما الاجابة عندي ان الهلال لا يحتاج حالياً لحارس مرمى او قل ان الهلال لا يشعر بحاجته الحالية لحارس مرمى لذا الكلام في هذه الخانة ببقى بالواضح صدقوني مرتضى «أو» حارس مريخ كوستي بالاضافة لمصطفى الرديف بنطمئن على مستوى الحراس بعد كده اذا لقينا فلتة من فلتات الزمان مرحب واذا ما لقينا الفينا بكفينا الى ان يكتسب مصطفى الرديف الخبرات ووقتها يكون لدينا حارس فلتة من فلتات الزمان المهم في المريخ الامر يحير ناس دايرة تغرس جمال في كلو شي وناس دايرة تنتزع جمال اي شي والكيمان ما حبابها والتطرف من الشيطان فنحن أمة وسط يجب ان نكون كذلك ويجب ان نسجل لاعب وسط صانع لعب حتى ولو رفض اوتو مع الاستفادة من امكانات نمر وابراهومة كصناع لعب من الرديف أيها الناس صدقوني مهما كانت فنيات اللاعب فعمره يحدد مدى الحاجة له ومن يريد ان يبني بربي الصغار بتوازن مع الكبار وقلناها قبل كده تحت اي شجرة كبيرة ازرع شتلة جميلة يوم تسوس الشجرة الكبيرة تكون الشتلة بقت جميلة حلالالالالالالالالالالالالاتها ولما تقطع الكبيرة بكون في مكانها شجرة كبيرة في الحجم صغيرة في السن وارفة وظليلة فكروا في الاشبال فكروا في لاعبين من خارج النادي بشرط صغر السن وقوة البدن والشخصية نريد مريخنا الذي عرفناهو لا لمن يعتبر المريخ صراف آلي لا لمن يتخذ من المريخ اسباب معاش دون مقابل لا لمن يعتبر نفسه وارثاً للمريخ وما زال المريخ يتنفس فالمريخ لا يموت يمكن ان يمرض يمرضه البعض ولكنه لا يموت المهم عمك سيرجيو الجابوهوا الجماعة قالوا دفعة شجرابي وكان ما اخاف الكضب الزول ده جا مع سانتوس ايام سانتوس البرازيلي كان لافي العالم يلقط التبرعات لمنكوبي الكوارث الزول ده قالوا لما كان في تالتة ابتدائي كامبوس كان في خامسة الاتنين قروا في مدرسة نعمان بن ساوبالو الاساسية بنين بالبرازيل وعشان كده عشان كواريزما ونوع سيرجيو ده الهلال لا يمكن ان يحقق بطولة جوية اسألوا مجرب اسألونا نحنا لما جبناها تيمنا كان فيهو اولاد الاشبال عيسى وعبدالسلام ويس والكانوا ما من الاشبال جبناهم صغااااااار كمال عبدالغني وسامي عزالدين وسانتو ودحدوح دحدوح ده جبناهو سطاشر سنة عمرو وابو عنجة وباكمبا ولما جبنا مانديلا حتى باكمبا شنبو قام فكوا روحكم من تاريخ اللاعبين امثال كواريزما وسيرجيو اعتمدوا على الاشبال ودي تبقى الخطوة الاولى لنيل جوية في خطوات غيرها كتار اعملوا دي يا روشا وسمعوا لينا لو لقيناكم حافظين بنوريكم الدرس التاني اها نجي لي شمارات والي الخرتوم كان شفت يا والينا بالطريقة دي في رمضان إلا نفطر بالذكرى نخت صينية فاضية ونرجا الأذان يأذن نتذكر زمان وأيام زمان نتذكر ونتحسر واحد يقيم الصلاة ونقوم نصلي والشفع يرفعوا الصينية سلك كهربا ننساك كيف وحتى الطماطم أسقطناها من الحسابات، تسقط تسقط الطماطم والى لقاء سلك
