عبارة نرددها جيلاً بعد جيل طيب وبعد أسسنا الاتحاد الأفريقي عملنا شنو ؟؟؟ قعدنا نفخر بتأسيسنا للاتحاد الافريقي الناس تعمل وتتقدم ونحن نحكي ونحكي ولا نبارح مكاننا الناس تقدمت وتقدمت تجازونا الجميع صاروا حضوراً أنيقاً في نهائيات افريقيا ونحنا نحكي أسسنا الاتحاد الأفريقي وحتى ظهورنا مؤخراً كان لان القرعة بسمت لينا ورمتنا في مجموعات هينة ولينة ولان المريخ والهلال استقطبوا الاجهزة الفنية الاجنبية المؤهلة واهلوا لاعبيهم بدنياً وفنياً فاستفاد المنتخب ولكن لم يبارح الوطن مكانه على منصة الحكواتي نحكي نحكي بس ودول كانت تقتات لحاء الاشجار عندما اسسنا نحن الاتحاد الافريقي وصلت كأس العالم هي تعمل ونحن نحكي أيها الناس لو كأس العالم اتعمل اسبوعي وختونا في مجموعة فيها خمسة فرق نحنا واحد منها وقالت الفيفا يصعد من كلو مجموعة خمسة منتخبات برضو ما بنصل كأس العالم لاننا نعتمد على الماضي ونحكي ولا نعمل باستراتيجية لا نصنع الاحداث فقط ننتظر الصدفة ان تصنع لنا حدثاً والصدفة لا تقودنا اطلاقاً الى كأس العالم ولذا حتى نصل كأس العالم اول حاجة نبطل حكي تاني حاجة نحترم الاشياء وقبلها نحترم انفسنا ونضع استراتيجية واضحة علمية وعملية ومدروسة ومتخصصة الوزارة الوحيدة التي لا ينفع فيها التعيين السياسي هي وزارة الرياضة يا رياضي يا مافي داعي وبعد داك نبدأ نبدأ من تحت علوق الشدة ما بنفع نزرع جديد نختار اجود الاشجار لنغرسها على ارض طيبة ونرعاها ونصبر عليها سنوات ستنتج ثمارا نحصدها سنين عددا افضل من ان نضيع زمنا وزمن الارض الطيبة في زراعة اب سبعين نحصده في سبعين يوما ولكن لو قطعناهوا سبعمية مرة لن يساوي محصول ثمار موسم واحد من انتاج تلك الاشجار الطيبة التي اخترناها ورعيناها وصبرنا عليها عليه دعونا نتفرج على كأس العالم حتى نفوق من ماضي الذكريات أسسنا الاتحاد الأفريقي المهم حكم هيثم مصطفى على نفسه بالإعدام فلا المريخ يحتاج للميتين ألف دولار ولا الهلال عندو الميتين ألف دولار ولا هيثم بقدر يلعب بعد ستة شهور قضيها كده يا سيدا سجن وجوبي ما إلى حين السداد وبعدها اندب حظك وسوء تقديرك للامور واعرف ان الذين اشاروا عليك بما فعلت لن يلاعبوك الطاولة بعد ستة اشهر لانهم لديهم مشاغل غيرك ومصالح تاني كورة يا سيدا الا تقعد تحكي تحكي بس اها نجي لي شمارات والي الخرتوم كان شفت يا والينا ما شايفين اي جديد لينا ومافي اي تقدم حاصل علينا يا كافي البلا لا خريف بجينا لا سخانة بتفوت تخلينا ولا بفكر فينا والينا والله اخلاقنا جات هنا يا والينا شايف اصبعي ده وين !!!! اخلاقنا جات هنا يا والينا يبقى يا صالة مغادرة تجمعنا يا تجاني الماحي يلمنا يا والينا سلك كهربا ننساك كيف وفي عيونا يا البكري يا أحمد شرفي يا فاروق يا التيجاني الماحي يا بعشر والخوف من الصحافة عدييييييييل والى لقاء سلك
