جمال الوالي لن ينقصه الاستخفاف شيئا فالعارف عزو مستريح فعلا لان عز جمال الديني ارث وعز جمال الديني سلوك وعز جمال الديني عمره اجيال ممتده من جدوده فالذين يسخرون من الرجل لا اظن ان غالبيتهم تعرف عدد اجزاء القرآن وغالبيتهم لا يفرقون بين طلع البدر علينا وطالع الشجره ويظنون ان سورة الفيل اكثر آيات من سورة البقره فالامر عندهم بالحجم ايها الناس يقول البعض ان جمال يعيد حديثه كثيرا فالذي يقوله اليوم قاله قبل سنه وقبل سنتين وقبل عشره جمال ده بجي يهضرب براهو ولا بسألوهوا ؟؟؟ الاسئله هي نفسها الاسئله والاتهامات هي نفسها الاتهامات وتغيب الادله فلو دايرين جمال يغير موضوعو غيرو موضوع الناس العاملين فيها موضوعيين المهم فشل الهلال في كل النواحي جعل من جمال هدفا لاعلام الهلال ليخفوا من خلفه الخيبه خانات فاضيه للفلس تسجيل لاعب يتور النفس الغاني سخانه يا غانا من اولها ؟؟؟ وطوالي نازل الاعداد لافي زول سألوا ولا في زول مسكل ليهو سااااي ؟ نادي كيف مع الغاني ده ؟؟؟ وخلي اخلاقك رياضيه المهم هيثم متدين ما متدين قروش متدين يعنو دينو كتير بصوم اتنين وخميس وبعمل اوراد وبصلي علي الرسول وبزور المسيد يبقي بعرف الحلال والحرام يبقي بعرف انو من اخذ الاجر حاسبه الله بالعمل يبقي قروشا اللهفها في السته شهور الفاتت قبل يصوم يرجعها فالدين سلوك ليس مظهرا والحلال بين والحرام بين وبينهما امور متشابهات فان تشابه عليك بقر الحلال والحرام يا هيثم اكل وقش خشمك فالله يقسم في الحديث القدسي بعزته وجلاله ان لايظلم عبدا لعبد والمريخ رجل صالح يا هيثم من ناحية تلعب تاني ده موضوع شيلو من راسك المهم الطياره قالوا قربت تقع بي كامبوس ناس كتااااار قالوا اريتها كان وقعت وناس قالوا بركه الماوقعت فالكنغو ستكون مسرحا لكامبوس نشاهده فيه علي الخط وهو يلبس قميصو المخطط والبدله القصيره ويصيح بعد الهدف الخامس هليفه هليفه وهليفه الوكت داك عاد بسمع !! ابو الهل متضايق مشكلات بين اعلامه وبعض لاعبيه انقسامات جماهيريه وفطومه اختي طايحه في الشباب وعطا المنان قال فلسنا وروشا لما ماعرف يعمل ششنو قبل علي جمال جمال بلعب في فيتا يا روشا؟؟؟؟ ومحمد عبدالماجد يا يحتجب يا يكتب عن الحقيبه في الكنغو حقيبتك دي كبرها يا محمد عبدالماجد كاس جوي نهي بالكل كهيه بتطولوا وتاخدوا مدة نحنا بي كاسنا وعارفين اننا بي كاسنا والعارف عزو مستريح وناس فيتا قالوا عارفين عزو تقيل وجمعه تاني ما بشمها الشلة بتخت زولها عزو المستريح اها نجي لي شمارات والي الخرتوم مصرين يا والينا رمضان مع المدارس يجينا ؟؟؟ حنو علينا يا اجلوهم الاتنين يا والينا رأفة بينا يا وقفوا واحد والتاني وشغلوهوا لينا اصلكم مشغلنها لينا وما شغالين بينا علي الرغم من انو الصينيه الوحيده البتتخته لينا طول السنه في رمضان بس يا والينا الناس تصوم شهر وتفطر حداشر ونحنا نصوم حداشر ونفطر فرد شهر الشهر الجايينا وكان شفت يا والينا في ناس ناكرنوا حطب الله يهديهم ويهديكم ويهدينا سلك كهربا ننساك كيف وكان بالسخانه دي جانا الا نمشي غانا والي لقاء