راخي أضاني... أغاني أغاني أغاني بعد ما صمت وقمت دخت ودخت أوفر وقت... احبك تاني تاني وجاني.. الما بختاني ضيف مجّاني.. برضو أسرني طلع سجّاني كورة العالم... دايرة وصايله ألف فريق في الملعب جايله... مرات سبعة ومرة حداشر... طلعت كم؟! أنا اتقسم!! شعوري معاك في الشوط التاني واحد واحد.... دفاع مستبسل مازال صامد وواحده تغني... تعمل فاول الجمهور يتعكنن... يجوط المنظر وضحكة طويله.. مكرت أصفر وشوته طويله.... القون للقون ياخاتف لون... وسارق اللون التاني.. حكمك صفّر.... رفع الراية... وكرتك أحمر أطلع برّه.... ياجمهور لون أوشاشو جاي يشجع أو يتسلّي آخ خ ياروبن.... من القون الجلّي ونرجع تاني...ضحكة طوييييييله كوره وأغاني.... رندو ونص أغاني وكوره... لعيبة نص كوره واغاني.... ليل ياليل رمضانكم أحل في البرازيل. --- إعلانات مبوبة: صيام مواسير ماسورة بروبوت داخلي زمني يكتشف حلول شهر رمضان المعظم فيصوّم الماسوره علي الفور حتي في وجود الماء.... سارع باقتناء ماسورتك الآن... الكمية محدودة... الوسطاء يمتنعون.... عنواننا مغلق الشبكة، شارع الصهريج، درب الترلات!! غسالة أموال ماكينة للغسيل الجاف للأموال (مراعاة لانعدام الماء) بها 4 موتورات، طاقة محررة ذاتياً، 6 اتجاهات، تستوعب 10 عملات، سريعة التدوير، سيطرة من بعد، تصريف شبكي، منخفضة الضوضاء، السعر حسب الاتفاق، الدفع بأموال غير مغسوله!! للخيرين فقط اب شدوق المزنوق، يأمل في أن تمتد له الأيادي البيضاء.... وقد طرق العديد من الأبواب... يرجو مساعدة الخيرين في رمضان علي شراء بطيخة 5 شنكل للخروج من المطب العائلي الذي يهدد تماسك الأسرة والله لا يضيع أجر من أحسن عملا. --- هذه الطرود: * طرد مؤجر * طرد لاعب * طرد سفير * طرد محتل * طرد مركزي * طرد دخلاء * حصان طرواده * طراد * جو طارد * تغيير طردي * طرد احلام * طرد أوهام * طرد مخاوف * طرد ظنون * طرد الهواء * طرد نائب