كنا نعتقد أن ناسنا في جميع المجالات قد استفادوا قد استفادوا ولو من بعض دروس كأس العالم وكنا نمني النفس بأن يكون المستفيد الأول هو التحكيم يخلي حكاية يخطئ ولا يظلم دي كترت ومسخت والتحكيم سبب أساسي في تدهور مستوى الكرة في البلد دي وبدأ الممتاز وبدأ التحكيم وبدأ أبو شنب أبو شنب صاحب أكبر حصيلة يخطئ ولا يظلم والغريبة كل الأخطاء صبت في صالح الهلال بالصدفة ساي كده وهاكم بعضاً من كتاب أبو شنب المعز يمسك بكرة مصعب المتوجهة إلى الشباك عمداً متعمداً مع سبق الإصرار والترصد خارج الخط ينال انذار أصفر «مباراة المريخ» والغريبة لجنة اختيار نجم المباراة لم تخطئ مثل التحكيم وتعطيه النجومية المعز «يكتل» مهاجم جزيرة الفيل في آخر دقائق المباراة داخل الخط والنتيجة وقتها تلاتة أهداف للهلال مقابل هدفين «استاد الهلال» أيها الناس سأقوم بكتابة احصائية أخطاء أبو شنب التي أتت لصالح الهلال وصبت في بحره واعطته نقاطاً لا يستحقها وغيرت كثيراً من روليت الدوري تلك الاخطاء التي لا تظلم بحسب تبريرات ناس صلاح ولجنتهم لعل المشجع يفكر ولعل بقية الانديه تصحى ولعل بعض الحكام يخجلون حبة ويتركون كترت الاخطاء التي تصب في صالح الهلال صدفة ساي بدأ الممتاز وكانت أخطاء أبو شنب مخجلة جداً في حق النسور أوليست هناك ضربة جزاء لصالح النسور في بدايات المباراة ؟؟؟ أوليست هناك خرطمية مخالفة لصالح النسور تستحق الانذار قبل وبعد طرد لاعب النسور النسور موقفها متأزم والاخطاء التحكيمية يمكن ان ترمي بها خارج الممتاز فهل وقتها يكون ضمير من أخطأ ولم يظلم مرتاحاً ؟؟؟؟؟ أيها الناس يقيني إن الهلال لو مشى كأس العالم وضمن أن مبارياته هناك يحكمها أبو شنب صدقوني الهلال بشيل كأس العالم برااااااااحة وتنتهي عقدة ستة وتمنين سنة ونرتاح من حكاية يخطئ ولا يظلم دي وبعدها اي زول يشيل حقو بكل نزاهة اصلو حكاية الاخطاء دي سببها الصفر الدولي لانو طالما الصفر موجود يبقى الاعصاب بايظة بايظة شديد أيها الناس لو ادى ابو الهل مباراتي الكنغو بمستواهو في مباراة النسور مضروب في عشرة صدقوني حاتكون رحلة عشارية حاتبقى رحلة العشرة برااااااحة عشان كده ابو شنب لما اخطأ ولم يظلم ظلم الهلال وحايسفروا مغمض أها نجي لي شمارات والي الخرتوم كان شفت يا والينا امدرمان القديمة كلها مبسوطة محافظنا ده خليهو لينا يا والينا همة ونشاط ومشغول بينا حايم في الشوارع بنفسو ينضف لينا وكان شفت يا والينا شوارعنا حلالالالالالالالاته قشوها لينا والعمل في مصارفنا يمضي بسرعة ما بمشي الهوينى نضفوا الشوارع لدرجة الشوارع وسعت لينا يستحقوا عمالوا مكافأة ويقبضوا السمينة فشوارع ام درمان بقت زي حوش العمدة ناقصاها سباتة وام در عليها يرقصوها لينا بس رجاء يا والينا لا دايرين نقتسم سلطة ولا دايرين نصيب في ثروة ضاعت علينا كل الدايرنو محافظنا خلوهوا لينا سلك كهربا ننساك كيف والخوف يشيلوا المحافظة ونحرق بدري بدري والى لقاء
