نجي لي أسباب إخفاقات الهلال أسباب الهزائم الافريقية اسباب تمسك الصفر الدولي بهلاله اولها التحكيم السوداني الذي يخطئ في حق خصوم الهلال داخلياً دوماً فيتغاضى عن رفس المعز محجوب وشلاليت بويا وخنق عمر بخيت للناس ينقض هدفاً صحيحاً لمحمد موسى ليفوز الهلال على الخرطوم الوطني الذي كان يستحق النصر تلك الاخطاء التحكيمية والتي يسمهيها صلاح احمد محمد صالح اخطاء غير مقصودة هي التي تتسبب دوماً في بقاء الصفر الدولي بديار الاهلة وسواء كانت اخطاء مقصودة ام غير مقصودة النتيجة واحدة بقاء الصفر الدولي ايها الناس يتصدر مازيمبي مجموعة الهلال بسبعة نقاط يليه فيتا ايضا بسبعة نقاط ولكن المواجهات المباشرة فضلت مازيمبي على فيتا الزمالك له اربعة نقاط والهلال اربعة نقاط والمواجهات المباشره تضع الزمالك امام الهلال يبقى طيش المجموعة هو اضعف فرقها وان كانت المجموعة هي الاضعف يبقى طيش المجموعة هو طيش المجموعتين لقب يتناسب تماماً مع المستوى الشايفنوا في الهلال ولكن ناس يخطئ ولا يظلم ديل هم الذين يخدعون الهلال ويادوب عرفت ليه الاهلة الشرفاء بقولوا التحكيم ضدهم ويتواطأ عليهم اتاريهو التحكيم غاشيهم ناس ماشين الكنغو ساكين حكم ؟؟؟ بالغتو ولكن الخوف ان تنسينا نتيجة مازيمبي هزيمة البرازيل ووقتها السرير التاني ذاتو ما بقبلكم رقاد واطه ساااااي فرشوا ليكم شوال بعد تفضوهوا من الجواهو ايها الناس اليوم نلتقي الخرطوم الوطني بي شبابنا الجديد الشديد وبالروح التي بدأت تعود سننتصر بالجماهير الواعية والتحكيم النزيه بالتشجيع المثالي لاننا جمهور مثالي لا بنسك حكم ولا بنفلق رجل خط ولا بونيتنا وصلت الفيفا سننتصر بإذن الله ونستمتع بعرض يشرفنا ولاننا جمهور مثالي كانت لدينا معايدة بالاستاد كعادتنا تواصل الاجيال كان فيها من قدامى لاعبين وحتى اشبال وادارياً برضو تواصلت الاجيال المريخ اسرة ممتدة احترمنا بعضنا البعض وبرغم ان الامطار كانت مطنبجة الدنيا الا ان ارضية الملعب كانت تسر الناظرين كأنها مافي البلد دي ما مطنبجة وذلك بفضل المصارف الجيدة التي اقاموهوا بالاستاد يا والي الخرتوم كان بقيت قاعد للخريف الجاي جيب مصريين يعملوا لينا المصارف بتاعت البلد دي تاني اخلاق نتحمل بيها طمبجة ما عندنا المهم التحية لهاشم الزبير مشرف المعايدة والتحية لكل من اسهم في اخراجها بذلك الشكل البديع والتعازي للاخ هاشم في وفاة شقيقه له الرحمة ايها الناس ناس ساكه المعيشة وناس ساكه الدنيا وناس ساكه الآخرة وناس كانت ساكه الحرامية بقت تخاف من الحرامية الحرامية بقوا واصلين المهم الناس ساكه الساكاهوا وناس ساكه حكم الخوف الكورة الجايه يسكوا ساكواها واتطمبجي اها نجي لي شمارات والي الخرتوم كان شفت يا والينا كلام الناس المدور فينا بس والينا يمشي يخلينا قدر ما تنضموا فينا كلامنا واحد يا والينا بس والينا يمشي يخلينا يسوق معاهو مستشارو ويخيلنا معقولة خمسة سنين المطر يبلبل فينا وانت يا والينا حايم بالسارينا !!!! سلك كهربا ننساك كيف والمطر بوري الطرور المطفح فينا والى لقاء سلك
