فتح الرحمن خلف الله شاعر شاب اشتهر بإجادة مرابيع الغزل وظهر في عدد من القنوات الفضائية، وعرف فتح الرحمن بقوة العبارة وسعة الخيال وقدرة عالية على الرسم بالكلمات، وفوق ذلك اشتهر بمرابيع الهزل وهي اللون الذي يعجب جمهوره أكثر ، في المساحة التالية اخترنا لكم باقة من أشعاره نوعنا فيها ما بين الغزل والهزل .. يا وجع أهلاً أهلاً بيك حبابك طن ويا حرفي أقرب أقرب حبه حاول غن يا محبوبتي أمشي وكت مواجعك جن معاهن ببقى وأتعذب عذاب بي فن حبااب زهر المواجع بالدموع وررفته وحباب عطر البعاد ال ليهو اتكررفته حبابو حبابو ليلي البيهو اتعرفته يانوم أبقى مارق ويا سهر شرفته يا اللي شاني قددرتي وكتير عليتي يحفظك الله وين ما رحتي واتدليتي يا عين أبكي أبكي من الضحك مليتي يا روح انتي مالو أسي انبقه انسليتي يا بت دي الظروف ما تقولي مننا إحنا عشنا أيام سعد لاهسي بتصيحنا يا وجع أبقى داعك في الوجع سيحنا يا موت إنت وينك ماتجي تريحنا عيشه كباب وعيشتين فول وشيشه عكلته وفي عدم الأكل جيت للنفس شاكلته قلت أنا إلا عيان وألا ليه ما أكلت ؟ زدتها تاني شاي بي بسكويت وتكلته *** الهم التشيلو ويتعبك في الشيل وكب دماعي زي موية المطر والسيل كترة الوجعه وقعت في الفرح قلليل ومما فتي ديل جت بعملن بالليل عدم الرفقه والونسه المستفه حن خلت قلبي كل اليوم ينوح ويئن الشوق، والمواجع ،والسهر والجن إنتي مرقتي يا ام خداد وخشن هن الدمع البصب بقه منعدم مو كافي والبضحك بحسدو وأشوفو زول متعافي قولو معاي يارب يا كريم يا شافي مرات روحي أحسبه قاعده مرات مافي ريد الريدو ما أظن يتوصف بالنم قاد أشعاري للبكا والسهر والذم هسي زهجته من كتر القلق والهم دحين يا أخواننا هوي كيلو الفرح بي كم *** مايقي البي الدموع للغير بيقسى مليهو يزرف دمعو شانك ودم فراقو يليهو أكان بتعزي دم قلبي وتخافي غليهو عليك دينك خشم بابكم دا ما تصليهو من العين بخافلك وربنا ينجييك ويارب تبعد الهم والسعاده تجيك بخافك تمرقي وتنشغلي بي دي وديك وإشوفك زول كدي ويقعد يعاين فيك أنا يا النظرتك سهم المقووس وكول غيرتي تدمر الدنيا وتقصر القول أشوف موتآ عزابو يألم ألفين حول ولا أشوفك كدي بتتكلمي مع زول
