تقارير تكشف ملاحظات مثيرة لحكومة السودان حول هدنة مع الميليشيا    شاهد.. المذيعة تسابيح خاطر تعود بمقطع فيديو تعلن فيه إكتمال الصلح مع صديقها "السوري"    شاهد بالفيديو.. على طريقة "الهوبا".. لاعب سوداني بالدوري المؤهل للممتاز يسجل أغرب هدف في تاريخ كرة القدم والحكم يصدمه    شاهد بالفيديو.. البرهان يوجه رسائل نارية لحميدتي ويصفه بالخائن والمتمرد: (ذكرنا قصة الإبتدائي بتاعت برز الثعلب يوماً.. أقول له سلم نفسك ولن أقتلك وسأترك الأمر للسودانيين وما عندنا تفاوض وسنقاتل 100 سنة)    رئيس تحرير صحيفة الوطن السعودية يهاجم تسابيح خاطر: (صورة عبثية لفتاة مترفة ترقص في مسرح الدم بالفاشر والغموض الحقيقي ليس في المذيعة البلهاء!!)    انتو ما بتعرفوا لتسابيح مبارك    شاهد بالصورة والفيديو.. القائد الميداني بالدعم السريع "يأجوج ومأجوج" يسخر من زميله بالمليشيا ويتهمه بحمل "القمل" على رأسه (انت جاموس قمل ياخ)    شاهد الفيديو الذي هز مواقع التواصل السودانية.. معلم بولاية الجزيرة يتحرش بتلميذة عمرها 13 عام وأسرة الطالبة تضبط الواقعة بنصب كمين له بوضع كاميرا تراقب ما يحدث    شاهد بالصورة والفيديو.. القائد الميداني بالدعم السريع "يأجوج ومأجوج" يسخر من زميله بالمليشيا ويتهمه بحمل "القمل" على رأسه (انت جاموس قمل ياخ)    شرطة ولاية الخرطوم : الشرطة ستضرب أوكار الجريمة بيد من حديد    البرهان يؤكد حرص السودان على الاحتفاظ بعلاقات وثيقة مع برنامج الغذاء العالمي    عطل في الخط الناقل مروي عطبرة تسبب بانقطاع التيار الكهربائي بولايتين    ميسي: لا أريد أن أكون عبئا على الأرجنتين.. وأشتاق للعودة إلى برشلونة    رئيس مجلس السيادة يؤكد عمق العلاقات السودانية المصرية    رونالدو: أنا سعودي وأحب وجودي هنا    مسؤول مصري يحط رحاله في بورتسودان    "فينيسيوس جونيور خط أحمر".. ريال مدريد يُحذر تشابي ألونسو    كُتّاب في "الشارقة للكتاب": الطيب صالح يحتاج إلى قراءة جديدة    مستشار رئيس الوزراء السوداني يفجّر المفاجأة الكبرى    التحرير الشنداوي يواصل إعداده المكثف للموسم الجديد    دار العوضة والكفاح يتعادلان سلبيا في دوري الاولي بارقو    مان سيتي يجتاز ليفربول    لقاء بين البرهان والمراجع العام والكشف عن مراجعة 18 بنكا    السودان الافتراضي ... كلنا بيادق .. وعبد الوهاب وردي    أردوغان: لا يمكننا الاكتفاء بمتابعة ما يجري في السودان    وزير الطاقة يتفقد المستودعات الاستراتيجية الجديدة بشركة النيل للبترول    المالية توقع عقد خدمة إيصالي مع مصرف التنمية الصناعية    أردوغان يفجرّها داوية بشأن السودان    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    مركزي السودان يصدر ورقة نقدية جديدة    "واتساب" يطلق تطبيقه المنتظر لساعات "أبل"    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



(المجهر) في أول حوار مع مدير وقاية النباتات المثير للجدل “الخضر جبريل”1-2
وقاية النباتات لا تقل أهمية من القوات المسلحة والأمن وهي حائط الصد للاقتصاد السوداني
مرتبط نشر في المجهر السياسي يوم 02 - 02 - 2019

السيد الرئيس عرفني من خلال عملي وأصدر عدداً من القرارات بإعادتي للخدمة
شنت على حملة شعواء من قبل القطاع الخاص لمنعي دخول مبيدات فاسدة
لو أردت أن أصبح مليارديراً في شهرين لأصبحت
المقدمة
يُعد واحداً من الكفاءات في الخدمة المدنية، ولكن الحسد والغيرة جعلت الكثيرين يتربصون به نظراً للموقع الحساس الذي يعمل به، (وقاية النباتات)، ولكن السيد رئيس الجمهورية ونظراً للعمل الكبير الذي يقوم به جعله يقف إلى جانبه بل أعاده للخدمة عدة مرات.
الأستاذ “الخضر جبريل” المدير العام للهيئة العامة لوقاية النباتات، ضيف (المجهر) في هذا الحوار الذي تناولنا معه العديد من الموضوعات، فكان سؤالنا الأول له من هو “الخضر جبريل”؟.
حوار رئيس التحرير
*مرحباً بك أستاذ “خضر جبريل”؟
مرحباً بك وبصحيفة (المجهر السياسي).
*من هو “الخضر جبريل”؟
أنا “خضر جبريل موسى إدريس” من أهالي جزيرة شيبا البركل (كان بقولوا عليها ريفي كريمة) ولدت في العام 1951م التحقت بمدرسة البركل الأولية (وبرضو من الحاجات الطوالي أنا بقولا كان زمان امتحان اللجنة يعني من الدبة لحدي مروي كانت الفرص ضيقة جدا يعني يمكن (20 أو 30) مدرسة يتنافسوا على (40) فرصة في مروي الوسطى و(40) بعد داك مروي الأهلية و(40) قرير الأهلية، وأنا أتشرف جداً أنني من الثلاثين مدرسة جيت أول اللجنة، وطبعاً أول اللجنة زمان دا كان مشهور جداً ودي من ضمن الخلتني أكون مشهوراً) أنا درست البركل الأولية في الفترة من العام 1957 1961 بعدها التحقت بمدرسة مدني الأميرية الوسطى وكنت أول اللجنة، وامتحنت للمرحلة الثانوية في العام 1964 والتحقت بمدرسة مروي الثانوية (مروي الثانوية الزمن داك أول دفعة ناس “عوض الجاز” ديل) كانت مدرسة جديدة إبان حقبة الرئيس “عبود” (نحن كنا الدفعة الرابعة) كان القبول من الوسطى إلى الثانوي القبول كان (بول) يعني لكل السودان وأنا جيت عاشر السودان، يعني عاشر السودان من كل مدارس المرحلة الوسطى للثانوية، والزمن داك ناس مروي كان بودوهم وادي سيدنا أو بورتسودان الثانوية، لكن عندما تم افتتاح مدرسة مروي الثانوية أصبح القبول بها، امتحنت الشهادة عام 1968 والزمن داك في الدرجة الأولى والثانية وأنا أحرزت الدرجة الأولى، (قريد ون) وكان ممكن ادخل علوم رياضات أو علوم بايولوجي لكن درست علوم بايولوجي (طبعا الزمن داك كل الطموح أنك تدخل الطب يعني) ونتنافس على الطب صيدلة زراعة علوم، وأنا لظروف أو أخرى لم أوفق في دراسة علم الحيوان ودخلت زراعة.
*لم تكن الزراعة رغبتك إذاً؟
والله بي أمانة يا أستاذ “صلاح” كل الناس رغبتهم يدخلوا طب.
*قبل أن نسترسل في الحديث معك للأمام دعني أعود بك إلى الخلف، وحديث عن زملاء الدراسة من المشاهير الذين التقيت بهم في المرحلتين الوسطى والثانوية؟
والله من المشاهير الممكن يكونوا معروفين في المجتمع هو “عوض الجاز” درسنا البركل الأولية ومروي الوسطى ومروي الثانوية وجامعة الخرطوم (ما اتفارقنا إلا لمن مشى أمريكا)، من المشاهير أيضا الذين التقيت بهم هو البروفيسور المحلل السياسي “حسن الساعوري” التقيته في جميع مراحلي الدراسية، بالإضافة إلى “محمد سعيد دفع الله” (كان معروفاً في الإذاعة وشاعر)، ويمكن “جعفر مالك” وهو طبيب اختصاصي باطنية مشهور جداً، لأنه أحرز نتائج في جامعة الخرطوم (ما حصلت قبل كدا) وكثر.
* من الأساتذة الذين مازالوا تحتفظ بهم في الذاكرة؟
من أشهر الأساتذة أستاذ “أحمد علي بابكر” (كان أستاذ اللغة العربية والدين مشهور جداَ) وأيضا الأستاذ “عاصي القيد” وهو من الأساتذة الذين قاموا بتدريس الشهيد “الزبير محمد صالح”.
*ماهي المواد المحببة إليك؟
والله أنا طبعاً اتجاهي علمي وأحب المواد العلمية.
*خلال مرحلتي الوسطى والثانوي كان لابد لأي طالب من انتماء سياسي إلى أي التيارات كنت تنتمي؟
والله دا سؤال ممتاز، طبعاً نحن لمن خشينا الوسطى خشينا بالتزامن مع انتفاضة أكتوبر1964، وأكتوبر لمن بدأت نحن كنا في رابعة ثانوي، وطبعا كان الزمن زمن طموحات وزخم سياسي واستقطاب وحتى في الوسطى كان القوميون العرب (حزب البعث، الإخوان المسلمين الشيوعيين) لكن أنا من الزمن داك ما عندي أي ميول سياسية (يعني ما بحب السياسة وما جذبتني بأي حال من الأحوال، عشان كدا ما انتميت لأي جهة طيلة فترة الوسطى أو في الثانوي.
*هل حاولت أي جهة استقطابك؟
حاولوا لكن أبدا أنا ما كان عندي ميول.
*ما هو التيار الذي قام بمحاولة استقطابك؟
طبعاً “عوض الجاز” كان معانا وهو رئيس الاتحاد، وكان بارزا جدا وميوله إسلامية، و”حسن الساعوري” (وطبعاً ديل من شبا الاتنين، والاتنين أقربائي وحاولوا استقطبوني)، أيضا القوميون العرب كان في “محمد حسن باشا” حاولوا يستقطبوني للتيار الإسلامي (القوميون العرب كان في الفترة ديك عندها صخب أكثر من الشيوعيين، لأنه كان في إعجاب “بجمال عبد الناصر” والحركة القومية العربية.
*هل كانت لك هوايات؟
أنا كنت بحب كرة القدم والموسيقى وكنت لاعبا مميزا جدا في كرة القدم، وبحب الموسيقى جدا حتى حاولت أعزف على العود وكدا.
*عند دخولك الجامعة ما هي الأحداث الكبيرة التي صادفتها؟
حينما التحقت بجامعة الخرطوم صادفت انقلاب مايو.
والاعتصام المشهور في العام 1970 عندما أضربنا ستة أشهر وقمنا باحتلال الجامعة، ووقتها جاء “أبو القاسم محمد إبراهيم وخالد حسن عباس”، وحاولوا احتلال الجامعة بالدبابات فقلنا لهم (دي مابخشوها بالدبابات، بخشوها بالشهادات، وطبعا دي من التعابير الما بنساها). من الأحداث أيضا أحداث شعبان 1973 وتم اعتقالي فيها يوم.15
*كيف تم اعتقالك وأنت قلت ما عندك انتماء سياسي؟
(بي أمانة أنا زي ما قلت ليك ما بنتمي لي أي حزب لكن لمن دخلت الجامعة كنت متعاطفا مع التيار الإسلامي، ما كنت عضوا فيه لكن كنت بصوت ليهم وعلاقتنا معاهم طيبة، وما كنت بستلطف الحزب الشيوعي) يمكن ذلك لانتمائي لأسرة دينية، جدي “الكرنسي ود الكرسني” وكان هو (الفكي) الوحيد في الشمالية، في جبل البركل وجبل البركل اسمو جبل (ود الكرسني) أنا أمي اسمها “فاطمة محمد كرسني” وجدي لأبي “خضر جبريل موسى الفكي إدريس” والفكي “إدريس” دا كان في مروي شرق عنده بنية (يعني النزعة الدينية متأصلة فينا).
*لماذا تم اعتقالك؟
لأن حركة شعبان قام بها الإخوان المسلمين، وكانت حركة قوية جدا وهي اقوى حركة ضد “نميري”، والزمن داك اعتقلوا أي طالب في جامعة الخرطوم.
*ما الذي استفدته من فترة اعتقالك؟
كانت فترة عصيبة، طبعا نظام “نميري” كان نظاما قويا جدا والأمن كان قويا جدا وكان لمن ينادوا مننا جماعة عشان يعذبوهم كانت في إشاعة انو البنادوهو طوالي بعتقلوهو وكنا متخوفين جدا، لكن بي أمانة من ناحية مهنية اشيد بأمن “نميري” لأنو كم ضابط نادوني قالوا ليا أنت أخو مسلم؟ قلت ليهم ما أخو مسلم، وعملوا ليا بعض الاختبارات كدا وفكوني.
*اختبارات مثل؟
ضاحكا .. والله ما بقدر أقولها.
*من المشاهيرالذين كانوا معك في المعتقل؟
“محمد عثمان مكي وحسن مكي” (أولاد مكي).
*بعد انتهاء الفترة الجامعية، كيف كانت أول محطة بالنسبة لك؟
أول ما اتخرجت طوالي اتعينت في وقاية النباتات، الزمن داك كان التعيين من فترة الكلية، عملوا ليا (انترفيو) وتم تعيني بالوقاية في العام 1974، يعني حتى اليوم مكثت فيها 46 سنة.
*ما خرجت من وقاية النباتات طيلة السنوات الماضية؟
والله عندما تم تعييني ودوني بلدي مروي ذاتها، وتنقلت في معظم ولايات السودان لكن سنة 77 تم انتدابي مديرا للوقاية في مؤسسة النيل الأزرق الزراعية (مفتش) وفي العام 1979 عدت إلى جامعة الخرطوم لدراسة الماجستير، في العام 1980 تم انتدابي للعمل في المؤسسة العسكرية الزراعية التي تتبع للهيئة العسكرية الاقتصادية، أنا كنت أول زراعي تم تعيينه نائب مدير الإنتاج الزراعي، ومكثت بالمؤسسة العسكرية حتى انتفاضة 1985 وبعد الانتفاضة تم اعتقالي (تم اعتقال كل الملكيين بالهيئة العسكرية) شككوا فينا أننا كنا عناصر أمن مخفية، وما كان عندي أي علاقة بالأمن، وللأمانة والتاريخ كوَّن الراحل المشير “سوار الدهب” لجنة برئاسة “الهادي بشرى” لدراسة أي شخص ملكي القى القبض عليه في الانتفاضة ولم يرد اسمه يتم إطلاق سراحه.
*عقب تلك المسيرة الطويلة والحافلة، دعني اسألك عن الشيء المدهش فيك الذي جعل الرئيس “البشير” يصدر قراراً بإعادتك لوقاية النباتات كل مرة عقب إحالتك للمعاش؟
والله دا سؤال صعب والزول يتكلم عن نفسه هو أمر أكثر صعوبة، لكن بكل أمانة زي ما قلت ليك أنا عندي خبرة وذلك بحكم التجربة 46 سنة مافي زول قعد في وقاية النباتات أو في أي مصلحة زيي، الشيء الثاني لمن اتخرجت من الجامعة في سنة خامسة بتأخد (أوبشن) أنا أخدت (برو بوتكشن)، يعني حتى تخصصي من الجامعة وقاية النباتات، وعملت ماجستير في وقاية النباتات، (أنا عملت من دبلوم إلى سمنار في مجال وقاية النباتات حوالي 75 م دبلوم لي سمنارات في كل دول العالم، أي دولة في العالم أنا مشيت عملت في مجال وقاية النباتات، برضو أنا خلال هذه الفترة أنا من اتخرجت أنا مدير، أول ما تخرجت وأنا مساعد مفتش صغير ودوني الرئاسة في دنقلا زي ماقلت ليك ودوني مروي وهي كانت عندها استقلالية أنا بقيت مدير مروي، (الصدف خدمتني).
*هناك من يتحدث عن أن صداقتك بالرئيس هي من عادت بك مديرا لإدارة وقاية النباتات عقب إحالتك للمعاش؟
أنا أحكي ليك عن مسيرتي التي بدأت منذ عهد مايو (أنا من أتخرجت مدير).
*لا أنا أقصد علاقتك بالرئيس “البشير” هي من جاءت بك مجددا لوقاية النباتات؟
في 89 تم حل مؤسسة النيل الأزرق الزراعية وأنا جيت راجع الوقاية، لمن جات الإنقاذ الوقاية كانت تضج بالكفاءات والشهادات يعني يمكن كان فيها 80 إلى 90 ماسترا وأشخاص أقدم مني بعشرات السنين وكان مديرها اسمو “حسن عباس” أنا جيت 89، وفي عام 91 أنا بقيت المدير الفعلي بي أدائي وإقناعي “لحسن عباس”، أنا ما بشكر نفسي لكن كل قضيتي أني شغال بكل تجرد وأمانة أنا الحمد لله النفعني في حياتي الأمانة والعمل بإخلاص، أنا بدير الوقاية منذ العام 1991 وفي الفترة دي اخدت خبرات إقليمية ودولية كان في حاجة اسمها منظمة مكافحة الجراد الصحراوي لدول شرق أفريقيا) المنظمة دي تضم تسع دول وهي دول الإيقاد السودان كان عنده شرف تأسيس هذه المنظمة في العام 1963 هو وإثيوبيا وكينيا عملنا المنظمة، أنا أصبحت المدير التنفيذي لدورتين، هذا مثال وأنا بفتكر انو دا مفخرة ليا وللسودان، من الخبرات الدولية ايضا منظمة الفاو كان في هيئة تدابير الصحة النباتية وهي تعتبر أكبر هيئة في منظمة الفاو، وكان في لجنة تضع المعايير للحجر الزراعي في العالم وأنا انتخبت ممثل الشرق الأدنى من أربع دول السودان من ضمنها، هذه اللجنة مدتها (3) سنوات أنا خلوني اقضي بها ثلاث دورات بمعنى أنني أمضيت تسع سنوات وأمضيت سنة تانية يعني (10) سنوات وما حصل في تاريخ العالم زول في المنظمة دي قعد هذه السنوات.
*تاريخ طويل؟
طبعا أنت بتقنعهم بالكفاءة وبالجدية، أنا بفتكر في حياتي دي أنا حبيت علم الوقاية، وكنت جادي جدا في الاطلاع وفي الأمانة وفي الشغل (يعني بحب تخصصي دا) واكتسبت خبرات إقليمية ودولية برضو النفعني أني في سنة 76 وأنا خريج ليا سنتين تلقيت كورس في التحليل الإداري من المعهد الملكي البريطاني.
*سؤالي مازال قائما عن علاقتك بالسيد الرئيس؟
أنا طبعا زي ما قلت ليك نائب المدير الفعلي سنة 2001 تم اختيار زميلي وأنا بقيت نائبه، في 2006 بقيت المدير العام في عهد الإنقاذ لمن جا الحصار الاقتصادي كنت أنا ومعاي مدير بنك المزارع وشخصين آخرين عملنا حاجة اسمها الدفع الآجل و دا أنقذنا بيه البلد حتى العام 1997، كنا نجيب المبيدات والأسمدة بقريب ال 300 مليون دولار. (……………………) يعني لولا هذا النظام الذي اتشرف بأننا عملناه كان البلد دي انهارت من بدري، ودي اظهرتني للمسؤولين في الإنقاذ وبدأت أظهر .. طبعا الوقاية دي من اخطر الإدارات في السودان يعني هي لا تقل عن الأمن والجيش، لأنو الشغل كبير وتقاطعاته كبيرة، السيد الرئيس مستوعب تماما واهميتها (الوقاية دي هي التي تحمي الناتج المحلي والأمن الغذائي والصادر والاقتصاد القومي وتحمي البلاد من دخول آفات دخيلة في البلد) وزي ما قلت ليك في تقاطعات مع القطاع الخاص، أنا مسؤول من العطاءات عطاءات المبيدات ورش البرك يمكن بقريب ال(120) مليون دولار، ولو أنا كنت زول متلاعب كان ممكن ابقى بليونير في (3) شهور.
*التقاطعات مع القطاع الخاص عقبة شائكة؟
القطاع الخاص بعض مرات يحاول يلوي عنق الحقيقة ويكسر القوانين أنا بقيف ضد القصة دي وتبدأ الصراعات، عشان كدا أنا عندي صراعات أو تصادمات مع كل القطاع الخاص والشركات الضخمة في البلد، (يعني مش صراعات قاصدا) أنا بطبق في القانون وهم يتصادموا معاي (القصة دي تتصاعد من حتة لي حتة لمن تصل السيد الرئيس نفسه). السيد الرئيس من خلال عملي عرف أهمية الوقاية تماما ودورها وخطورتها، يعني أنا زول في الوقاية دي لو زول ضد الوضع مثلا ممكن أضرب اقتصاد البلد من غير أي شخص يعرفني، ومافي زول بقدر يقبضني ذاتو، ممكن ادخل مبيدات غير مسجلة وتالفة وممكن ادخل آفات للبلد، يعني الموقع خطير جدا. السيد الرئيس عرف هذه الأهمية وأنا افتكر أن السيد الرئيس دا ذكي جدا وعادل لأنو وقفتو معاي ما بعرفني ولا عنده علاقة خاصة معاي، لكن وقف معاي لأنو استشعر خطورة المكان وعرفني أنا بعمل في شنو، دي كل القصة.
*طيب ما هي الجهة التي تصدر القرارات بفصلك؟
أنا بقيت بين يوم وليلة مصدر لي صراعات، يعني الشركات دي عندها ناس نافذين في الدولة، عندها مصالح لا تقيف، أداروا ضدي معركة رهيبة جدا خاصة في مجال الإعلام هناك صحف خمس سنوات تتحدث عن “خضر جبريل” يوميا، طبعا الإعلام أمين وأي حاجة، لكن ضعاف النفوس في أي مجال موجودين، والقصة دي كانت لمصلحتي.
*كيف؟
لأنهم حاولوا يدمروني ولكنهم شهروني، وبعدين السيد الرئيس عارف أي حاجة وعارف إنو الزول لمن يكتبوا فيه مقالين ثلاثة، ويسكتوا معناها الكلام دا فيهو والجماعة ديل قبضوا، لكن لمن يكتبوا فيك باستمرار وما يقيفوا ولا ترد معناها الزول دا الكلام مافيهو وما خايف.
* هل هناك جهة في القطاع الخاص لعبت هذه الأدوار؟
قطاع خاص كبير جدا شركات كبيرة جدا شنت على حرب ومولت الحرب الإعلامية وفي ناس مسؤولين في الدولة كبار جدا بدون ذكرهم وقفوا ضدي وشنو على حرب شعواء (يعني أنا بي أمانة لو لا إرادة الله ووقفة السيد الرئيس والأمن الاقتصادي، زمان كان مشيت.
*”المتعافي” هو أول من وقف إلى جانبك؟
“المتعافي” لعب دورا كبيرا جدا جدا في إظهار شخصيتي أنا بعتبر “المتعافي” دا من أقوى وأكفأ وأنزه القيادات في الإنقاذ ويمكن الحملة التي شنت ضدي انو أنا و”المتعافي” جينا من الولاية، والاتنين حرامية وجينا نأكل الزراعة، وطبعا كلو خطأ وكذب وتلفيق، أنا أول مرة “المتعافي” دا اشوفوا في حياتي لمن جا الزراعة، وبي أمانة عمل ليا حماية من هذه الهجمة، أنا افتكر وقفة “المتعافي” والرئيس يعنى وقفتهم معاي مش لأني أنا في شخصي، لكنهم وقفوا مع الحق، وأنا و”المتعافي” على فكرة ما عسل على لبن اختلفنا كثير جدا ووصلنا مراحل عجيبة جدا والخلاف حاد، لكن “المتعافي” لمن اقنعوا برجع للحق، وبي أمانة معظم وزراء الزراعة المتعاقبين ديل اختلفوا معاي معظمهم، ومعظمهم ما كان على حق وكانت كلها تجاوزات واستثناءات.
*ماهي المشاكل والصراعات فيما يخص الزراعة نحن دولة زراعية ومفروض ننهض بالزراعة؟
والله دا سؤال ممتاز جدا، كل القصة انو القطاع الخاص دا اتجاوز القوانين مثلا المبيدات غير مسجلة والمبيدات دي سموم خطيرة جدا عشان كدا عندها نظام وسستم عالي، يعني أقوى نظام في التحكم في المبيدات في الشرق الأوسط موجود عندنا نحن هنا في السودان، ففي بعض الشركات تحب تتجاوز ذلك وتدخل مبيدات من غير تسجيل، وهنا تحدث الصراعات، الحجر الزراعي برضو، أنا أي حاجة غير مطابقة أنا ما بدخلها، وبعدين القانون لو ما أعاد تصديرها أنا بقوم بإبادتها وحرقها (أنا أبدت حاجات بي مليارات الدولارات).
*أبرزها؟
حاجات كثيرة جدا كل يوم أنا ببيد لشركات كبيرة.
*هناك تساؤل حول مرض البيوض؟
دي قصة مشهورة دي شركة أمطار هي شراكة بين حكومة السودان وشركة جنان، وشركة جنان دي شراكة بين الإمارات ومصر، وكنا معولين عليها لكن خشوا معانا ومعاي أنا بالذات، مرة جابوا تقاوى برسيم من أمريكا ودا كان قبل النخيل وكان فيها آفة بكتيرية خطيرة جدا تقعد في التربة (30) سنة والقصة دي ما وصلت الإعلام وأنا وفقت ضدها وكانت صراعات لحدي ما وصلت أعلى صراعات في النهاية سنتين ما قدروا يدخلوها ورجعوها، والسيد الرئيس وقف معاي شخصيا في هذا الأمر، (الشركة دي معروفة) أنا أبعدت من الوقاية في 2016 وقاموا دخلوا فسائل نخيل قالوا دايرين يزرعوا (200) مليون نخلة، وجابوا الفسايل دي من الإمارات وكانت مصابة بمرض خطير جدا اسمو (البيوض)، والمرض دا قتل (13) مليون نخلة في المغرب العربي، وهو أخطر مرض نخيل في العالم، ودا حاجة خطيرة جدا ويمكن دا من الحاجات الخلت الرئيس يرجعني بقرار جمهوري لحسم هذا اللغط، ودخلوها الشمالية وطبعا ما مفروض تمشي الشمالية، حاجة في المطار وحولها لغط. (أنا ما داير اتهم زول لكن واضحة القصة انو السيد الرئيس رجعني) وبعد (3) يوم من رجوعي قمت بإبادة الفسائل، وكان حتعمل إبادة تامة للنخيل في السودان.. طبعا مشاكل كثيرة جدا في هذا الإطار وأنا لا أتوانى في حماية البلد، والرئيس مهمته حماية البلد من الآفات الدخيلة وتدمير البلد. ووقوف الرئيس معاي تدل على وقوفه مع الحق.

انقر هنا لقراءة الخبر من مصدره.