& سمعنا بأنو المريخ لو ماخسر نقاط شندى. & وما خسر الممتاز. & حايشرفنا الأرباب كمشجع مريخى. & سينضم للصفوة. & ولكن الأرباب نسى اننا ما ناقصين. & ومحل لى زول جديد ما عندنا. & حتى ولو شطبنا الطابق التالت فلا مجال للأرباب عندنا. & الطوابق مليانة توف. & محل تقيف فيهو يا ارباب ماعندنا. & عشان كدة شوف ليك فريق تانى. & أن كان الهلال قد قنع منك وترجم ذلك فى نتيجة الأنتخابات التى اتت بالقوى الأمين. & وأن كنت قد قنعت من نمور شندى أو قنعوا منك هم. & فأننا فى المريخ والله شماعة مافى محل. & لكن حاول. & قدم طلب عليهو توصية من جمال. & وبعد توصية جمال. & ننظر فى الطلب أحتمال. & مجرد نظر. & لكن قبول الطلب مشكلة. & بالتاكيد سيرفض. & برغم اننا نعلم من هو اول زول علق علم المريخ فى بيتو فى شندى. & ولأننا نعلم بن الشنداوية من عهد المكوك الأوائل وحتى أخر المكوك. & معظمهم شفوت ملوك يتبعون الملك العجب. & وبرغم انو مزمل ود حلتكم. & برغم كل شئ. & سورى. & مافى مكان والله. & وكونك متأكد من موقف الشكوى لهذه الدرجة فأن ذلك لايعطيك الحق فى الأنتماء للمريخ فى حال خسارتك لشكواك. & وعنتريات الفيفا لا نظن أنك من خائضيها. & البرير هو الوحيد البعرف ليها. & أنت قبل كدة أخدت موقف. & شداد كسب الرهان فيه. & وكلو ما تقدم طلب يقول ليك ما كدة. & تمشى تطبع غيرو. & حاجات الفيفا دى خليها لى اولاد قلبا البرابرة. & قال أشجع المريخ قال. & مريخ بالخا!!! & المهم. & أيها الناس. & الجلوس معاً من اجل الوصول لمجلس يرضينا جميعاً هو قمة الحضارة & والناس ماتركب راسها ساى & وينفخوها المندسين. & وتجى النتيجة تبقى ليهم زى نتيجة الأرباب يوم فاز القوى الأمين. & الواقعية البعيدة عن ركب الراس والتى تهدف لمصلحة الكيان هى عين العقل. & لامجال للتحديات والعنتريات الشخصية التى لا تستند الى منطق. & وعضوية على الطلاق. & وناكلهم جم. & وناسنا جاهزين. & لن تأتى بى زولاً ليهو قيمة. & وستفشل حتى فى أيصال زولها لكراسى الحكم. & وحصلت كتييييييير. & عشان كدة. & البرنامج والمنطق والولاء والبعد عن الرياء هى التى تقود الناس للقناعة بالمرشح. & وتلك الصفات يمكن التوصل اليها فى المرشح قبل أجراء العملية الأنتخابية. & وكبار المريخ يمكنهم أن يديروا بلد كاملة. & فلا يصعب عليهم الوفاق بين أخوة جميعهم مكسب. & المهم. & الشفوت. & ماتنسوا..وما تخافوا. & شكوى شنو كمان البقولوا عليها. & فى المريخ المابتعرف ما بنديها تغرف. & الحكاية ما فوضى. & أنسوا موضوع شندى. & نقاط فى جيبنا. & نفكر فى نقاط باكر. & وبعد باكر. & أى كورة بطولة & هكذا نخوضها. & حتى تتحقق البطولة. & وبعد داك الشايل نذر يشجعنا. & يقدم طلبو موصى عليه من الوالى. & ونعرضو على لجنة متأكد أنها سترفضه. & ولكن يقدموا. & التقديم ده ذاتو مكسب. & أها. & نجى لى شمارات والى الخرتوم. & والينا. & هل تجوز الأضحية بالأقساط؟ & أفتينا. & ولو بتجوز. & هل يدخلها زيادة سعر البهيمة فى البيع بالقسط فى الربا؟ & وأذا بدخلها. & ربك رب الخير يا والينا. & بى حمى نزفية أو فحمية أو جنون الخرفان ما بجود علينا؟؟؟ & شرعاً يقنعنا وأجتماعياً يسترنا وقدام أطفالنا يقوينا سلك كهربا && ننساك كيف واملحين أقرنين عندنا فيهم واحد هذا لأمتى زمانو جا. واللللللللللللللللللللللللللللللللللللللللللللللى لقاء سلللللللللللللللللللللللللللللللللللللللللللللللللللك فى السلك - بابكر سلك