حضر (غاضبون) وغاب (درع السودان) وآخرين    السهم الدامر والهلال كريمة حبايب في إفتتاح المرحلة الأخيرة من الدوري العام    شاهد بالصورة والفيديو.. تيكتوكر سودانية تثير ضجة غير مسبوقة: (بحب الأولاد الطاعمين "الحلوات" وخوتهم أفضل من خوة النسوان)    شاهد بالفيديو.. الفنانة هدى عربي تظهر بدون "مكياج" وتغمز بعينها في مقطع طريف مع عازفها "كريستوفر" داخل أستوديو بالقاهرة    الصحفية والشاعرة داليا الياس: (عندي حاجز نفسي مع صبغة الشعر عند الرجال!! ولو بقيت منقطها وأرهب من الرهابة ذاتا مابتخش راسي ده!!)    شاهد.. عروس الموسم الحسناء "حنين" محمود عبد العزيز تعود لخطف الأضواء على مواقع التواصل بلقطات مبهرة إحداها مع والدها أسطورة الفن السوداني    شاهد.. عروس الموسم الحسناء "حنين" محمود عبد العزيز تعود لخطف الأضواء على مواقع التواصل بلقطات مبهرة إحداها مع والدها أسطورة الفن السوداني    شاهد بالصورة والفيديو.. حسناوات سودانيات يشعلن حفل "جرتق" بلوغر معروف بعد ظهورهن بأزياء مثيرة للجدل    "الجيش السوداني يصد هجومًا لمتمردي الحركة الشعبية في الدشول ويستولي على أسلحة ودبابات"    يبدو كالوحش.. أرنولد يبهر الجميع في ريال مدريد    تدهور غير مسبوق في قيمة الجنيه السوداني    ايران تطاطىء الرأس بصورة مهينة وتتلقى الضربات من اسرائيل بلا رد    غوغل تطلب من ملياري مستخدم تغيير كلمة مرور جيميل الآن    التهديد بإغلاق مضيق هرمز يضع الاقتصاد العالمي على "حافة الهاوية"    كيم كارداشيان تنتقد "قسوة" إدارة الهجرة الأمريكية    "دم على نهد".. مسلسل جريء يواجه شبح المنع قبل عرضه    خطأ شائع أثناء الاستحمام قد يهدد حياتك    خدعة بسيطة للنوم السريع… والسر في القدم    وجوه جديدة..تسريبات عن التشكيل الوزاري الجديد في الحكومة السودانية    السلطات السودانية تضع النهاية لمسلسل منزل الكمير    (برقو ومن غيرك يابرقو)    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    مونديال الأندية.. فرصة مبابي الأخيرة في سباق الكرة الذهبية    بلاغ بوجود قنبلة..طائرة سعودية تغيّر مسارها..ما التفاصيل؟    كامل إدريس يدعو أساتذة الجامعات للاسهام في نهضة البلاد وتنميتها    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    أردوغان: الهجوم الإسرائيلي على إيران له أهداف خبيثة    المملكة تستعرض إستراتيجية الأمن الغذائي لدول مجلس التعاون الخليجي    خسائر ضخمة ل"غانا"..تقرير خطير يكشف المثير    أنباء عن اغتيال ناظر في السودان    الترجي يسقط أمام فلامنغو في مونديال الأندية    افتتاح المرحلة النهائية للدوري التأهيلي للممتاز عصر اليوم باستاد الدامر.    في السودان :كيف تتم حماية بلادنا من اختراق المخابرات الإسرائيلية للوسط الصحفي    من الجزيرة إلى كرب التوم..هل دخل الجنجويد مدينة أو قرية واستمرت فيها الحياة طبيعية؟    الحرب الايرانية – الاسرائيلية: بعيدا عن التكتيات العسكرية    نقل أسلحة إسرائيلية ومسيرات أوكرانية الى افريقيا بمساعدة دولة عربية    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    إدارة مكافحة المخدرات بولاية البحر الأحمر تفكك شبكة إجرامية تهرب مخدر القات    (يمكن نتلاقى ويمكن لا)    سمير العركي يكتب: رسالة خبيثة من إسرائيل إلى تركيا    عناوين الصحف الرياضية السودانية الصادرة اليوم الأثنين 16 يونيو 2025    رباعية نظيفة .. باريس يهين أتلتيكو مدريد في مونديال الأندية    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة    المدير العام للشركة السودانية للموارد المعدنية يؤكد أهمية مضاعفة الإنتاج    السودان..خطوة جديدة بشأن السفر    3 آلاف و820 شخصا"..حريق في مبنى بدبي والسلطات توضّح    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    بعد حالات تسمّم مخيفة..إغلاق مطعم مصري شهير وتوقيف مالكه    إنهاء معاناة حي شهير في أمدرمان    وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا    اكتشاف مثير في صحراء بالسودان    رؤيا الحكيم غير ملزمة للجيش والشعب السوداني    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



يا صلاح النظرية شنو في (القعدة) دي؟
محمد عبد الماجد نشر في النيلين يوم 09 - 11 - 2013

(سيدي بيه) شوية من (ميسي) على شوية من (نيمار) على حبة (بويا) سوداني
المدرب الذي يكرر اخطاءه ويلعب بنفس الاسلوب والاخطاء التي لعب بها في المباراة السابقة ، مدرب غير جيد ...وهو لن يتقدم خطوة الي الامام، وسوف يحرق (اعصاب) جماهيره بي بلاش ..ويهرد (فشفاش) اعلام فريقه على الفاضي.
الهلال دا نحن ما بنستحمل نشوفو مغلوب (5) دقائق..لا قدام الخرطوم الوطني ...لا قدام مانشيستر يوناتيد.
ناس المريخ بي طريقتهم.
ديل في الاردن ...بنضربوا (سبعة).
مباراة هي وإلا اسبوع.
صلاح محمد آدم ..ظل يكرر الاخطاء التى يقع فيها في كل مباراة بصورة كربونية...نفس الشيء ...مثل المشهد الذي يحدث في كل يوم في حوادث بحري ..(الدكتور طلع الفطور).
لو مشيت حوادث بحري الساعة واحدة صباحا ...يقولوا ليك الدكتور طلع الفطور.
تقول بطلع الفطور بي (سقالة).
انت يا اخوي طالع بي (قلاب).
والله (القلاب) ما عندو اي علاقة بالموضوع دا.
حركات (خريف) ساكت.
ربما يظن صلاح محمد آدم ان (القعدة) التى يبدو عليها في الجزء المخصص للجهاز الفني للهلال ...تكفل له ان يدرب الهلال.
فاكرها (فلاحة).
دي (فاروق جبرة) ممكن يعملها.
لا جديد عند صلاح محمد آدم حتى في (قعدته) ...التى يحاول ان يخلق بها (بصمة) بعد ان فشل في ان يضع بصمته في الملعب.
كمان ما بتكلم مع الاعلام.
انت يا صلاح قايل نفسك بدرب في (النيل الحصاحيصا).
الهلال دا فريق كبير ...عنده جماهير زي النمل ...واعلام ما رحم غارزيتو وكامبوس ...عاوزو يرحمك انت.
ماذا يسوى صلاح مع استاروستا وسليمان فارس وغارزيتو وكامبوس وميرسلاف.
امس امام الخرطوم الوطني ظهر الهلال بشكل مخيف خاصة في شوط المباراة الاول ..وبدأ واضحا (داء) التدريب واشكالية الجهاز الفني تظهر فى شكل الهلال وفي الاداء الذي كان مملا ..ومخيفا.
لو كان فريق الخرطوم الوطني يمتلك الطموح والجرأة لانتصر على الهلال.
ولو انتصر الخرطوم الوطني لقلنا انه كان احق بالانتصار من الهلال.
نحن الحاجات دي ما بنجامل فيها ...ولا بنكضب.
عاوزين متعة حقيقة ..وكورة جميلة ...شغل ناس محمد موسى دا نحن في الهلال يا كوتش ما بنفع معانا.
ما تقعد تفرح لينا ساكت.
مباراة الامس لو قدر فيه عدم مشاركة (سيدي بيه) ..لي اي سبب من الاسباب ..لخرج الهلال خاسرا نقاط هذه المباراة.
اعود الي صلاح محمد آدم ...والذي مازال يكرمنا في كل مباراة بهدف تستقبله شباك الهلال بصورة (مستفزة).
وطريقة لا تحدث حتى في ملاعب الليق.
وصاحبكم قاعد في قعدتو ...تقول حارس ليه بقالة صاحبها مشى الجامع.
ظللنا نستقبل في كل مباراة (هدفا)..بنفس الشكل ..كورة طويلة ..او كورة مقطوعة من احد اطراف الهلال ملعوبة في منطقة جزاء الهلال ...هدف.
طوالي (هدف).
معلق المباراة بقى يقول (هدف) قبل الكورة ما تتلعب ...(اتعودنا على الحاجات دي).
شباك الهلال استقبلت في الدوري الممتاز حتى الان (17) هدفا ...وتفوق علينا لاول مرة فى الدوري المريخ دفاعيا ..بل تفوق علينا حتى فريق الخرطوم الوطني واهلي شندي.
دفاع الهلال في كل مباراة نجده يتكون من عناصر جديدة ..مرة اتير توماس ومالك ..ومرة مساوي وسامي عبدالله ...ومرة مالك ومساوي ..ومرة اتير وسامي.
يتغيّر الدفاع من مباراة الي مباراة ..لكن في كل المباريات الاخطاء واحدة.
دفاع الهلال في الكور (الطويلة) ضعيف ..وفي الكور (المشتركة) ضعيف ...وفي (المواجهة) بين لاعب ولاعب ضعيف...وفي الكورات (العكسية) ضعيف.
انتوا دفاعكم دا ...الدفاع بالنظر البقولوه.
لا اعرف ماذا يفعل صلاح محمد آدم الذي لا نرى له غير تلك (الجلسة) التى يبدو عليها وحوله كمية من قوارير المياه ..كأنه في (الكامب نو) يلاعب برشلونة او اليوفي او الارسنال وليس الخرطوم الوطني او الامل عطبرة.
طمعت فينا اندية الممتاز ..البسوى والما بسوى عاوز يجيب قون في الهلال.
عنكبة ذاتو بقى (يتعنكب) علينا.
يا صلاح محمد أدم التدريب ليس هو كمية من قوارير المياه ، وجلسة على امشاط اصابع الاقدام ...وتعامل بذلك (السخف) مع الاعلام.
ما كدا يا كوتش.
لا يعقل ان تظل الاهداف التى تستقبلها شباك الهلال ...هي صورة مكررة ..وشيء يطبق بحذافيره في الهلال بما في ذلك (جلستك).
الهلال فريق كبير ...ينقص من قدره ..ويشوه صورته ان تستقبل شباكه (هدفا) وان سجّل الهلال في المباراة نصف دستة من الاهداف.
وقد مللنا هذه الاهداف ..التى تستقبلها شباك الهلال في كل مباريات الدورى ...حتى وان كان يلعب امام النسور.
صلاح محمد آدم ...يحتاج ان يتحرر من هذه (القوقعة) التى يختزلها في جلسته تلك.
عليه ان يعلم انه يلاعب الخرطوم الوطني وليس برشلونة ...عليه ان يعرف ان الاهلي عطبرة ليس ليفربول ...وان النيل الحصاحيصا ليس ميلان...وان النسور ليس باريس سان جيرمان.
ارهقتنا ...واتعبتنا هذه (النظريات) التى يلعب بها صلاح محمد آدم..وتلك الفسلفة التى لا نجد لها اي سند.
اللهم إلا اذا اعتبر ان (شراب الموية) والتوتر اثناء المباراة ...والتمحن نوع من (العبقرية).
الهلال عبر جماهيره وانصاره ..لا يبحث فقط عن (الانتصار)...الانتصارات اذا لم تكن مخدومة وبي اداء مقنع وعرض رائع..لا نسعد بها ...ولا نفرح.
نحن ليس المريخ ...الذي يبحث عن النقاط الثلاثة ..بي اي وسيلة وكيفية ...وطريقة.
على صلاح محمد آدم ان يعرف انه يدرب الهلال ..وان يخرج من عباءة (المراحل السنية) التى كان فيها صلاح محمد آدم يقود شباب الهلال.
غارزيتو ...كان مع الاخطاء التى يقع فيها ...مدرب كبير ..وكان بقع فيها بي فهم ..وبي رأي.
وكان في رأس غارزيتو الكثير من النظريات ...والمدارس والاساليب.
لذا نقبل ما يأتي من غارزيتو ...لكن الان ما هي الحجة ...والمبرر الذي نقبل به هذه الاخطاء التى يقع فيها صلاح محمد آدم.
البصبرنا شنو على حرق الاعصاب دا؟.
نعم الهلال ينتصر ...وهو بحمد الله لم يفقد غير (نقطتين) في الدورة الثانية ...لكن هذا شيء طبيعي في الهلال ..وامر اعتدنا عليه ...حتى والهلال يمر بي اسوأ حالته...موقعنا الصدارة دوما.
يعني صلاح محمد آدم ...الحاجات البتعمل فيها دي ...ما فيها اي عبقرية.
كفى ان الهلال استقبلت شباكه (17) هدفا ...وهذا شيء لم يحدث هذا الموسم لفريق المريخ و الخرطوم الوطني والاهلي شندي.
اكثر ما اغضبني من صلاح محمد آدم ...هو اصراره على ان يبقى (سيدي بيه) في الاحتياطي ..ليشركه في اخر ربع ساعة من عمر المباراة او اخر نص ساعة كما حدث في مباراة الامس.
اسعافك دا جيبوا لينا من بدري يا كوتش.
لا اعرف (العبقرية) في هذا الامر ..وين؟.
سيدي بيه كان نجما بارزا ...وافضل لاعبي الهلال في مباراة الهلال امام الاهلي مدنى رغم انه شارك في اخر (15) دقيقة من عمر المباراة ...مع ذلك جاء السيد صلاح محمد آدم ...واجلسه في المباراة التالية... مباراة الهلال امام الخرطوم الوطني في اخر نص ساعة والهلال متعادلا.
واظن ان نتيجة المباراة هى التى اجبرت صلاح محمد آدم على اشراك سيدي بيه خوفا من المساءلة والحساب.
لو كان الهلال متقدما ..لظل سيدي بيه في كنبة الهلال حتى الدقيقة (80) من عمر المباراة.
لكن التعادل عجل باشراكه في المباراة ...وان كان هذا التعجل تمثل في اخر (30) دقيقة من المباراة.
اداء الهلال في الوسط كان في مباراة الامس ضعيفا ...مهند الطاهر كان بعيدا من مهند الطاهر ...ونزار حامد نفسه ..لم يكن نزار ...وبشه لولا هدفه لما شعر به احد.
اما عمر بخيت ..فقد انصرف كليا نحو صلاح الامير ...ولم نشعر بوجوده إلا بعد استبدال صلاح الامير.
لذا كان اي (مشجع) عادي ..بعرف ان وسط الهلال يحتاج الي عنصر جديد ..ونكهة مختلفة.
واظن ان الكل يتفق في ان هذا العنصر هو سيدي بيه ..إلا صلاح محمد آدم ..الذي يكرر اشياءه ..كما هي.
قوم يا سيدي بيه سخن.
سيدي بيه يسخن ...يقوم يشارك في اخر (30) دقيقة او (15) دقيقة من عمر المباراة.
اعادة التبديلات ..بنفس العناصر ..ِشيء ايضا يقلب البطن.
نفسي اعرف العبقرية في ذلك وين؟.
ونفسي اعرف ...الزول القال لي صلاح محمد آدم ان هذه الحركات ..والتبديلات من علامات الكبار.
الغشاهو منو؟.
يا صلاح محمد آدم ..ألعب لينا عدل...وما تقعد تنظر لينا في الفاضي ..هذه (النظريات) التى تظنها عظيمة سبقوك عليها ناس صلاح مشكلة والفاتح النقر ، وما نفعت.
يعني ما في حاجة جديدة.
اضف عناصر جديدة للوسط ...وشوف مشاكل دفاعك ...ولماذا هجوم الهلال يضيّع فرص سهلة.
كل هذه العلل ..هي علل يجب ان يعالجها الجهاز الفني.
انتصار الهلال لا يكفي ..نبحث عن الاداء الجيد ...والعرض الممتاز ...ونبغض الاستهتار ...والاخطاء السخيفة.
لماذا اللاعب يكون جيد وممتاز في مباراة ..يأتي في المباراة التالية ويظهر بعيدا عن مستواه.
هذا خلل تدريبي...المدرب لا يعرف ان يحافظ على مستويات لاعبي الهلال بعد ان وصلت لمرحلة جيدة.
مالك في مباراة الامس ...كان اسوأ مدافعا ...اي كورة يقطعها ..بسلمها للاعبي الخرطوم الوطني.
بويا ...نفس الاخطاء ...وخليفة نفس الشيء.
المعز محجوب كان جيدا ...وكذلك محمد عبدالرحمن وسيدي بيه ..الذي شارك محمد عبدالرحمن النجومية.
ملحوظة: الجزء الاول للعمود ذهب كليا نحو صلاح محمد آدم ..نتحدث في الجزء التاني عن سيدي بيه.
هوامش
سيدي بيه دا خلطة من شويات ميسي على شويات نيمار.
وعشان نشوف نهاية الحضري شنو؟..بنعمل لي سيدي بيه (حبة) بويا ...عشان الحضري قلبو يطير.
انتوا امس ما شفتوا قون سيدي بيه.
القون دا ...القون ذاتو ...لو كان في الحضري كان ح يكون (4) اقوان ...وما قون واحد.
قلت ليكم ...سيدي بيه ..شوية من ميسي زايد شوية من نيمار ..زايد حبة بويا سوداني.
قال شنو؟.
قال عندي (جيوب انفيه).
والله يا الحضري ...انت مفروض تشكر الجيوب الانفية.
الجيوب الانفية دي شافتك.
مرقتك من (الدمازين).
اها يا اكرم الهادي سليم ...(الشغل) دا بتقدر عليه.
نوع سيدي بيه ..حارس الخرطوم الوطني قال ما درسوه ليهم.
لا شافو ...لا سمع بيه.
بالله سيدي بيه يوزع فيها زي (الكعك).
اها زول في المستوى دا بقعد في (الكنبة).
انت كنبتك دي لاعبة ضد الريال يا صلاح محمد آدم.
اتمنى مباراة الهلال القادمة امام الموردة ...سيدي بيه ما يقعد احتياطي.
عاوزين نشوفو من بداية المباراة.
خلى ناس ضفر ديل قلبهم يطير.
بالطريقة دي ..باسكال بعتذر عن الدمازين.
من هنا ما بمشي معاكم.
بختكم يا ناس الدمازين.
احجزوا المرمي الشمال من هسع لي سيدي بيه.
الزول دا عندو فهم براهو.
يا احمد الحاج ...عليك الله دا ما ظلم ...هسع انا اقعد اتابع مباراة برشلونة وميلان ...وإلا اقعد اكتب عن سيدي بيه.
ميسي شغال في الجماعة زي (سيدي بيه).
ما عارف انا....سيدي بيه زي ميسي ..وإلا ميسي زي سيدي بيه.
ضربة جزاء لي برشلونة.
نشوف البحصل شنو ونكمل العمود.
الكامب نو ..كلو بقف عشان ميسي يسجل حسب قول المعلق.
قون.
ضربة جزاء وميسي ...يعني ح يكون شنو؟.
قون ..يا ابوالشباب.
دا ما عندها اي خيار تاني.
في قلب المرمي.
يا ميسي ..ما شفت سيدي بيه ...بجيب القون من نص الملعب.
انت فرحان ليك بي ضربة جزاء.
لكن شكلو كدا ..ميسي ح يسجل تاني ..من غير ضربة جزاء.
بويا جهّز (شنكارات) الدمازين.
وخليفة ..قال ...قون الدمازين ...خلوه لي.
لكن نحن عاوزين العريس (الشغيل) يحسم لينا قمة الدمازين.
جهزوا العريس من الان يا صلاح.
مباراة الدمازين دي حقت الشغيل.
الكلام دا تاني ما بنكرروا ليك.
الممتاز حق الهلال.
النيل الحصاحيصا دا ...ساكت بتقولوا عليه (نيل).
نيل (ترعة) ساكت.
كمان نحن ما بنعرف النيل.
.....
عاجل : سيدي بيه دا لو لقى (تراوري) كان صلاح محمد آدم قعد في المقصورة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.