* لا صوت يعلو فوق صوت المعركة. * معركتنا الوحيدة هى الممتاز. * ويا سلام على الصورة. * الصورة فى المنصة والمقصورة. * صورة سيدا رافع الكاس. * كاس الممتاز. * صورة تعدل الصورة المقلوبة. * الصورة المقلوبة بتاعت السنة الفاتت. * تخيلوا هلالابى يشوف سيدا رافع الكاس. * سيدا بالرقم تمنية. * الفنيلة ما حمرا. * صفراء فاقع لونها وتفقع مرارة العاضين على بنان الندم. * وأحب تمنية سيدا فى الفنيلة الصفراء. * لأن تمنية سيدا فىا لفنيلة الصفراء زى تمنية الدينارى. * فتوحنا. * ترميها بنجرك بيها خمسين. * والهلال رماها. * خمسيييييييين. * ولو جاتنا فى الصندوق ياها فتوحنا. * تمنية الدينارى لينا فرج وللآخرين سم هارى. * أيها الناس. * كورة اهلى مدنى سيدا مافى. * موقوف. * لأول مرة فى حياتو يوقف. * خكام يخطئون ولا يظلمون. * هكذا قال كبارهم. * هيثم عمرو ما أستحق كرت طيلة سبعطاشر سنة فى الهلال. * ولكنه استحق تلاتة كروت فى اول موسم مع المريخ. * ويخطئون ولا يظلمون. * المهم. * للأهلة أذا شافوا صورة هيثم شايل كاس الممتاز. * لهم ان يغنوا. * صورتك الخايف عليها ونحن ما خايفين علينا. * يمكن الضغط يجينا. * السكرى يضقلمنا ويلعب بينا. * القلب يقيف علينا. * الصداع يرجع لينا. * شحتفت الروح وخمة النفس والوحوحة تقوم علينا. * لهم ان يغنوا كيفما ارادوا. * أيها الناس. * قدامنا ممتاز..وسودان. * وتسجيلات. * ويجب ان لا نترك امر الدعم برمته على عاتق المجلس. * ولا على عاتق جمال لوحده. * يجب علينا نحن كمريخاب أهل سيدا وأسياد الحاضر والمستقبل وملوك التاريخ. * يجب علينا ان نشارك فى الدعم. * والمشاركة ما صعبة. * كورتين فى استادنا. * وأحدة الحنة الكبيرة. * والتانية الدخلة العديلة. * نجى كلنا من بدرى. * ونستف الأستاد. * نحرص على شراء جميع التذاكر المطروحة. * الدخل كلو حقنا..والنصر لنا. * بالأيمان والأخلاص والعمل. * نجى ندفع اربعمائة مليون فى الكورة الأولى. * وخمسمائة مليون فى الكورة التانية. * نكون أتفرجنا وشجعنا وأنبسطنا وأحتفلنا. * والأهم من كدة نكون دعمنا نادينا. * وصورة مع سيدا شايل الكاس للتاريخ. * للذكرى المجيدة. * وأقترح على المجلس ان يعمل صورتين كبار. * واحدة لكل الفرقة والكاس وسطها . * والتانية لى سيدا مع الكاس. * مليون نسخة من كل لقطة. * النسخة تتباع بعشرة جنيه. * وأضرب مليون فى اتنين فى عشرة بتساوى كو؟ * بربكم لو دايرين ميسى ما بنجيبوا بى تمن اللقطتين ديل؟ * أخى الفريق طارق. * تعالوا نفكر فى الحكاية دى. * لندعم نادينا بأحتفالية. * بأقتناء صورة للتاريخ. * تمنية الدينارى والكاس. * عشرة ما شوية عليكم الله؟؟؟؟ * الجماعة دايرين يجلونا. * مسكوا تمنية الشيريا(سيدى بيه)زجدعوا تمنية الدينارى(سيدا) * وجريناهم ليك. * خمسيين حرقوا. * أصلهم كانوا فى الزون. * خمسين والجوكر بايظ. * أستفزاز شديد. * وبمناسبة الجوكر. * تكريم الجوكر واجب وطنى قبل ان يكون واجب مريخى. * ولكن الحديث عنه الآن ليس مناسب من حيث الوقت. * الآن فى كلام الكاس وصورة سيدا بالممتاز. * وبعد ذلك نعلن عن تكريم الجوكر. * الملك..صباع المعجون. * السحار..الساحر..عجب. * أيها الناس. * يجب ان نساند الزعيم بالتشجيع. * ستة نقاط بتاعت الجمهور. * نجيبها من عين الحسود. * ويجب ان نساند المجلس بالدعم المهول. * نجى كلنا للكورتين. * نحرص على شراء التذاكر. * وبعد رفع الكاس أن شاء الله. * نشترى صورة سيدا والكاس. * والتيم كلو والكاس. * عائد ذلك يمكننا من تسجيل ميسى شهر اطناشر. * أيها الناس. * الوالى مشغول مع ست الحبايب فى العلاج بالسعودية. * ندعو لها بالشفاء. * ونشيل عن الراجل هم المريخ. * بالذات فى هذه المرحلة. * دايرنو لما يرجع بالسلامة. * يلقى الجمهور دعم بتذاكر الدخول. * ودعم بشراء صورة سيدا مع الممتاز. * وصورة الأبطال مع الممتاز. * ملحوظة. * لو فى زول ما مريخابى وداير صورة سيدا بالفانيلة الجديدة والكاس. * بديها ليهو هدية منى انا. * عسى الهداية تأتى من خلالها. * أها. * نجى لى شمارات والى الخرتوم. * أكان شفت يا والينا. * فى زول سألنا سؤال أجابة عليهو ما عرفنا. * قال لينا. * ماهى المدينة الصامدة والصامتة والصائمة. * كان عرفتها يا والينا قول لينا. سلك كهربا *ننساك كيف والمدينة صامتة والشعب شغال هزاز. واللللللللللللللللللى لقاء سللللللللللللللللللللللك في السلك - بابكر سلك