* نناشد السيد وزير الداخلية. * والسيد مدير عام الشرطة. * وكل أقسام الشرطة. * نناشدهم. * طالما عملوا الشرطة موحدة. * والله لا جاب الفرقة. * نناشدهم. * أن ينشأوا فرعاً جديداً للشرطة. * بمسمى الشرطة الموحدة شرطة حماية المواهب. * لأنو ما معقول ناس موسى الزومة. * وناس بلة جابر. * وناس راجى ورمضان وسيدا. * كمواهب عالمية. * يلعبا ضد البافارى. * ويرجعوا للبلد دى يشلتوهم عديمى المواهب. * يعنى رمضان البافارى يشلتوا خليفة الفارى. * فارى من الدمازين. * ولذلك يجب حماية المواهب بأنشاء فرع للشرطة يحميها. * الحكم جمبو يكون فى أتنين بوكس شرطة. * زى ناس بوى ديل يجروا ساى على ناس راجى. * الشرطة تتدخل وتحمى ناس راجى. * البوكسيين يخمشوا أعداء المواهب. * كلو رجل خط يكون معاهو دفارين وستة كلاب بوليسية. * تتذكروا الكلب لما أحتج على فاول مساوى!! * جمب راية الكورنر. * كلب بوليسى فاهم. * طوالى شرع فى حماية المواهب. * ده حالتو الوكت داك ما لعبنا ضد البافارى لسة. * فرق يا مزمل. * بين البافراى والفريق الفارى. * فرق بين تيم نا س سلك البلعب ضد البافراى. * وتيم ناس روشا وعبداللطيف ضفارى. * كورو كلها فى الضهارى. * لكن. * سيدا بختو. * سبعطاشر سنة. * يلعب ضو ولد طايع الموريتانى والدبلوماسى أفريقيا الوسطى وبتاع جزيرة ريونيون داك. * سيدا فى المريخ سنة. * طوالى قابل البافارى. * الله مرقو من الفريق الفارى. * كان أسى يكون مقابل فريق من الضهارى. * أيها الناس. * نطالب بتأمين للاعبيننا. * يعنى هيثم يحاور روبن. * يجى بوى يشلت هيثم؟؟ * ولاعبين ابو من غير شعار ديل لازم يعملوا تأمين شامل كامل. * عشان شركات التأمين تدفع الضرر أصلو فريق ماعندو شعار ما بكون عندو حق جبر الضرر. * ويا ناس شركات التأمين. * الجماعة ديل ما يغشوكم ويأمنوا بى سعر غالى. * أنزلوا شوفوا العربات تحت. * ناس خليفة ديل شاسيه ساااااى. * ما يقولوا ليكم آخر موديل. * المهم. * لا شعار الى حين أشعار آخر. * ولذلك حقو تشوفوا ليكم شعار. * وأوعك تقطع صفقة شجرة. * أيها الناس. * أسى سيد الشعار ده لو خاطب الكاف. * ورسل ليهم صورة تفيد ملكيته للشعار. * وقام الكاف خاطب فريق الشجرة. * وطالب بشغار جديد أو أثبات لملكية الشعار. * تودوا شعاركم فنيلة ملط. * لاشئ سوى اللون الأزرق؟!! * أيها الناس. * الحقد يتزايد مع أقتراب لقاء البايرن. * وأخاف أن ينفجر داخل صدور الحاقدين. * فنضطر للوقوف دقيقة حدادا فى مباراة البايرن على أرواح الحاقدين. * الجماعة ديل برضو أخواننا. * والخوف ان يطالب البايرن بضم سيدا. * الجماعة ديل عندهم مشكلة صناعة لعب. * فى دى الحق يقال. * البايرن بيشبه الهلال فى ضعف صناعة اللعب دى. * المهم. * ود امدر قال لى. * فى واحد هلالابى رسل لى ناس البايرن. * قال ليهم داير معاكم كورة ضد الهلال. * ناس البايرن قالوا ليهو خلاص رسل لينا خطاب رسمى مروس بالشعار بتاعكم. * صاحبنا مرق من النت وغير شريحتو. * خاص صفحة الأحمر الوهاج. * أها. * نجى لى شمارات والى الخرتوم. * أكان شفت يا والينا. * الموضة بقت رقيص العروس بعملوهوا فى صالة. * نسوان بس. * ويتجدعن. * العروس تتجدع. * الحاضرات يتجدعن. * الطرح والعبايات تتجدع برة. * نسوان ما حضاريات. * ما عارفات انو جديع المرأة أمام أختها المرأة حرام. * فالعورة عورة مهما كانت. * واحدات سايقات. * يجن مارقات. * أول حاجة يملصن الشباشب. * ويركبن عرباتن. * تدور تصنقع وتدنقر ويغلبها تمرق العربية. * تنزل لى زول يطلعها ليها. * وتهرج. * الحيوان ده واقف غلط. * عشان تغطى على عدم عرفتها بالسواقة. * نسوان يتجدعن. * المهم جديعن هين يا والينا. * ما شفت الرجال المجدعين فى العربات برة. * رجال كبااااااااااار. * جايين بالجلاليب والسفنجات. * قاعدين حارسين النسوان. * وما شفت النسوان لمن يجن مارقات يا والينا. * المشى فى تلتلة. * الرطوبة والزلالى والأملاح. * منفشات الشعر واقف زى ابو القنفت. * متجوهلات. * البحيرنى الراجيها ده راجيها لى شنو؟!! سلك كهربا *ننساك كيف و رقيص العروس جديع نسوان فى الصالة وجديع رجال برة الصالة. واللللللللللللللللللى لقاء سللللللللللللللللللللللك #بيليه# منقول عن صفحة الأحمر الوهاج عذراً وليس امراً بعض القراءة اضغط لايك للبوست يصلك جديد الصفحة دوام ونحن عاجزين عن شكركم لخدمتكم الجليلة هذه فى السلك**بابكرسلك
