سودارس : اتوفيستر ما عاوز مساعد مدرب ..اتوفيستر عاوز مساعد طبي

حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا بوتين: روسيا مستعدة لاستضافة الألعاب الأولمبية في المستقبل أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت عادل الباز يكتب: البلد محاصرة والشعب منصرف عن معركته "فيفا" يتّخذ موقفًا حازمًا بشأن مشاركة إيران في كأس العالم قمة الافلاس.. وآخر "البليلة حصحاص"..!! شكوى الهلال تربك «الكاف».. والتأجيل لغدًا الثلاثاء شاهد بالصورة والفيديو.. بعد إيمي سمير غانم.. "كورال" مصري يغني أغنية الفنانة السودانية توتة عذاب "الترند" وشاعر الأغنية يعبر عن إعجابه شاهد بالفيديو.. حمزة عوض الله يهاجم الشاعرة داليا الياس بسبب تبادل السلام بالأحضان مع المطرب شريف الفحيل ويصف المدافعين عنها بأصحاب الفكر الديوثي عثمان ميرغني يكتب: حلفا .. والشمالية.. قوى سياسية في السودان تعلن عن مقاطعة مؤتمر في برلين شاهد بالفيديو.. في ظهور مثير.. رجل يمسك بيد الفنانة هدى عربي كأنه عريسها ويدخل بها لقاعة الفرح والشائعات تلاحق السلطانة هل هو زوجها؟ الكاف.. (الجهاز) في القاهرة و(الريموت كنترول) في الرباط دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اتوفيستر ما عاوز مساعد مدرب ..اتوفيستر عاوز مساعد طبي

محمد عبد الماجد نشر في النيلين يوم 26 - 02 - 2014

عند اسحق أحمد فضل الله ...مثل هذه المداخل (الشائكة)...ضع (4) برتقالات في (قارورة) ثم خج القارورة جيدا ... سوف تخرج لك من هذه القارورة (كديس).
ضع (الكديس) في (كُرس) ...ثم اقفل القوس عليها تحصل على قرض من احد البنوك.
ما تستغربوا لي كدا ...(اسحق احمد فضل الله) بعملها.
ناس المريخ قالوا جايبين (اتوفيستر)..اصبروا ما تضيقوا اتوفيستر ماشي ليكم عليه.
طالب الطب الذي قفز من الطابق العاشر على رأسه لم يمت...لم يصب بشيء.
اتعرفون لماذا؟.
اجل يا بنيّ.
لأن تلك (القفزة) التى كانت من الطابق العاشر الي الارض كانت في (المنام).
اسحق بسويّها.
ثلاث (صينيات) عيونهم (خدر) متل ملاح البامية المفروكة ...دخلوا غرفة (فاضية) قرد ما فيها ...طلعوا من الغرفة نفسها (4) صينيات....(الصينية) الرابعة جاءت من وين؟.
بسيطة ...الصينية الرابعة صينية الغداء.
ناس المريخ قالوا جايبين (اتوفيستر)..اصبروا ما تضيقوا اتوفيستر ماشي ليكم عليه.
واحدة تانية.
صفوف الجاز في الحلفايا والكلاكلات والحاج يوسف ...كل هذه الاشياء سيناريو غير حقيقي ..ومسرحية من مسرحيات الحركة الشعبية (قطاع الشمال).
ناس المريخ قالوا جايبين (اتوفيستر)..اصبروا ما تضيقوا اتوفيستر ماشي ليكم عليه.
واسحق ممكن يكتب بخياله (السياسي).
اصابة وليد علاءالدين في مباراة الهلال والميرغني الودية ..حسبها البعض التواء عادي ..وانما هو عمل مخطط له من قبل (الولايات المتحدة الامريكية).
لورانس فيرلنجتي كان يصرخ ضد (الصمت)...داعيا دوما لجلسة (نطق).
لورانس يصرخ.
مرة أخرى!
حان الوقت لكي تنطقوا
كلكم يا عشاق الحرية
كلكم يا من تنشدون السعادة
كلكم أيها العشاق الغارقون في أحلامكم
أيتها الأغلبية الصامتة
حان الوقت لكي تنطقوا
قبل أن يصلوا إليكم!
لكن (الصمت) هما مقسم على كل المقاعد مثل اغاني (انصاف مدنى) في حنة العريس الكبيرة.
والناس (مدورة) الدرب.
ها زول ها.
واقف تلقط في الدروب
درب البجيك بفتح جرح
درب البفوت بفتح جروح
مسكونة علتو في السكات
مسكوتة سكتو في النضم
يا ماشي فوق القيف اقيف
دربك طلع
فجرك بزغ
باكر تفتح (ضحكتك)
وترجع الناس للمقيل
شاي العصر
واللمة في البيت الكبير
في احدى مسرحيات عادل امام على ما اعتقد ، كانت كل خبراته وشهاداته التى يقدمها للناس هو انه (ساقط اعدادية).
والسقوط في الاعدادية في وقت من الاوقات كان من علامات (الشفتنة).
الاعدادية طبعا هلى المرحلة الاولى في مراحل التعليم الحكومي ..وتسبقها مرحلة ما قبل التعليم الحكومي وهى مرحلة (التمهيدي) او الروضة.
ناس المريخ قالوا جايبين (اتوفيستر)..اصبروا ما تضيقوا اتوفيستر ماشي ليكم عليه.
قالوا ليك فنان غنى في حفلة (يا روضة طيبك جاني ليل)...المريخاب كلهم اتخارجوا من الحفلة.
المريخاب بتحسسوا من الحكاية بتاعة (الروضة) دي.
فنان تاني غنى (وداعا روضتى الغنا)...المريخاب ما عرفوا يمشوا وين؟.
لو عاوز تعقد ليك مريخابي جيب ليه سيرة (الروضة).
الشخص الساقط اعدادي ..او (ابتدائي) او ما يعادل مرحلة الاساس الان ..بمعنى انه لم يتجاوز مرحلة الاساس بنجاح ولم يحصل على شهادة.. يعادل رياضيا الشخص الذي يخرج من (التمهيدي).
اي دور ال (64).
بل ان الذي يخرج من هذه المرحلة اسوأ (درجة) من ساقط الاعدادية لأن ساقط الاعدادية على الاقل اكمل مرحلة (التمهيدي).
وجماعتنا ديل ..(التمهيدي) ما كملوه.
طلعوا من دور ال (64).
انت تاني عاوز تتكلم لينا عن (التمهيدي) نحن الملف دا موش قفلناه خلاص.
تاني البرجعك ليه شنو؟.
برجعني ليه ..البحصل في المريخ دا.
الايامات دي في حالات (زعل) حايمة في المريخ.
هيثم مصطفى زعلان ..وما بجي التمارين ..وعشان يصلحوا الحكاية قالوا عندو (جيوب انفية).
الشغل دا شغل (زعل)...ما شغل (جيوب انفية).
عبدالصمد الذي كان رئيس بعثة فريق المريخ في يوغندا ..هو ايضا زعلان.
الزعل كاتلو.
الاجتماع الذي ناقش فيه اسباب الخروج وتقرير رئيس بعثة المريخ ليوغندا لم يحضره عبدالصمد رغم من انه كان هو رئيس النادي.
اها عبدالصمد دا برضو عندو (جيوب انفية).
الزعلة التالتة ..هي الزعلة القوية ..وهي زعلة (كروجر) الذي سافر الي مصر (اتعاقد) مع انبي وجاء راجع.
وديل قاعدين يتابعوا لي في المسلسل التركي.
من بعد المريخ انهى تعاقده مع (كروجر).
وحكاية كروجر حكاية.
(بس الكلام دا ما يطلع من العمود دا).
ناس المريخ قالوا جايبين (اتوفيستر)..اصبروا ما تضيقوا اتوفيستر ماشي ليكم عليه.
اصبروا يا جماعة ...الموضوع دا يقولوه ليكم الف مرة.
اصبروا ..اتوفيستر يعني ح يمشي مننا وين؟.
خلاص الهلالاب عاوزين يتلحوا (اتوفيستر).
يا جماعة الزول دا في سن ما بقدر على (التلح) دي.
الزول دا اتقدمت بيه السن.
2007 كان ما بشوف.
هسع نحن في 2014 م ..اكيد يكون بقى لا بشوف لا بسمع.
لا سمع لا شوف ..دا عاوزين بيه شنو؟.
سبع سنوات.
سبع سنوات موسى الزومة دا ..كبر فيها ما يكبر فيها اتوفيستر.
نرجع لي (كروجر) اولا ..ثم نعود ونشوف حكاية (اتوفيستر) دا.
كروجر طبعا فريق سان جورج الاثيوبي انهى التعاقد معه بعد ان خسر سان جورج وفقد فرصته في التأهل من مرحلة المجموعات.
يعني كروجر طيّر سان جورج في مرحلة المجموعات وجاء هنا ليطير المريخ في مرحلة (التمهيدي).
تم انهاء تعاقد.
الجماعة ديل كل ما يطيروا ليهم من منافسة بقوموا (يطيروا) المدرب.
في الامارات اتغلبوا امام الظفرة ..طيروا الكوكي.
رجعوا هنا ..اتغلبوا في التمهيدي وطاروا من دور ال (64).
قاموا شالوا (كروجر).
يعني كل (طيرة) كدا بي مدرب.
اتوفيستر دا ..بي سنو دي ...(درع) بطيروا ليكم.
معقولة تجيبوا ليكم (مدرب)..شغال بالوصف.
دا بكون الي الان بلعب بي خطة سنة 1890.
مدرب (قديم).
في واحد قال لي اها (الطقم) البكون شغال مع المدرب دا طقم شنو؟.
طقم الماني وإلّا طقم سوداني؟.
قلت ليه طقم (اسناني).
زولكم دا قبل الطقم الفني ..جيبوا ليهم (طقم اسنان) عشان ما تتعبوا ساكت.
بعدين المدرب اتوفيستر دا ما عاوز ليه مساعد مدرب.
عشان نكون واضحين معاكم ..دا عاوز ليه مساعد طبي.
زولكم كبير في السن ..بحتاج للراعية الطبية.
دا ناس موسى الزومة ما بسمعوا كلامو.
اتوفيستر سنة 2007 كان بتم ليه (الكواريك) مساعد المدرب.
ناس المريخ ديل مالهم شغالين (اعادة) كدا.
ناس المريخ بقوا زي ناس التلفزيون القومي.
اعادة ساكت.
جابوا كروجر (اعادة).
كروجر رجع.
جابوا اتوفيستر (اعادة).
ديل من كترت (الاعادة) البعملوا فيها ..قالوا ليك فيصل العجب ذاتو ح يجي المريخ (اعادة).
جمال الوالي عمل (اعادة) كم مرة.
عبدالصمد ذاتو (اعادة).
ديل ناس (اعد) ذاتهم.
اها اقول ليكم حاجة اكيدة ..بعد (اتوفيستر) ما يطير من البطولة القادمة ح يجيبوا (دي سلفا).
تعيدوا في حاجاتكم كدا ..زي الحاجة السمحة ...وهي كلها اشياء كان قد سبق (فشلها).
والمجرب لا يجرب.
اتوفيستر دا قالوا ليك المباراة يكون فيها (7) اقوان ...يقول ليك بعد نهاية المباراة (التعادل) دا كويس معانا.
ما بشوف اعمل ليه شنو انا؟.
قالوا ليكم الحكم وقت يطرد بلة جابر بالكرت الاحمر..اتوفيستر بقول الموضوع دا كويس معانا بنلعب امام فريق ناقص لاعب.
قالوا ليك مرة اتوفيستر دا سنة (2007) قال لفيصل العجب قوم سخن.
العجب قام سخن دخل (احمد الباشا) وسحب اكرم الهادي سليم من الملعب.
زول كبير في السن ..اعمل ليه شنو انا؟.
قلت ليكم جيبوه.
قلت ليكم رجعوه.
اها من هسع بقول ليكم ..تعبتوا معانا.
شيلوا شيلتكم.
اديتونا موضوع نكتب فيه شهر ونص.
خاصة واننا فقدنا عصام الحضري.
قالوا ليك عصام الحضري رجع للمنتخب المصري.
لو كان بيلعب في المريخ ..كان منتخب (كفر البطيخ) ما اختارو.
ملحوظة : اتوفيستر ..انتوا عندكم (ندوة) يا جماعة عشان تجيبوه بعد العمر دا.
هوامش
المحامي امين صاحب النظرة الفنية ..والخبرات الكبيرة في الملاعب قال ان نصرالدين النابي جعل ايقاع الهلال اكثر سرعة.
وسرعة الايقاع تحتاج الي لاعبين اصحاب مقومات معينة.
الاستاذ امين يرى ان تقدم اتير توماس الي الوسط سوف يكون فيه فايدة للهلال اكبر ..كما ان سيدي بيه ووليد علاءالدين هم الاقدر على التجاوب مع الايقاع السريع والون تو.
امين يري ان المهاجم صلاح الجزولى اولى باللعب في تشكيلة الهلال قبل كوليبالي ومدثر كاريكا ..لأن صلاح الجزولي لاعب قوي ..وقادر على حماية كورته وفوق هذا فهو مهاجم قناص وهداف.
نتفق مع المحامي امين ..ونتمنى الاستفادة من تحليلات هذا الرجل في وسائل الاعلام المختلفة لأن رؤيته الفنية دائما صائبة.
مباراة الهلال اليوم امام الاهلي الخرطوم نبحث فيها عن الثقة ..والشباك النضيفة ..والاداء الجميل.
على الهلال ان يؤكد صدارته اليوم.
المريخ مهدد بفقدان الصدارة امام الخرطوم الوطني.
وناس الخرطوم الوطني ح يعملوها.
وقلق سوف يعيد هدف فيصل العجب.
هم ديل فاضيين لي من غيار المدربين.
يغيروا في المدربيين متل (البرتكان).
كروجر شابكنا ليك في فترة الاعداد كلها ..استفدت من التجربة ..استفدت من التجربة.
اها الاستفادة دي إلّا تترجمها بعد كدا في (انبي).
المريخ الذي دفع مليارات الجنيهات اكثر من (30) مليار جينه في فترة الاعداد ولعب امام بايرن ميونخ وريد بول وزينت ..لغى هذه الفترة ولم يتسفد من تجاربها بعد ان اعفى المدرب الذي اشرف على المريخ في فترة الاعداد.
.........
عاجل : تفتكروا اتوفيستر دا عاوز ليه كم شهر ..عشان يستوعب ليكم انو هيثم مصطفى بيلعب في المريخ ولا يلعب في الهلال ..(المعلومة) دي عشان تصل اتوفيستر عاوز على الاقل (6) شهور.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.