سودارس : فرق نابى عطا الله المحظوظة!

إيه الدنيا غير لمّة ناس في خير .. أو ساعة حُزُن ..! خطة مفاجئة.. إسبانيا تستعد لترحيل المقاول الهارب محمد علي إلى مصر مشاهد من لقاء رئيس مجلس السيادة القائد العام ورئيس هيئة الأركان (خطاب العدوان والتكامل الوظيفي للنفي والإثبات)! من اختار صقور الجديان في الشان... رؤية فنية أم موازنات إدارية؟ المنتخب المدرسي السوداني يخسر من نظيره العاجي وينافس علي المركز الثالث الاتحاد السوداني يصدر خريطة الموسم الرياضي 2025م – 2026م البرهان يزور جامعة النيلين ويتفقد مركز الامتحانات بكلية الدراسات الاقتصادية والاجتماعية بالجامعة وزير الصحة المكلف ووالي الخرطوم يدشنان الدفعة الرابعة لعربات الإسعاف لتغطية إعلان خارطة الموسم الرياضي في السودان غنوا للصحافة… وانصتوا لندائها ترتيبات في السودان بشأن خطوة تّجاه جوبا توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. لاعب المريخ السابق بلة جابر: (أكلت اللاعب العالمي ريبيري مع الكورة وقلت ليهو اتخارج وشك المشرط دا) شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! ميسي يستعد لحسم مستقبله مع إنتر ميامي تقرير يكشف كواليس انهيار الرباعية وفشل اجتماع "إنقاذ" السودان؟ محمد عبدالقادر يكتب: بالتفصيل.. أسرار طريقة اختيار وزراء "حكومة الأمل".. وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم "تشات جي بي تي" يتلاعب بالبشر .. اجتاز اختبار "أنا لست روبوتا" بنجاح ! المصرف المركزي في الإمارات يلغي ترخيص "النهدي للصرافة" الخرطوم تحت رحمة السلاح.. فوضى أمنية تهدد حياة المدنيين "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أول أزمة بين ريال مدريد ورابطة الدوري الإسباني أنقذ المئات.. تفاصيل "الوفاة البطولية" لضحية حفل محمد رمضان شهادة من أهل الصندوق الأسود عن كيكل بزشكيان يحذِّر من أزمة مياه وشيكة في إيران لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر مصانع أدوية تبدأ العمل في الخرطوم خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة بنك أمدرمان الوطني .. استئناف العمل في 80% من الفروع بالخرطوم زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين شرطة البحر الأحمر توضح ملابسات حادثة إطلاق نار أمام مستشفى عثمان دقنة ببورتسودان السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

فرق نابى عطا الله المحظوظة!

بابكر سلك نشر في النيلين يوم 01 - 04 - 2014

* غايتو أول أمس الحظ ذاتو أحتار..
* الحظ ذاتو قال حظك حيرنا يا هلال..
* قال يا ريتنى لو محظوظ زى الهلال..
* ده ما حظ طبيعى..
* ودرهم الحظ بفوت قنطار الشطارة..
* ودرهم الحظ يهزم الشطارة أمام الشتارة..
* الهلال عرف قدر نفسه..
* لذلك لعب بتشكيلة كلها مدافعين..
* حتى بكرى وكاريكا كانوا بدافعوا أكثر من المدافعين..
* خايفين..
* خايفين من المرافعين..
* تشكيلة ما فيها من يصنع لعب..
* لأنو الهلال أساساً عارف روحو ما عندو لعب..
* عندو حظ بس.,
* عشان كده صناع اللعب ناس وارغو وسيدى بيه وبشة ومهند وغيرهم..
* كانوا برة..
* كانوا برة لأنو القصة ما كورة..
* القصة حظ ماسورة..
* المهم..
* تتذكروا مسلسل عادل أمام..فرقة ناجى عطا الله..؟
* المسلسل الفتح فيهو المؤلف خيال..
* وترك لفرقة ناجى عطا الله البطولة فى أنها تدخل أسرائيل وتفسد فيها وتدقسها..
* فتح خيال زى الخيال..
* المؤلف ده..
* لو قالوا ليهو أفتح لينا خيال فى كورة الهلال الفاتت دى..
* ما كان قدر يفتح خيال يطلعها تعادل لو خيالو اكن من هنا لى جدة..
* حاجة حيرت الخيال ذاتو..
* الجمهور يرجف..
* الأحتياطى يرجف..
* الجوة الميدان يرجف..
* رجفه زى الرجفه..
* رجفه زى رجفة المعلقه لما تكون قاعدة فوق سكرية الجلى فى صينية شايلاها بنية تمشى بيها الهوينة..
* تلقى الجلى يرجف والسكرية ترجف والملعقة ترجف والصينية ترجف والبنيه ذاتها بتتراجف وترجف..
* وصوت المعلقه فى السكرية تن تن تن..
* جننوا الصينية جن..
* وكان ما أخاف الكضب..
* أمس صوت المعلقة فى الأستاد كان ظااااااااهر..
* تن تن تن..
* صوت المعلقة بقول أنهيها يا حكم..
* الجمهور يرجف وحاتم التاج يرجف وكاب الناجى يرجف والأتحاد العام يرجف..
* رجفة من أمها..
* وفرقة نابى عطا الله الحظ الجاها فرقة ناجى عطا الله ما شافتو..
* لكن قد يبتلى الله بعض القوم بالنعم..
* يديك نعمة التأهل..
* ويدخلك فى مجموعة تتمنى معاها الطيران..
* مجموعة مش حاتقدر تغمض عينيك..
* ترمش ساااااااى..
* تجيب من جوه..
* ونبقى فى خمسه وستة وما دايرين..
* أيها الناس..
* لى أسى لا الجمهور مصدق ولا أفراد فرقة نابى عطا الله المحظوظه مصدقين..
* لكن بيتظاهروا بالفرح..
* أمس قابلت صديقى حسن مراقب محكمة كررى الشرعية..
* كان خجلااااااااااااان..
* لكن حاول يتماسك..
* قلت ليهو كيف يا حسن..
* قال لى تمام..طالما الهلال كويس نحنا كويسين..
* قلت ليهو ياتو هلال الكويس ده..؟
* باع أمس الشفناهو ده..؟
* ده حالتو كويس..
* يرجف يرجف لما أفتكرنا ماسكو تتنوس..
* تقول لى كويس..
* أمال لو عيان كيف ياحسن..؟؟؟
* قال لى أنتو طرتو..
* قلت ليهو طرنا ومعروف وين مطارنا..
* المشكلة أنتو..
* الطيارة الماليزية فى زول عرف محلها..؟؟؟
* دخلت مجالات ومجموعات جوية ما قدرها..
* لا لقوا الطيارة ولا لقوا الصينيين الراكبين ..
* وطيارتكم مليانة صينيين يا حسن..
* لآعب أصلى واحد ما عندكم..
* الماليزية يا حبيب..
* حبة صبر والسرير التانى برد شديد..
* أيها الناس..
* أبراهومة المخلص بدأ من الأشبال..
* تنحى لأنه يريد أن يرتاح..
* ولأنه تحمل ظلم الأهل كثيراً..
* شكرخ واجب..
* لأنه مهما طال الزمن لن يتخلى عن أنتمائه..
* فالمريخ سواء فى منصب أو بعيد عن منصب مكسب..
* فكل أرجائه لنا وطن..
* أيها الناس..
* عندنا أستاذ مدرسة قديم وشاطر فى حلتنا..
* كان فى ولد من أولاد الحلة ممتحن..
* الأستاذ يراهن على عدم نجاح هذا الولد..
* قام الولد نجح..
* قالو للأستاذ الولد نجح ودخل الجامعة..
* قال ليهم خطأ فى التصحيح بكرة بترفت..
* أول أمس قابلتوا وقلت ليهو الهلال صعد للمجموعات..
* قال لى خطأ فى التصحيح وبكرة..
* قلت ليهو ما تتمها خليهم يتموها براهم..
* المهم..
* مليار الكرامة ماشى زى الورد..
* وصلتنا رسائل وألتزامات كتيرة..
* أطنها كملت أو قاربت أن تكمل المليار..
* وديل أهلى..
* وأعجبنى أوتوفيستر لما قال البكسل برجعوا الرديف..
* بس كان يتمها بعبارة أنتظرناها طويلاً..
* وبرفع بدلوا واحد من الرديف..
* دايرين نشوفهم فوق يا خواجة..
* أيها الناس..
* فى المجموعات قالوا ساقفين خرسانة..
* مافى راس بيت بتزبل..
* وقالوا وفاق سطيف..قال لو الهلال وقع فى مجموعتى..
* أنا طالبة كورة زاغ منها فى البطولة العربية..
* يلعبها معانا أول..
* أو نديهو حق الكورتين فى كورة واحدة..
* ولكن هل يحالف الحظ فرقة نابى عطا الله فى المرحلة المقبلة..؟؟
* الحظ وحده بيجيب..
* يجيب من جوه..
* أها..
* نجى لى شمارات والى الخرتوم..
* أكان شفت يا والينا..
* الطماطم رقدت لكن ما بتتقطع لينا..
* ما زى طماطم زمان مسكينة..
* ما بتتقطع لينا بالطورية خليها بالسكينة..
* ومعروف يا والينا..
* أنو موية السلطة أهم شى لدينا..
* ممكن بعد السلطة تكمل نشربها يا والينا..
* وممكن نرش بيها باقى الكسرة الفضل لينا..
* لكن سلطة اليومين دي يا والينا..
* يااااااابسة نقطة موية منها ما بتجينا..
* تبعتوا موية السلطة لى مياه ولاية الخرطوم يا والينا..
* ولا نشفتوا ريق السلطة بالسماد الهارينا..
* بلوا السلطة عليكم الله تانى لينا..
* النشاف ده نشفنا يا والينا..
سلك كهربا
* ننساك كيف وموية السلطة أتبخرت سماداً والسرطانات ملت البلد...
والللللللللى لقاء
سللللللللللللللك
في السلك - بابكر سلك

انقر هنا لقراءة الخبر من مصدره.