سودارس : انتوا (الارنب) دي جنت !!؟

شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 ماجد المصرى: الخلاف فى أولاد الراعى تجاوز المال إلى جوهر العلاقات الأسرية هل يمكن علاج الكبد الدهنى؟.. دراسة جديدة تربط الوقاية بفيتامين ب3 الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ إيطاليا تقترب من المونديال رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ماذا قال العميد طارق كجاب بعد إحالته المفاجئة للمعاش؟؟ ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

انتوا (الارنب) دي جنت !!؟

محمد عبد الماجد نشر في النيلين يوم 18 - 05 - 2014

عملنا بحث للمريخ في (غوغل) ...ادانا (مقصورة)
"""""""""""""""""""""
المريخابي بقى زي (يونسشلبي) فيمدرسةالمشاغبين ..(جملةمفيدة)واحدةمابقدريقولها
""""""""""""""""""""
عشاناريحكم ..واقطعهامعاكم ...الحاجاتالبعملفيها(نزارحامد)ديالتلفزيونالارضيمابلتقطهاليكم..دي حاجات بشفروها من الناس البطلعوا من دور ال (64)
"""""""""""""""""""""""""""""""
. عندما اجريت قرعة المجموعات في القاهرة ..كتب الحبيب مزمل ابوالقاسم ان القرعة بين (7) سباع وارنب...وكانت اشارة مزمل القاسم الواضحة الى الهلال باعتباره (ارنب).
. وحقنا نحن ما بنخلي ..عارفين نفسنا في يوم زي دا بنفتح الدفاتر نتحاسب.
. انتوا قايلناه سايبة.
. نحن اي حاجة عندنا بي نظام ..(يقولوا ليكم الكلام الف مرة).
. ما فاضل إلّا نعمل ليكم مؤتمر صحفي ..ونشرح ليكم النظرية دي.
. فترنا.
. ونفسنا قام.
. ناس صلاح الجزولي ديل عندهم (فهم) براهم.
. حقهم ما بخليوه ..ان شاءالله يشيلوه (طحنية).
. عليك الله (الطحنية) الدخلها شنو هسع دي؟.
. يا جماعة اصلا انا وقت اكون (فرحان) بدون مناسبة كدا بدخل ليك (الطحنية) في الموضوع.
. تلقاني من غير اي داعي ..جبت ليك (طحنية) في الموضوع.
. من غير ما اشعر.
. ولا بكون قاصد اكتبها – بلقاها نزلت براها زي (الرصيد).
. تنزل كب كرب.
. عشان تبقوا فاهمين النظرية دي.
. موش مرات (فجأة) كدا بتكون ماشي على البيت ..بتلقى نفسك طالع ليك في (قوز).
. قوز شنو كمان؟...انت عاوز تجيب لينا الكلام.
. الكلام دا ما تقولوا في العمود دا.
. والله ديل عاوزين ليهم (سبب).
. يتلفتوا متل الركشة الساعة اربعة.
. الواحد لو (عطس) تلقى في خمس ركشات واقفة قدامك.
. ارجع ليكم لي مزمل ابوالقاسم.
. يا مزمل نحن اول مرة نشوف لينا (ارنب) بتصل مرحلة المجموعات.
. دي ما (ارنب) نصاح.
. دي (ارنب) سرها باتع.
. دي ارنب السرور ان شاءالله.
. طيب اذا كان (الارنب) بتصل المجموعات ....الفريق البطلع من دور ال (64) يقولوا عليه شنو؟.
. الفريق البطلع من قولة تيت يكون شنو؟.
. ديل طلعوا قبل ما يجيبوا شاي الصباح.
. لعبوا امام بايرن ميونخ ..وطلعوا من دور ال (64).
. عليكم الله الطلوع من دور ال (64) دا عاوز ليه مباراة مع بايرن ميونخ.
. دي وادي دجلة ممكن يعملها.
. ولا عاوزة ليها معسكر في قطر.
. ولا عاوزة كمان سفر بي قطر.
. والله نحن غلبتنا.
. شقتنا الحيرة عديل كدا ..وقعدنا نتغالط في الشارع.
. انتوا في (عطبرة) رأسكم بضرب.
. في الحصاحيصا ..لسانكم ربط ..الواحد فيكم يبقى زي (يونس شلبي) في مدرسة المشاغبين ..جملة مفيدة واحدة ما بقدر يقولها.
. نحن قلبنا في قاموس (كبد الحقيقة) قلنا نجد ليكم اسم او وصف.
. ان شاءالله (ترباس).
. مفك.
. اي حاجة.
. ديل لو عملتوا ليهم بحث في (غوغل)....غوغل بقطع...خليها (كبد الحقيقة).
. تخش تاني تعمل بحث.
. غوغل بيدك شوال (اسمنت).
. تعمل تاني بحث ...بيديك (سيخ).
. اعمل بحث تالت ..بيديك (لوري طوب).
. لو عصرت شديد كدا على (غوغل) ..بيديك (مقصورة).
. تاني لو اتقطعت - (غوغل) فوق (المقصورة) طوبة ما بزيدك.
. غوغل ذاتو رأسو بضرب ..غوغل بقى زي (موسى الزومة).
. موسى الزومة قالوا عاوزين يشطبوه.
. ليه كدا؟.
. موسى قال ليهم لو عاوزين تشطبوني ما تشطبوني يوم الخميس.
. قالوا ليه يا موسى الزومة؟.
. قال ليهم يوم الخميس عندنا حفلة.
. خلوه موسى الزومة هسع ..زولكم ماشي النيل الحصاحيصا.
. فك موسى الزومة.
. طيب يا جماعة ..جيبوا ليكم ورقة وقلم.
. واي زول يقعد يحك لينا (راسو) مقدما.
. عشان تاني ما في فرصة لي انك تحك رأسك.
. ما تقعدوا (تستغربوا) لينا زي عربية التلج.
. اول عربية التلج بتستغرب.
. جيبوا ليكم ورقة وقلم ..وتعالوا.
. نشرح ليكم العملية.
. قون صلاح الجزولي زي (العقد).
. خلاص تاني ما في اي طريقة لي اللولوة ..والزوغانات.
. خلاص الموضوع بنتهي على كدا.
. وقبل الورقة والقلم ...اقفلوا (الموبايلات).
. واحسبوها معاي يا جماعة.
. فريق وصل مرحلة المجموعات في البطولة الكبرى التى خرج منها فريق الاهلي المصري والقطن الكاميروني ..بقولوا عليه (ارنب).
. الناس القاعدين حارسين لينا (سور) استاد المريخ ..يقولوا عليهم شنو؟.
. الموسم دا إلّا تاكلو (ترمس).
. فاضيين وما عندكم شغلة.
. وقت تغلبهم الحيلة ..بكتبوا ليهم عمود في (المقصورة).
. يقعدوا كدا يشكروا ليك في (النجيلة).
. ما عندهم (كورة) يعملوا شنو يعني؟.
. تسالي كيف معاكم.
. زي افلام.
. في فيلم عربي جميل شغال في روتانا سينما.
. ما تقعدوا لينا كدا ..تملونا فقر.
. عينكم حار.
. الولد كان عاوز يروح فيها.
. شوفوا ليكم حاجة اعملوها.
. تموها (نجيلة).
. الناس البلعبوا في المجموعات (ارانب).
. الناس البلعبوا في (سيكافا)...بقولوا عليهم شنو؟.
. كدا ادخلوا اعملوا بحث في (غوغل)..شوفوا لو اداكم اكتر من (المقصورة).
. والله فوق المقصورة ...(طرف شمال) ما يدوكم.
. يا جماعة ..انتوا سامعني.
. كدا ...خلوا الشفقة ..واحسبوها معاي بالورقة والقلم.
. الفريق البلعب في دورة حوض النيل يقولوا عليه شنو؟..اذا كان الفريق البلعب في المجموعات (ارنب).
. قلت ليكم نحن غلبتنا.
. غايتو (وانتوا ما طالبني حليفة)..انا اول مرة اشوف لي (ارنب) بتأكل ليها (اسد).
. وقبل الاسد دا ..انتوا عارفين الحصل شنو لفريق المريخ امام الهلال في بطولة الممتاز.
. سيحة ذاتو شهد بالحكاية دي.
. قال ليك قون نزار (صحيح).
. وقون بشه صحيح.
. تاني يعملوا ليكم شنو؟.
. والله فيصل سيحة من (انفعالو) قرب يقول وهدف (خليفة) القاعد برة في الكنبة برضو (صحيح).
. ايوا كدا يا سيحة ..قول الحقيقة ..واعترف بالحاصل.
. المريخ مرقو السمؤال محمد الفاتح والمعز شطة.
. يمين لو ما المعز شطة ..شكلتكم كانت الي الان بتكون مدورة في صينية (القندول).
. هسع عصام الحاج ما مريحكم.
. انت قلت صينية القندول.
. ايوا قلت صينية القندول ..امال قلت البنك المركزي.
. انتوا مالكم عاوزين تعملوا لي مشاكل؟.
. يا جماعة ما تقولوني كلام ما قلتو.
. ما تقعدوا تقطعوا لي من رأسكم كدا.
. قال (ارنب) قال.
. الجماعة عملوا ليهم (مقصورة ماسية) وطلعوا من دور ال (64).
. المقصورة في شنو؟.
. وكمان ماسية.
. والله دورة حوض النيل دي لا عاوزة ليها ماسية ولا عاوزة ليها مقصورة.
. دي مساطب شعبية ..كتيرة عليها.
. دورة حوض النيل دي مفروض تمشوا تلعبوها في ميدان عقرب.
. استادكم السمح دا كتير عليها.
. اها بعد كدا يا مزمل مقصورتكم الماسية دي إلّا تعملوها (صالة) اعراس.
. اقلبوها (صالة)..اصلو كورة ما عندكم ليها.
. الكورة خلوها للارانب ديل.
. ناس نزار الصاقعة (ما شاءالله).
. والله كل ما اشوف نزار الصاقعة ..اقول جمال الوالي مفروض كل تلاتة يوم يصوم ليه تلاتة يوم.
. موش حلف.
. ومزمل ابوالقاسم ذاتو مفروض يصوم.
. يصوم عشان كلامو كتير.
. بابكر سلك ما بقدر على (الصيام) بقعد ينطنطن.
. كفاية علي سلك شهر رمضان.
. كمان بعد الضغط الجايبوني لي سلك ناس بلة جابر ..عاوزين تصوموه تلاتة نزار حامد.
. سلك ذنبو شنو؟.
. نزار حامد ..امس عمل اي حاجة في الكورة ..اي اتنين لاقوه من ناس مازمبي عمل ليكم منهم (شوربة كوارع).
. يجمع ويطرح فيهم زي (المرارة).
. زي الزول القاعد ناصية براهو.
. زي شاي اللبن العصر.
. مازمبي امس كلو بقى علاءالدين يوسف.
. نزار شغال في الجماعة (خراطة)..يوديهم ..ويطلعهم ..ويقول ليهم تعالوا ..لا ارجعوا تاني.
. نحن قاعدين برة جاب لينا (دوشة).
. نزار الصاقعة ما فاضل ليه امس ..إلا يعمل حفلة شاي في (السنتر).
. وكأنو ما بعمل في حاجة.
. تقول دا اسامة كيبلو.
. تقول دا عوض احمودي.
. تقول حافظ.
. تقول دا شنو بس؟.
. دا شنو يا نزار ...انت قايل نفسك بتلعب في الدوري الاسباني.
. يمين البعمل فيه نزار حامد دا ..في الدوري الاسباني ما شفناه.
. ناس المريخ طبعا ما بكونوا شافوا الحكاية دي..(الكرت مشفر).
. والحاجات البعمل فيها نزار حامد دي ..طبق النيلين ما بجيبها.
. طبق شنو؟.
. دي إلا مع ناس سامر العمرابي ومحمد عبدالجواد وفوزي التعايشة وسوار الدهب.
. طبق شنو البجيب ليكم حاجات زي دي.
. كمان طبق النيلين بنقل الدوري الاسباني.
. وعشان اريحكم ..واقطعها معاكم ...الحاجات البعمل فيها نزار حامد دي ..في التلفزيون (الارضي) برضو ما بتلقوها.
. ما بتظهر في الاساس.
. ولا بلتقطها ليكم ..(انتوا قايلنها دورة حوض النيل).
. الموضوع دا كبير على ناس بلة جابر.
. ناس بلة جابر البطلعوا من دور ال (64).
. والخروج من دور ال (64) ذاتو بقع ليهم في عطبرة.
. يا دوب استوعبوا الحكاية – عشان كدا بلة جابر قعد يبكي في عطبرة.
. اتفقع بكاء في عطبرة.
. ناس عطبرة قالوا في شنو؟.
. احرجتونا مع ناس عطبرة.
. ناس عطبرة ديل ..الواحد لو طلع فيه (قطر) ما ببكي.
. المهم يمكن دموع بلة دي تكون الدموع الاخيرة.
. يمكن يغادر كشوفات المريخ مع ناس موسى الزومة.
. موسى الزومة ماشي ..ماشي.
. لكن الحاجة الما قادر استوعبها ...انوا الهلال بعد الحاجات البعمل فيها دي (ارنب).
. تتخيلوا.
. انتوا بتصدقوا الكلام دا.
. الهلال الذي جندل مازمبي ..ودرسو ليك.
. الهلال البلعب مع الكبار ..الترجي والصفاقيصي ومازمبي (ارنب).
. والجماعة البعلبوا مع المان الصومالي والبوليس والملكية جوبا ...ما ارنب.
. ما ارنب.
. ما عاوزين نقول اسم.
. يكونوا شنو؟.
. قلت ليكم نحن غلبتنا.
. وقفت لينا في حلقنا.
. ديل بلعبوا ليهم مع اندية اسماها زي اسماء (البوهية).
. انتوا الاسماء دي بتجيبوها من وين؟.
. اقصد الفرق دي بتلموا فيها وين؟.
. ملحوظة : انتوا الارنب دي جنت وإلّا شنو؟.
هوامش
. نتمنى عاجل الشفاء والعافية لاسد الهلال وسيفه البتار سيف مساوي.
. الكورة طلعت لينا من نفسنا بسبب اصابة سيف مساوي.
. كلو ولا مساوي.
. الالتزام ..الانضباط ..الاخلاق ..كلها اشياء مجسدة وثابتة في سيف مساوي.
. نسأل الله ان يشفي مساوي ليعود (سيف) من جديد سيفا من سيوف الهلال البتارة.
. مساوي رغم الاصابة ..وهو في حالة خطرة ..رفع علامة النصر ..كان همه في الهلال وفي انتصاره.
. يستحق مساوي التكريم ..والعلاج في اوروبا ..حتي لو تعرض لخدش صغير.
. مساوي يستهال الكثير.
. مازمبي فريق ما ساهل ..وادخل الهلال في تجربة صعبة.
. يحسب لمازمبي انه في كل الظروف التى كانت تحدث فيها اصابات ..كانوا يخرجوا الكورة برة الملعب.
. فعلوا ذلك في اوقات عصيبة عليهم.
. النابي كما ظلم صلاح الجزولي ..ظلم مهند الطاهر ..وظلم ديفيد سمبو الذي كان عاوز يروح فيها.
. سمبو بعد دخل وشارك في المباراة ...قدم مباراة كبيرة ..ولعب بعقلية ناضجة ..ومستوى رفيع.
. رغم من انو (6) شهور ما لعب.
. افتقدنا مدثر كاريكا ..لكن صلاح الجزولي سجل هدف لا يسجله إلا صلاح الجزولي.
. صلاح الجزولي بخبرته المتواضعة ..وفرحته الكبيرة كان مهتز مع سامر العمرابي ..وما قدر يقول اي حاجة من الفرح.
. مباراة الهلال امام الزمالك ..واضح ان الهلال سوف يفقد فيها الكثير من عناصره.
. وان كانت عودة كاريكا تشكل اضافة كبيرة للهلال.
. لذلك يجب اضافة لاعبين جدد لكشوفات الهلال حسب الحاجة ..والخانة.
. اجمل ما في مباراة الامس ..كان حماس كامبوس.
. حماس كامبوس انتقل للاعبي الهلال ..ووصل حتى المدرجات.
. روح المدرب تأثر على الفريق.
. النابي كان فيه شيء من البرود.
. كما انه كان قاسيا على اللاعبين.
. مجدي كسلا ..تخلي من الهلال في وقت صعب ..وترك كامبوس والتاج محجوب ومدرب الاحمال في وقت صعيب وهم حديثو عهد بالهلال.
. ابتعاد مجدي كسلا كان في وقت غير صحيح ..وتخليه من الهلال في هذا الوقت ..امر غير لائق من لاعب قديم.
. كان يفترض ان يبقى مجدي كسلا حتى وان قرر الرحيل الى ما بعد مباراة مازمبي.
. حكاية (الزعل)..دي ما كويسة.
. مباراة الهلال امام الزمالك اسهل بكثير من مباراة الهلال التى لعبها امام مازمبي.
. يجيب التفكير في الانتصار في القاهرة على الزمالك.
. واضح ان مازمبي فريق صعب ..وانه من الصعب جدا ان يفقد فرصة التأهل.
. لذلك يجب ان يحسم الهلال امره بالانتصار على الزمالك في القاهرة.
. والزمالك فريق (هش)..وكل لاعبيه جدد ..ويفتقدون للخبرة ..وتنقصهم القوة.
. العودة بالنقاط الثلاث من القاهرة ..امر لا بد منه.
. ظروف مباريات الخرطوم ما معروفة.
. في القاهرة الزمالك يلعب بدون جمهور.
. وقد عاد الهلال بنقطة من الزمالك ..والزمالك فى قوته الكاملة وفي حضرة 70 الف مشجع.
. الهلال بشكله الحالي ومستواه الاخير ..قادر على الانتصار على الزمالك في القاهرة.
. ....
. عاجل : غاتيو يا نزار لو سيحة شاف حركاتك دي بحسبها ليك (قون) يوم الجمعة القادمة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.