سودارس : كباريكم دي في رمضان يا صلحوها يا وزعوا معاها (فطور)

شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 ماجد المصرى: الخلاف فى أولاد الراعى تجاوز المال إلى جوهر العلاقات الأسرية هل يمكن علاج الكبد الدهنى؟.. دراسة جديدة تربط الوقاية بفيتامين ب3 الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ إيطاليا تقترب من المونديال رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ماذا قال العميد طارق كجاب بعد إحالته المفاجئة للمعاش؟؟ ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كباريكم دي في رمضان يا صلحوها يا وزعوا معاها (فطور)

محمد عبد الماجد نشر في النيلين يوم 29 - 06 - 2014

كبري كوبر من قبل تلات سنوات .. يشيلوا وينزلوا فيه زي (عنقريب) الجنازة
""""""""""""""""""""""""
بقيت تطلع من (الكورة) زي الناس البكون عندهم (سماية)..يقوموا يقولوا ليك تعال عندنا (دولاب) عاوزين نحولو
"""""""""""""""""""""""""""""
فنان شاب سألوه عن امنيتو ..قال يا ريت لو الاسبوع فيه (خمسة) خميسات
"""""""""""""""""""""""""
ناس المريخ ينظموا البطولة ويطيروا منها زي شوربة الحمام الما فيها حمام
"""""""""""""""""""""""""""
. اسعدتني امس مطالبة احد الاحباب ممن إلتقيت بهم في الشارع العام طلبه ان اكتب عن (كبري) كوبر.
. خلاص كبرت وليك (19) سنة ..بصينوا فيك.
. تقول عاوزين يقلبوه (مطار).
. انتوا (الكبري) دا عاوزين تنزلوا فيه (طيارة)؟.
. صعبتوها عديل كدا.
. لمن قالوا لي اكتب عن كبري كوبر - قلت في البداية يا ربي كبري كوبر فيه (كورة).
. ما فهمت الموضوع.
. يمكن اكون ما عارف.
. او ما شايف شيء.
. يا ربي فيه (بلة).
. بلات البلد كترت.
. بدون مناسبة كدا قفز (كبري) كوبر بيناتنا.
. بقينا نتوافى الزحام.
. وندخل على بعضنا بعد كمية من الاعتذارات.
. شعرت بوجعة الرجل من (الكبري) ...ومن حرقة (لهاتو) من البعملو كبري كوبر.
. عندنا كبري من قبل تلات سنوات ..بفكوا ويركبوا فيه زي (عنقريب) العزابة.
. اقصد بشيلوا وينزلوا فيه زي عنقريب الجنازة.
. تقول عاوزينو يطير.
. على شوية كدا الكبري دا بطير.
. قال صيانة قال.
. قطر هو؟.
. كبري زي عنقريب العزابة ..(عنقريب الجنازة خليناه).
. قدر ما تمشي ليهم تلقاهم بشدوا في (الكراب).
. انا ما عارف (الفلسفة) في دي شنو؟.
. ما تقعدوا تتفلسفوا فينا ساكت.
. انتوا يا ناس الحكومة الكبري دا ما قادرين عليه.
. غلبكم.
. نحن ساكت شايلنها على مازمبي.
. كبري كوبر دا ..ضرب الحكومة 12 / صفر.
. وما في زول بقدر يقول حاجة.
. ساكتين متل (الطوب الاخضر).
. السكات كاتلنا.
. اسعدتني المطالبة من احد الاحباب لأنها خرجت بي من النطاق الضيق للكتابة – احلم ان اصل الى مستوى كتابة عمود رياضي خالي من الكورة.
. كورة شنو؟.
. الموضوع ما كورة بس – في حاجات اكبر من كدا.
. الكورة وسيلة وليس غاية.
. انتوا قايلنها كلها (بلة جابر).
. فاكرين الحكاية (موسى الزومة).
. الموضوع اكبر من كدا.
. في السياسة في ناس كورتهم اكعب من كورة بلة جابر – بس ساكت ما قادرين نقول حاجة.
. متخشمين بالحيرة ...وفول الفطور البخليك (6) ساعات برة الشبكة ..(ما فاهم اي حاجة).
. ابوك يضرب ليك تلفون ..تعاين للتلفون ..وتقول : (الرقم دا ما غريب عليّ).
. تشوف طشاش طشاش.
. انتوا (الفول) دا بتعملوا فيه شنو؟...تخلوا الواحد زي (اللستك) الفرحان بالبنشرة.
. يكونوا بعملوا ليكم فيه (منوم) – عشان تظلوا نايمين كدا ..اليوم كلو.
. شفتوا ليكم زول اكل ليه (فول) قام غضب.
. ما بتغضبوا.
. الزول من ياكل ليه فول ..بيظل مسالم...مسالم للاخر...وهادي ...ومسكين كمان.
. لو قالوا ليه تلت التلاتة كم ما بعرفها.
. في ناس بمناسبة (الفول) دا سياسيتهم زي كورة بلة جابر.
. بلة رايح فيها ساكت.
. ديل سياستهم في الكشافات.
. فلاحتنا نحن في (بلة جابر).
. نشيل ونقطّع في بلة جابر.
. بلة عمل ..بلة سوى ..بلة قال ..بلة البوفيه المفتوح..بلة كشافات.
. والبعملوا فيه الجماعة ديل ..اخطر من البعمل فيه بلة جابر.
. دا بلة ودا بلة ودا بلة ودا بلة.
. كلهم (بلات).
. لكن نحن ما شايفين غير بلة جابر.
. هسع المساك كبري كوبر دا ياتو بلة؟.
. اكيد دا بلة جابر بتاع التخطيط والمعمار في ولاية الخرطوم.
. الحكاية ما كورة بس.
. لكن بالمناسبة (البلوانية) دي ...وهي مناسبة ما عندها اي علاقة بين المناسبة الفي رأسكم.
. انتوا ساكت شايلنها معانا.
. بتخلقوا ليكم مناسبات من غير اي موضوع.
. مناسبات من فراغ.
. اقصد مناسبات من (فراخ) ..ما من فراغ.
. الفراخ حايم في المناسبات زي شجر النبق.
. اول شجر النبق بحوم.
. موش الزرقاء قالت ارى شجرا يسير ...(يعني عاوزين تمسكوها لي انا).
. فلاحتكم فينا بس.
. عادي الموضوع دا يحصل.
. عندنا زول في الحلة ..وقت يكون ما عندو موضوع ..بقول ليك رأيك شنو الخميس القادم نعمل لينا عرس صغير كدا؟.
. اسهل حاجة عندو العرس.
. الفلسفة شنو اي عرس يوم الخميس؟.
. واي خميس فيه عرس.
. فنان شاب سألوه عن امنيتو ..قال يا ريت لو الاسبوع فيه (خمسة) خميسات.
. كنا ممكن نقول عشان (الجمعة) عطلة رسمية...لكن اصلا العريس في اجازة...يعني ما محتاج ليه اجازة.
. تنططوا في عيونكم متل شبابيك المدرسة في آخر السنة.
. ليه ما في زول بعرس يوم الثلاثاء؟.
. التلاتاء مالها عيبوها لي؟.
. العاجبكم في الخميس شنو؟.
. مع ان الخميس النوادي كلها بتكون محجوزة ..واي فنان كويس بكون محجوز يوم الخميس ...والزحمة ...والشوارع بتكون مقفولة يوم الخميس.
. الخميس يوم مبروك ..وفيه بركة ..عشان كدا الناس بعرسوا يوم الخميس.
. هسع دا ما موضوعنا.
. ولا عاوز اقول ليكم في زيادة في السكر.
. ما عاوز اقول ليكم اي حاجة.
. انتوا براكم بتفسروا من رأسكم.
. تشيلوا وتقطعوا من رأسكم.
. دا ما موضوعنا – بقيت تطلع من (الكورة) زي الناس البكون عندهم (سماية)..يقوموا يقولوا ليك تعال عندنا (دولاب) عاوزين نحولو.
. تبقى السماية كلها تحول في (الدولاب).
. تلخبطوا الزول.
. دي سماية وإلا تحويل دولاب.
. ساكت غشتونا بالسماية.
. اها الدولاب سميتو منو؟.
. اقصد عاوزين تحولوا وين؟.
. الولد الاكلت سمايتو لمن يدخل الجامعة ..كل ما تشوفو تقول ليه : (والله انا في سمايتك حولت لي دولاب الى الان عامل لي قطيعة).
. هسع دا ما موضوعنا.
. عرج لينا في الحتة التانية.
. الهلال طبعا ما كورة بس ...الهلال في اي حاجة ..في اي اغنية ..في اي فرحة ..في اي خطوة.
. تفسير الاشياء بضيق ويمكن ان نبلغ في ذلك (الانحسار) الذي لا نريده ولا نفضله.
. العالم اوسع من (المستطيل الاخضر) الذي نكتب عنه – يمكنك من جانب آخر ان تشوف الفضاء من (خرم) ابرة.
. والعالم كلو بتشوفو في شاشة عرضها بضع بوصات.
. عشان كدا ما تتقيدوا لي بالفكرة.
. الفكرة متل (هدوم) العزابة ..قدر ما تمشي عليهم تلقاها في السلك.
. لكن (كباريكم) دي يا ناس الحكومة ..في رمضان بتجهجه لينا يومنا ساكت.
. كباريكم دي هسع مقفلة ..وعاوزة ليها (يوم) كامل عشان تقطع ليك (كبري).
. اذا كان الحال كدا الان ...في رمضان الوضع بكون كيف؟.
. الحال ح يكون كيف الساعة (4).
. كباريكم دي إلا تشوفوا ليها حل.
. كبري كوبر دا ...زي كلية الطب ..عاوز ليك (6) سنوات عشان تقطع الكبري.
. المحيرني نحن من جينا البلد دي للجامعة ..لقينا ليك كبري كوبر دا بصينوا فيه.
. لو قفلتو الكبري من الجانبين وعملتوا صالون حلاقة يكون احسن.
. هسع قربنا ننزل معاش..والكبري لسع ما اتصلح.
. يفكفكوا ويركبوا في الكبري زي الزول الشايل ليه (عضم) عاجبو ...يمزمز فيه من الجهتين.
. في النهاية كدا يشوف ليه كراع عنقريب عشان يدق فيها (العضم) عشان يلحس المخ.
. حاجة ما تخلص.
. يا ناس الولاية الوضع دا كدا ما ببقى ..ولا بنغشكم.
. كباريكم دي ما بتنستر في رمضان ...وح تضيع للزول يومو ..ويمكن اي زول عاوز يقطع الكبري يفطر برة البيت.
. عشان كدا ..لو الاوضاع ما اتصلحت ..كباريكم دي وزعوا معاها (فطور).
. صينية الحركة اعملوها صينية الفطور.
. اعملوا ليكم (سندوتشات).
. وزعوا ليكم (بلح) على الزول الداخل على الكبري ..حتى لو كنت داخل على الكبري الساعة تمانية صباحا.
. عشان الاذان بدخل عليك قبل ما تقطع الكبري.
. واضح ان الخرطوم (مروريا) اصبحت غير صالحة ...شوارع زحمة ..وكباري مقفلة ..واسواق مليانة وما في زول بيشترى.
. عندكم (كباري) تسل الروح ..لو الواحد قطع النيل ب (بنطون) افضل من ان تعبر بالكبري.
. تلات سنوات بصينوا في كبري كوبر ...الناس العملوه اول مرة ما اخدوا الوقت دا كلو.
. معقولة (الصيانة) عاوزة ليها وقت اكتر من التشييد.
. انتوا بتصينوا فيها ب (اوركسترا) الاذاعة.
. يا جماعة ما كدا.
. الناس ضايقة..وما عندها صبر ..وحيلها فتر.
. لو ما قادرين تتصرفوا ..(بحري) دي اقفلوها.
. خلوها كدا.
. الجوة جوة – والبرة برة.
. ح ننزل في (الردحي) دا كلو يوم.
. الناس وصلوا (القمر)...نحن ما قادرين نصل (بحري).
. الواحد بقى لو عاوز يقطع (البحر) يشيل ليه هم.
. الغريبة ناس المرور بقولوا ليك الحركة مُناسبة.
. مُناسبة كيف يعني؟.
. انتوا بتتكلموا عن شنو؟.
. غايتو إلا بتتكلموا ليكم عن حاجة تانية.
. عصيدة.
. شاي.
. ملوخية.
. بامية مفروكة.
. البامية المفروكة هسع الدخلها هنا شنو لو ما ساكت؟.
. الواحد لمن يكون عاوز ليه سبب مع (البامية المفروكة) ما بتلفت.
. بدخل عدل.
. قربت.
. ملحوظة : شنو القربت؟...(صيانة الكبري) ..انا قلت حاجة غير كدا.
هوامش
. طاروا من البطولة الافريقية من دور ال (64).
. قلنا اول شن خبركم انتوا بالبطولة الافريقية الكبرى.
. طاروا من سيكافا.
. قلنا ليهم تنظموا البطولة وتطيروا منها كمان.
. دي زي حكاية الزول البعمل ليه شوربة حمام ..ويقوم يحمر الحمام في الزيت ..يأخد ليه نومة تجي كديسة تضرب الحمام وتخلي للزول (الشوربة).
. ديل نظموها وطاروا منها.
. هسع الجماعة قالوا ليك قربوا يطيروا من كأس السودان.
. في دنقلا جابوا ليهم فد هدف.
. نحن في تمبول ..جبنا لينا سبعة اهداف.
. محمد عبدالرحمن براهو جاب ليه (6) اهداف.
. ما شاء الله وتبارك الله.
. امس فات علينا ان نتحدث عن احد اضلاع الفنان محمد النصري الفنية ...ضابط الايقاع والملحن ...والهلالي الجميل ود العوض.
. سوف نعود لنتحدث عن ود العوض في مساحة قادمة ان شاء الله.
. كما اننا سوف نتحدث عن الشاعر الغريب رامي قسم الله ..وعن صاحب النصيب سيد احمد عبدالحميد شاعر (رمال حلتنا)...وهؤلاء مع الطنبور يجمع بينهم الهلال.
. ولن ننسي مجدي عبداللطيف ..والكثير من روائع ..الشروق والشمال المجتمعة في رمضان.
. ابقوا على انتظار.
. ولنا حديث طويل عن حميد ..ومحمد خير درو ومحمد مهدي مختار وعبدالعظيم منصور.
. ...
. عاجل : ما تنسوا (الفرحة)..فوق التلاجة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.