سودارس : البلد فيها ازمة غاز وصناع لعب

مناوي: المدن التي تبنى على الإيمان لا تموت الدعم السريع يضع يده على مناجم الذهب بالمثلث الحدودي ويطرد المعدّنين الأهليين وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي تقارير تتحدّث عن قصف مواقع عسكرية في السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالفيديو.. عودة تجار ملابس "القوقو" لمباشرة البيع بمنطقة شرق النيل بالخرطوم وشعارهم (البيع أبو الرخاء والجرد) مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. حكم راية سوداني يترك المباراة ويقف أمام "حافظة" المياه ليشرب وسط سخرية الجمهور الحاضر بالإستاد شاهد بالفيديو.. مودل مصرية حسناء ترقص بأزياء "الجرتق" على طريقة العروس السودانية وتثير تفاعلا واسعا على مواقع التواصل بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بالصور.. أشهرهم سميرة دنيا ومطربة مثيرة للجدل.. 3 فنانات سودانيات يحملن نفس الإسم "فاطمة إبراهيم" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

البلد فيها ازمة غاز وصناع لعب

تعجبني الفكرة نفسها نشر في قوون يوم 27 - 02 - 2014

الطابونة ما فيها (معجون اسنان).
عادي جدا ..(دي ما عاوزة ليها شاعر).
الطابونة ما فيها (صابون).
عادي جدا ...(دي ما عاوزة ليها مخرج).
الطابونة ما فيها (اسكرتشات).
عادي جدا ..(دي ما عاوزة ليها ناظر مدرسة).
الطابونة ما فيها (لحمة).
عادي جدا ...(دي ما عاوزة ليها خرطوش موية).
هسع الدخل (خرطوش الموية) هنا شنو؟.
الطابونة ما فيها (جرايد ، ولا ادوات مكتبية).
عادي جدا ...(دي ما عاوزة ليها صلعة).
لكن كمان الطابونة يكون ما فيها (رغيف)...دي الحاجة الغريبة ..والما مقبولة ..وما مبلوعة كمان.
خلوها دي ...ما تشتغلوا بيها كتير.
ممكن الزول يمشي مطار الخرطوم ..يقعد فيه (4) يوم ..اليوم السابع يقولوا ليه الطيارة المفروض تسافر بيها ..مشت (الضعين) تجيب ليها (لبن) وح ترجع الاسبوع القادم.
دا مطار ..ولّا حاجة تانية.
هسع ناس المريخ (طاروا) من التمهيدي.
انا حصل جبت ليكم سيرتهم هنا.
حصل بالغلط كدا ..جبت ليكم سيرة (التمهيدي) دا.
سألتكم انا.
قلت ليكم حاجة.
هم براهم بتحسسوا من الموضوع دا.
هم براهم بتعقدوا من دور ال (64).
انا مالي.
انا اكرم الهادي سليم ...(قاعد حارس الاقوان زي الموية).
المعنى زي الزول القاعد حارس الموية بالجركانات منتظر جيتها.
انا علي جعفر ..تقول (شاويش).
اقول ليكم.
ولّا لا؟.
انا مالي.
ليس بالضرورة ان تكون ..هي ..هي...ممكن تكون حاجة تانية.
ممكن الزمن دا ما في اي حاجة بعيدة.
لا اريد ان اتحدث عن ازمة الغاز هنا.
هسع في زول سألكم.
من القال في الاساس في ازمة غاز.
غاز شنو؟.
براكم عاوزين ليكم سبب.
فتشوا العمود دا ..كلمة ..كلمة...شوفوا ح تلقوا هنا (غاز) حايم.
خلاص قولوا في ازمة غاز.
اعتبروا الموضوع دا حاصل.
يعني شنو؟.
انجلترا قبل (75) سنة كان فيها ازمة غاز.
ولا حاجة.
امريكا قبل (110) سنة كان فيها ازمة غاز.
يعني شنو؟.
مصر القريبة دي ..قبل (21) سنة كان فيها ازمة غاز.
بتحصل.
انتوا براكم بتصعبوا الموضوع.
هسع ناس امريكا ديل ..بي جمالها وروعتها دي ..عندهم باصات الوالي.
ديل...ديل (ركشات) ما عندهم.
احمدوا الله ساكت.
عشان كدا نحن مع القول البقول ..البلد دي ما فيها ازمة غاز.
افترضوا كدا افتراض ان البلد دي فيها ازمة غاز.
اعتقد ان ازمة الغاز في البلد دي سببها (البعملوا فيه اطراف المريخ ديل).
كورتهم في السما.
هم ذاتهم قصتهم قصة.
قصة غريبة عديل كدا.
ناس المريخ ديل كل ما يطيروا من بطولة..يرجعوا تاني لي بلة جابر وموسى الزومة.
ديل زي (دفاتر التاجر) القديمة.
ديل الحلول حقاتهم.
نظام شنو؟.
نظام خلي القرش الابيض لليوم الاسود.
وايامهم كلها سوداء.
كل ما يطيروا من حتة ..تلقاهم تاني رجعوا لي موسى الزومة وبلة جابر.
ديل الفرمالات بتاعنهم.
موسى الزومة وبلة جابر.
او بلة الزومة وموسى جابر.
نفس اللخبطة.
تطلع بي جاي ..وتدخل بي جاي.
ما تفهم اي حاجة.
نفس الكور الفى (السماء).
يا كشافات العالم اتحدوا.
نفس القصة ..ما فارقة كتير.
يعني شنو لو كان ما في (غاز).
الفحم دا عملوها لي شنو؟.
انت يا زول جنيت ..(غاز) شنو الشابكنا فيه من الصباح دا.
في ارتباط ..بين ازمة الغاز ..والبعملوا فيه اطراف المريخ ديل.
الحكاية دي اصلها ما ساكت.
الاطراف وازمة الغاز.
باكات المريخ يعني.
الواحد فيهم تقول دافنين (صرتو) في الكشافة.
انتوا البلد دي فيه ازمة صناع لعب.
يمكن.
الشيء البعرفوا انا ..قالوا الايامات دي في ازمة (جاز).
كمان دي برضو انكروها.
ينكروا (الحطب).
انا ما عارف.
صناع اللعب كلهم اغتربوا وطلعوا برة البلد.
يا ريت لو وقفت على صناع اللعب.
قالوا ليك حراس المرمي ذاتهم هاجروا.
هسع وين سبت دودو؟.
وين حامد بريمة؟.
وين يور؟.
وين شنان خضر؟.
وين عبدالمعطي؟.
وين هشام الطيب؟.
وين الشاذلي ام دوم؟.
تصوروا الحراس ديل كلهم هاجروا.
غادروا المجموعة.
الناس زمان فاكرين الناس الهاجروا هم (الاطباء) فقط.
البلد دي ما فيها زول قاعد.
كلهم طلعوا برة البلد.
هسع بدون مناسبة.
تعالوا شوفوا الحكاية دي.
يمكن تطلعوا ليكم منها بي فائدة.
خليناه الغاز.
خليناه الجاز.
شوفوا الحكاية دي ..وفكروا فيها.
حاولوا براكم كدا ..طلعوا العلاقة.
(يتذكَّر ناظم حكمت أنه كتب قصيدته الأولى في إسطنبول وهو في الثالثة عشرة من العمر؛ كان حريق هائل قد شَبَّ في المنزل المقابل لهم، فتملَّكه الفزع، وبعد أن تحول المنزل إلى رماد، كتب قصيدة بعنوان »الحريق«.
يقول إن وزنها كان مطابقاً لتلك الأصوات الباقية في مسمعه من قراءة جَدِّه لأشعاره. قصيدته الثانية كتبها وهو في الرابعة عشرة تقريباً وكانت عن الحرب العالمية الأولى التي قضى فيها خاله، وكانت بالتركية ذات الكلمات العربية والفارسية القليلة. بعدها جاءت قصيدته الثالثة وهو في السادسة عشرة على الأغلب، وكانت هذه المرة عن قطّة شقيقته. عرض القصيدة على الشاعر التركي الكبير يحيى كمال أستاذه في مدرسة البحرية وصديق الأسرة، الذي طلب أن يرى تلك القطّة التي وصفها في قصيدته، وكان تعليقه عندما لم يجد شبهاً بين القطّة الحقيقية وتلك التي في القصيدة أنه سيكون شاعراً، بما أنه أجاد تجميل تلك القطّة القذرة).
الكلام دا ..علي باليمين ..ما عندو علاقة بي كورة امس ..بين المريخ والخرطوم الوطني.
ولا في علاقة لا من بعيد ..ولا من قريب بي طيران المريخ.
ولا عاوز اقول ليكم (التمهيدي)..والكلام المسيخ داك.
ولا في علاقة بتربط بين الكلام دا ..وباكات المريخ.
ما تقعدوا تشرعوا لينا ساكت.
يمكن الموضوع عشان مهم وعشان عن (ناظم حكمت)...اعجبت بيه ..وحبيت انقله ليكم.
عشان تفهموا حاجة.
وعشان تعرفوا (الشاعرية) ممكن تطلع كيف؟.
ناظم حكمت (قطة قذرة) طلعها ليك قطة في منتهى الروعة.
هسع ناس الجرايد ديل بعملوا نفس الحكاية.
كورتنا الزي (القطة القذرة) دي بطلعوها ليكم كورة.
بعملوا ليها شنة ورنة في الفاضي.
هي وينها الكورة؟...عشان تعملوا ليها (الاتحاد العام لكورة القدم السوداني).
وينها المنافسة عشان تعملوا ليكم (الدوري الممتاز).
وينها ذاتها القيمة عشان تعملوا ليكم (9) جرايد رياضية.
كورة شنو؟.
الكورة في البلد دي زي الغاز..فيها برضو ازمة.
يا زول انت (غاز) شنو المدخلو لينا بين السطر والتاني.
الليلة يحلنا الله من الغاز.
خلاص عاوز يعملها لينا كلها (غاز).
عاد انتوا يا مريخاب عندكم شنو؟.
التمهيدي وطرتوا منو؟.
سيكافا ..وقطعوها ليكم في رأسكم.
ما عندكم اي طريقة.
ما في اي حيلة.
ما عندكم حاجة غير (الغاز).
اعملوا ليكم توكيل غاز ..افضل ليكم من كورتكم دي.
كورة شنو البتطيروا منها من دور ال (64).
انتوا كورتكم دي كنتوا بتلعبوها في خور اربعات.
شنو اي بطولة تشاركوا فيها تطيروا من دور ال (64).
هسع لو زرعتوا ليكم (سمسم) ما كان افضل ليكم.
غايتو نحن لو كنا في مكانكم دا ...كنا عملنا لينا مزرعة دواجن.
بلا لوردات ..بلا لخمة معاكم.
شبكتونا ...(17) لورد ...(17) لورد ..ما شفنا منهم اي لورد.
اللورد الوحيد (عبدالصمد) هسع شغالين فيه رماية.
ملحوظة : عليك قفل على كدا.
هوامش
الناس الهلال ديل ليهم عشرين 50 سنة بشاركوا في البطولة الافريقية ...وفي كل مرة يقولوا ليك الهلال يتعرض لحرب نفسية.
حرب نفسية بتاعة شنو؟.
نحن والله لا بنعرف حرب نفسية ولا بنعرف حرب اهلية.
ألعبوا كورتكم ..وابقوا راجعين.
بعدين انتوا من كترت الحرب النفسية التى تتعرضون لها ..مفروض تكونوا اتعلمتوا واتعودتوا عليها.
شنو كل ما تسافروا حتة تقولوا لينا (حرب نفسية).
انتوا الموضوع دا جديدين عليه.
كلام زي دا نحن ما بخارج معانا ولا بنقبلوا ليكم.
حكاية الحرب النفسية.
والامطار.
وارضية الملعب.
والفندق الما فيه (مراوح).
والتحكيم الظالم.
وناس الاتحاد رفضوا تلفزة المباراة.
الكلام دا كلو نحن ما بقسم معانا.
ولا بنقبلوا ليكم.
تلعبوا كورتكم بس ..وترجعوا.
لو اتغلبتوا لا قدر الله ...تتحملوا المسؤولية كاملة.
ما بنعذر لينا اي زول.
ولا بنغشكم.
نحن لو بنعذر زول كنا عذرنا ناس المريخ.
انتوا اقل حاجة (تعادل).
ما تخلونا نتفاصح ساكت.
ناس المريخ ديل اتلومنا معاهم ...وهسع هم راجيين مباراة الملعب المالي دي زي كأس العالم.
اوعكم.
احسموا التأهل من مالي.
ملعب استاد الخرطوم ما مضمون.
اغلبوا وتعالوا راجعين.
نصرالدين النابي ..عنده خبرة كبيرة في الكورة الافريقية.
وعاوزين نشوف النابي في اول اختبار حقيقي يتعرض له.
المريخ امس انتصر على الخرطوم الوطني.
بالله شوف ديل ..نحن بنقول شنو؟..وهم بقولوا في شنو؟.
المحلي دا ما تجيبوا لينا سيرتو.
نحن ما فاضيين للحاجات دي.
....
عاجل : يا ضفر كروجر فات ..بعد كدا بتظهر ..انت واخوك مالك.

انقر هنا لقراءة الخبر من مصدره.